Aşağı ətrafın zədələnmələrində immobilizasiya. Bud sümüyünün zədələnmələrində hərəkətsizləşdirmə. Bud sümüyündə, eləcə də bud-çanaq oynağında olan zədələnmələr
(çıxıq, sınıq) zamanı aşağı ətrafda olan oynaqların hər üçü (bud-çanaq,
diz və aşıq-daban) hərəkətsizləşdirilməlidir.
Bu məqsədlə standart Diteriks, Kramer şinalarından və əlaltı
materiallardan istifadə edilir.
Diteriks şinası bud sümüyünün sınıqlarında ən əlverişli şina sayılır.
Şina hərəkət edən, 1.71 m və 1.46 m uzunluğunda, 8 sm enində olan iki
taxta lövhədən, ayağın altına qoymaq üçün olan ağac dartma altlıqdan və
iplə bağlanmış dartma-burma dəstəkdən ibarətdir. Uzun ağac lövhə budun
təş səthinə qoyulurr və onun yuxarı hissəsi qoltuqalrı çuxura söykənənə
qədər uzadılır. Ikinci – qısa lövhə isə budun iç səthinə yuxarı hissəsi
aralığa söykənməklə qoyulur. Hər iki hissə hərəkətli olduğundan, onlar
asanlıqla yaralının boyuna uyğunlaşdırıla bilir. Sonra bir nəfər zədələnmiş
ətrafı ehtiyatla qaldırır və alıtlıq ayaqqabının üzərindən ayağa
geyindirilərək bintlə möhkəm sarınır. Şina qoyulub qurtaran kimi,
dəstəkdən tutulub tarım olana qədər dartılır və burulur, sonra şina bintlə
ətrafa sarınır.
Əgər xəstədə eyni vaxtda dabanın, topuqların və aşıq-daban
oynağının sınığı olarsa Diteriks şinası qoyula bilməz!
