Darvin dnt-ni BİLSƏYDİ CƏhalət müHİTİNDƏ İNKİŞaf edəN darviNİzm harun yəhya


Haqqı batil ilə örtməyin və haqqı gizlətməyin. (Qaldı ki) siz (həqiqəti) bilirsiniz. (Bəqərə surəsi, 42)



Yüklə 1,1 Mb.
səhifə11/15
tarix07.01.2017
ölçüsü1,1 Mb.
#4945
1   ...   7   8   9   10   11   12   13   14   15

Haqqı batil ilə örtməyin və haqqı gizlətməyin. (Qaldı ki) siz (həqiqəti) bilirsiniz. (Bəqərə surəsi, 42)

DNT-nin varlığı tək başına heç bir işə yaramaz

Genetik sistem yalnız DNT-dən ibarət deyil. DNT-dən bu şifrəni oxuyacaq fermentlər, bu şifrələrin oxunmasıyla istehsal olunacaq daşıyıcı RNT, daşıyıcı RNT-nin bu şifrə ilə gedib istehsal üçün üzərinə bağlanacağı ribosom, ribosoma istehsalda istifadə ediləcək amin turşuları daşıyacaq bir daşıyıcı RNT və bunlar kimi saysız-hesabsız ara əməliyyatları təmin edən son dərəcə kompleks fermentlərin də eyni mühitdə olması lazımdır. Ayrıca, belə bir mühit ancaq hüceyrə kimi, tələb olunan bütün xammal və enerji imkanlarının olduğu, hər istiqamətdən təcrid edilmiş və tamamilə idarəli bir mühitdən başqası ola bilməz ...

Nəticədə, bir üzvi maddə ancaq bütün orqanoidləri ilə birlikdə tam formalaşmış bir hüceyrə olaraq var olduğu təqdirdə özünü çoxalda bilər. Bu da hüceyrənin fövqəladə dərəcədəki kompleks quruluşuyla "bir anda" var olması mənasını verir. Nobel mükafatlı fransız bioloq Jacques Monod Chance and Necessity (Təsadüf və lazımlılıq) adlı kitabında bu mövzunu belə açıqlayır:

"Müasir hüceyrədə genetik məlumatın oxunması üçün fəaliyyətdə olan mexanizmdə ən az əlli makromolekul komponent var. Lakin bunların özü də DNT-də şifrələnmişdir: Şifrə oxuma nəticəsində əldə edilən məhsullar olmadan oxuna bilmir. Bu, omne vivium ex ovo ["Bütün həyat bir yumurtadan gəlir" şəklindəki Latın atalar sözü] ifadəsinin müasir şərhidir. Bu dövr nə vaxt bağlandı? Xəyal etmək həqiqətən çətindir." (188)

Bir başqa Nobel mükafatı sahibi olan fransız elm adamı Andre Lwoff da hüceyrə içindəki hər molekulun bir-birləri ilə əlaqəli çalışan bir bütünün hissəsi olduqlarını ifadə edir:



"Bir orqanizm bir-biriylə əlaqəli strukturların və funksiyaların meydana gətirdiyi bir sistemdir. Hüceyrələrdən meydana gələr və hüceyrələr də qüsursuzca iş birliyi edən molekullardan əmələ gəmişdir. Hər molekul digərlərinin nə etdiyini bilməlidir. Ismarıclarını ala bilməli və onlara görə hərəkət edə bilməlidir." (189)

Ehtimal hesabları, zülallar və nuklein turşularının (RNT və DNT) kimi kompleks molekulların tək-tək təsadüfən əmələ gəlmələrinin qeyri-mümkün olduğunu göstərir. Ancaq təkamülçülər üçün daha da böyük problem həyat üçün bu kompleks molekulların hamısının eyni anda və bir yerdə olması zəruriliyidir. Bu həqiqət qarşısında təkamül nəzəriyyəsi tamamilə çarəsizdir. Bəzən bu mövzu təkamülçülərin etiraflarında da yer alır. Bunlardan biri, müxtəlif sahələrdə professorluq edən Indiana Universitetindən Douglas R. Hofstadterdir:



"Necə oldu ki, genetik məlumat onu şərh edən mexanizmlərlə (ribosomlar və RNT molekulları ilə) birlikdə ortaya çıxdı? Bu sual qarşısında özümüzü bir cavabla deyil, heyranlıq və qarışıqlıq duyğuları ilə təmin etməyimiz lazımdır." (190)

Eyni həqiqət təkamülçü görüşlərə sahib XX əsr elm filosoflarını Prof. Karl Raimund Popper tərəfindən də qəbul edilir. Prof. Popper bu çıxılmaz vəziyyəti belə təsvir edir:



"Genetik kodu mənşəyi ilə əlaqədar problem yalnız bundan ibarət deyil. Kodun mövcud olması bu məlumatı almaq və istifadə etmək mənasını verər; əks halda, DNT içində qeydli olan məlumat gərəksiz olardı. Məlumatı almaq və istifadə etmənin mənası isə ferment və ribosomların məlumatı köçürməsi və tərcümə etməsidir. Hüceyrə bu ferment və ribosomları istehsal etməli olduğunu haradan bilirdi? Cavab: genetik kodda qeydli olan məlumatdan." (191)

Prof. Popperin diqqət çəkdiyi kimi, hüceyrənin bütün quruluş daşları, orqanoidlərə aid məlumatlar DNT-də yazılıdır. Digər tərəfdən DNT-dəki məlumatın istifadə edilməsi üçün həmin quruluş daşlarının, orqanoidlərinin tapılması da zəruridir. Bu vəziyyət çox açıq bir şəkildə təkamül nəzəriyyəsinin mərhələli meydana gəlmə iddialarını çürüdür. Çünki DNT-də kodlu məlumat olmadan orqanoidlər mövcud ola bilməz; eyni şəkildə bəhsi keçən orqanoidlər mövcud olmadan DNT-də kodlu məlumat istifadəyə verilə bilməz. Yəni, hər ikisi eyni anda mövcud olmalıdır. Bu səbəbdən, primitiv hüceyrədən kompleks hüceyrəyə keçid iddiası xəyaldan ibarətdir. Zooloq Prof. David E. Green və biokimyaçı Prof. Robert F. Goldberger təkamülçü fikirlərinə baxmayaraq, elmi nəşrdəki yazılarında belə bildirirlər:



"Primitiv hüceyrələrin, növlərin mənşəyi üçün başlanğıc nöqtəsi olduğu mövzusundakı məşhur fikir həqiqətən də səhvdir. Bu hüceyrələr haqqında funksional olaraq primitiv olan heç bir şey yoxdur. Bu hüceyrələr günümüzdəki nümunələri kimi eyni biokimyəvi avadanlıqla təchiz olunublar. Yaxşı, daha sonrakı hüceyrələr necə ortaya çıxmışdı? Bu suala veriləcək tək mənalı cavab necə olduğunu bilmədiyimizdir." (192)

Bütün canlılığı "təsadüf" cavabıyla izah etməyə çalışan təkamül nəzəriyyəsi DNT-də diqqətlə və qüsursuzca kodlaşdırılan fövqəladə məlumatın qaynağını əsla izah edə bilmir. Qaldı ki, mövzu DNT zəncirinin necə ortaya çıxdığı sualından ibarət deyil. Çünki DNT zənciri daha əvvəl də ifadə etdiyimiz kimi, içindəki fövqəladə məlumat tutumu ilə birlikdə var olsa belə, bu tək başına heç bir şeyə yaramır. Canlılıqdan bəhs etmək üçün mütləq bu DNT zəncirini oxuyan, köçürən və bu surətlərə görə zülallar istehsal edən fermentlər olmalıdır. Yəni, canlılıqdan bəhs etmək üçün, həm DNT adı verilən məlumat bankının, həm də bu bankdakı məlumatları oxuyaraq istehsal edəcək maşınlar mövcud olmalıdır. Bu hüceyrənin "mürəkkəb komplekslik" olaraq açıqlanan çox əhəmiyyətli bir xüsusiyyətidir. Prof. Frank B. Salisbury hüceyrədəki bu kompleksliyi belə dilə gətirir:



"İndi hüceyrənin bizim xəyal etdiyimizdən çox daha kompleks olduğunu bilirik. Hər biri öz içində kompleks maşınlar olan, minlərlə fermentin fəaliyyətini ehtiva edir. Hətta, hər ferment bir DNT lentini meydana gətirən genə qarşılıq meydana gəlir. Bu genin məlumat məzmunu və kompleksliyi nəzarət etdiyi ferment qədər müdhiş olmalıdır." (193)

Nəticədə iç-içə keçmiş, hər hissəsi bir-biriylə əlaqəli sistemlərdən ibarət olan canlı hüceyrəsinin tək bir orqanoidinin belə əskikliyi, o hüceyrənin fəaliyyət göstərmədiyi mənasını verir. Hüceyrənin bu cür həyati bir əskikliyi zaman içində kompensasiya edəcək, saxta təkamül müddəti ilə tamamlayacaq gözləmə lüksü yoxdur. Bu səbəbdən, milyonlarla il təsadüflərin kiçik-kiçik hissələri bir yerə gətirməsiylə bir canlı hüceyrənin meydana gəlməsi mümkün deyil. Hüceyrə hər hissəsinin mərhələlərlə meydana gəlməsinə imkan verməyəcək kompleks bir bütünlüyə malikdir. Hüceyrənin varlığını davam etdirməsi üçün hələ əvvəldən bütün hissələriylə əskiksiz və qüsursuz bir tam halında olması zəruridir. Bu vəziyyət də təkamül nəzəriyyəsi üçün keçməsi mümkün olmayan dolaşıqlıqlardan biridir.



"Hansı daha əvvəl" problemi: zülal yoxsa, DNT?

DNT ilə əlaqədar ən təəccüblü mövzulardan biri də, DNT-ni oxuyub ona görə istehsal edən fermentlərin də yenə DNT-dəki şifrələrə görə istehsalıdır. Bunun mənası budur: Hüceyrənin içində elə bir fabrik vardır ki, bu zavod həm çox müxtəlif məhsullar istehsal edir, həm də bir tərəfdən bu istehsalı həyata keçirən robot və maşınları da inşa edir. Tək bir nöqtəsində əskiklik olsa işə yaramayan bu sistemin necə ortaya çıxdığı sualı isə təkamül nəzəriyyəsini tək başına dağıtmağa kifayətdir.

DNT-nin tək zülal quruluşundakı bəzi fermentlərin köməyi ilə köçürə bilməsi və bu fermentlərin sintezinin də ancaq DNT-dəki məlumatlar istiqamətində reallaşması, zülal və DNT-nin bir-birindən asılı olduqlarını göstərər. Bu səbəbdən, DNT-nin köçürülə bilməsi üçün ən əvvəldən həm zülal, həm də DNT eyni anda var olması lazımdır. Elmi yazar John Horgan bu tərəddüdü belə açıqlayır:

"... DNT katalitik zülalların və fermentlərin köməyi olmadan etdiyi işi edə bilməz. Qısaca, DNT olmadan zülallar mövcud olmaz, amma DNT də zülallar olmadığı vəziyyətdə meydana gəlməz." (194)

Molekulyar bioloq Michael Dentona görə "Zülallar çox şey edə bilir, lakin öz inşaları üçün lazımlı olan məlumatı saxlaya və ya köçürə bilmir. Digər tərəfdən DNT məlumatı saxlaya bilir, lakin heç bir şey istehsal edə bilmir və ya özünü çoxalda bilmir. Bu səbəblə, DNT-nin zülallara, zülalların da DNT-yə ehtiyacı var. Bu qırılmaz bir dövr halında, "yumurta toyuqdan yoxsa, toyuqmu yumurtadan" paradoksunu xatırladır. (195) Andrew Scott da New Scientist jurnalındakı bir məqaləsində, zülalların və genetik kodun bir-birindən ayrı düşünülməyəcəyini belə açıqlayır:



"Klassik "toyuq və yumurta" tərəddüdü ilə məşğul oluruq. Nuklein turşuları zülalları əmələ gətirmək üçün lazımlıdır; zülallar da nuklein turşularını əmələ gətirmək və beləcə, eyni zamanda nuklein turşularının zülal istehsalı prosesində özünü istiqamətləndirməsini təmin etmək üçün lazımlıdır ... Cansız atomlardan bizim yaranmağımız yolunda, qəti olaraq həyati bir mərhələ gen-zülal əlaqəsinin ortaya çıxışı, hardasa tamamilə qaranlıq içində gizlənmişdir." (196)

Bu vəziyyət canlılığın təsadüflərlə meydana gəlməsi ssenarisini bir dəfə daha etibarsız edir. Amerikalı kimyaçı Prof. Homer Jacobson isə bu mövzuda belə deyir:

"[Həyat başladığı zaman], çoxalma planları, ətrafdan maddə və enerji təmin etmə, möhkəm inkişaf sırası və bütün bunların inkişafı üçün məlumatları tərcümə edəcək mexanizmə dair təlimatları, o anda və bir yerdə olması lazımdır. Bunların hamısının kombinasiyası təsadüfən reallaşa bilməz." (197)

Prof. Jacobson bu ifadələri Ceyms Watson və Francis Crick tərəfindən DNT-nin quruluşunun açılmasından iki il sonra yazmışdı. Ancaq elmdəki bütün nailiyyətlərə baxmayaraq, bu problem təkamülçülər üçün hələ həllini tapmamış qalır. Təkamülçü bioloq Prof. Dr. Əli Dəmirsoy da zülal və DNT-nin birlikdə meydana gəlmə ehtimalı haqqında bu etirafı etmək məcburiyyətində qalır:



"Bir zülalın və nüvə turşusunun (DNT-RNT) əmələ gəlmə ehtimalı təxminlərin çox kənarında bir ehtimaldır. Hətta müəyyən bir zülal zəncirinin ortaya çıxma ehtimalı astronomik deyiləcək qədər azdır." (198)

Dəmirsoyun bəhs etdiyi ehtimal isə praktikada sıfırdır. Təkamülçü Dr. Leslie Orgel isə 1994-cü il tarixli bir məqaləsində eyni həqiqət qarşısında belə deyir:

"Son dərəcə kompleks strukturlara sahib olan fermentlərin və nuklein turşularının (RNT və DNT) eyni yerdə və eyni zamanda təsadüfi olaraq meydana gəlmələri həddindən artıq dərəcədə ehtimal xaricidir. Amma bunların biri olmadan digərini əldə etmək də mümkün deyil. Bu səbəbdən, insan həyatın kimyəvi yollarla ortaya çıxmasının əsla mümkün olmadığı nəticəsini qəbul etmək məcburiyyətində qalır." (199)

"Həyatın kimyəvi yollarla ortaya çıxması qeyri-mümkündür" demək, "həyatın öz-özünə meydana gəlməsi qeyri-mümkündür" deməkdir. Bu həqiqət, canlılığın bir anda yaradıldığının açıq bir isbatıdır. Ancaq təkamülçülər açıq dəlillərini gördükləri bu həqiqəti ideoloji səbəblərlə qəbul etməzlər. Allahın varlığını qəbul etməmək üçün, qeyri-mümkün olduğunu özlərinin də bildiyi axmaq ssenariləri müdafiə edirlər. Bir başqa təkamülçü Caryl P. Haskins DNT şifrəsinin təsadüfən meydana gəlməsinin qeyri-mümkünlüyünü və bu həqiqətin yaradılış üçün güclü bir dəlil olduğunu belə ifadə edir:



"Biokimyəvi genetika səviyyəsində təkamülə aid ən əhatəli suallar hələ cavablandırılmamışdır. Genetik şifrə ilk dəfə necə ortaya çıxmışdı və necə təkmilləşmişdi? Bu gün yaşayan bütün orqanizmlərdə həm DNT-nin replikasiyası, həm də DNT şifrəsinin təsirli bir şəkildə çevrilmə prosesləri son dərəcə qəti fermentlərə ehtiyac duyur. Eyni zamanda, bu fermentlərin molekulyar strukturlarının DNT-nin özü tərəfindən qəti bir şəkildə ifadə olması, diqqətə dəyər təkamülçü bir sirri ortaya qoyur ... Şifrə və şifrəni çevirmə yolları təkamül müddətində özbaşınamı ortaya çıxmışdı? Belə bir təsadüfün reallaşa biləcəyinə inanmaq az qala ağlasığmazdır. Bu pazl (puzzle) Darvindən əvvəlki dövrdə olduğu kimi, Darvindən sonra da təkamüldən şübhə duyanlar tərəfindən, xüsusi yaradılış üçün ən güclü dəlil növü olaraq şərh olunmuşdur." (200)

Tək hüceyrəli bir orqanizm belə, elm adamlarının anlayışlarının xaricində bir kompleksliyə malikdir. Çünki bu kiçik canlı da tək başına surətini meydana gətirən böyük həcmdə bir genetik koddan ibarətdir. Bu kod isə yalnız nizam deyil, eyni zamanda yazılı məlumat da tələb edən bir quruluşa malikdir. Ayrıca, bu DNT kodunun yalnız doğru olaraq yazılması kafi deyil. Eyni zamanda, hüceyrənin qalan hissəsi, şifrəli olaraq yazılmış bu təlimatları oxuyub təqib etməlidir. Necə ki, canlı varlıqların hamısı, aldıqları bu əmrlər nəticəsində son dərəcə mütəşəkkil əməliyyatlar icra edən qüsursuz strukturlara sahib olarlar.

Şübhəsiz ki, şüursuz hüceyrə orqanoidlərinin bu kodların dilini öz-özünə öyrənməsi, ya da bunları təsadüf əsəri həll etməsi qeyri-mümkündür. Kodun mövcud olması, həll edilməsi, buradakı məlumatın köçürülməsi, doğru bir şəkildə istifadə edilməsi ... hər mərhələsi ayrı şüur və ağıl tələb edən əməliyyatlardır. Yaxşı, hüceyrədəki ferment və ribosomlar bu əməliyyatları etməli olduğunu haradan bilir? Bunu bildiklərini fərz etsək belə, bilmədikləri bir quruluşdakı şifrələri səhvsiz olaraq həll etmələri necə mümkün olur? Məhz bu nöqtədə soruşulan bütün suallar bir tərəfdən təkamülçülərin ziddiyyətlərini vurğulayarkən, bir tərəfdən də yaradılışdakı üstün ağıl və elmi sərgiləyən həqiqətləri ortaya qoyur. Quranda belə buyrulur:

Rəbbin, dilədiyini yaradar və seçər; seçki onlara aid deyil. Allah, onların qoşduqları şəriklərdən uzaqdır və ucadır. Rəbbin onların sinələrinin saxladıqlarını və aşkara çıxartdıqlarını da bilir. O, Allahdır ki, Ondan başqa ilah yoxdur. Dünyada da, sonda da həmd Ona məxsusdur. Hökm Onundur və siz Ona qaytarılacaqsınız. (Qəsəs surəsi, 68-70)

Kimyəvi təkamül iddialarının əsassızlığı

Darvin isti bir gölün içində həyatın xammalı olan bəzi kimyəvi elementlər olduğu təqdirdə zülalların meydana gələ biləcəyini, bunların da çoxalıb birləşib bir hüceyrə meydana gətirə biləcəyini müdafiə etmişdi. (201) Darvinin bu xəyalını reallaşdırmaq və həyatın mənşəyinə saxta təkamüllü bir şərhi gətirmək üçün çalışan minlərlə elm adamı da bu çıxılmaz yola girdilər.

Rus biokimyaçı Aleksandr Oparin və İngilis genetik J.B.S. Haldana 1920-ci illərdə "kimyəvi təkamül" kimi bilinən nəzəriyyəni ortaya atdılar. Darvinin xəyal etdiyi kimi, həyatın xammalı olan molekulların enerji təsirilə, öz-özlərinə təkmilləşib canlı bir hüceyrə əmələ gətirə biləcəyini iddia etdilər. Ancaq Oparin də daxil heç bir təkamülçü, bu "kimyəvi təkamül" iddiasını dəstəkləyəcək bir tapıntı ortaya qoya bilmədi. Əksinə, XX əsrdə edilən hər yeni kəşf canlılığın qətiyyən təsadüflərlə əmələ gəlməyəcək qədər kompleks olduğunu göstərdi. Məşhur təkamülçü Leslie Orgel bu mövzuda bu etirafı etmişdir: "(DNT, RNA və zülalların quruluşu araşdırıldığında) insan, həyatın kimyəvi yollarla ortaya çıxmasının əsla mümkün olmadığı nəticəsini qəbul etmək məcburiyyətində qalır." (202)

İnsanın quruluş daşı olan hüceyrə bir yana, DNT-nin təməl quruluşundakı nükleotidlərin belə, təsadüflər nəticəsində erkən dünya şərtlərində kimyəvi xüsusiyyətlərini qoruması mümkün deyil. Təkamülçü xətdə nəşr edən elm jurnallarından Scientific American-da yer alan bu sətirlər təkamülçülərin bu mövzudakı etiraflarını dilə gətirir:



"Ehtimal olunan primitiv dünya şərtlərinin təqlid edildiyi həqiqi təcrübələrdə, ən sadə molekullar belə yalnız az miqdarda istehsal edilmişdir. Daha da pisi, bu molekullar ümumiyyətlə üzvi molekulların ikinci dərəcədən quruluş daşlarıdır. Normal təsirləri get-gedə daha kompleks üzvi qarışıqlar yaratmaq olan geokimyəvi reaksiyalar nəticəsində necə olub ki, molekulların ayrıla bildikləri və saflaşa bildikləri hələ bir problem olaraq dayanır. Bir az daha kompleks molekullar üçün, bu çətinlik sürətlə daha da böyüyür." (203)

Alman elm adamları Reinhard Junker və Siegfried Scherer də canlılıq üçün lazımlı molekulların hamısının sintezinin ayrı-ayrı şərtlər tələb etdiyinə diqqət çəkərlər. Bu vəziyyət Junker və Şererə görə, həyat üçün lazım olan bir çox fərqli maddənin bir yerə gəlmə ehtimalının heç olmadığını göstərir:



"Kimyəvi təkamül üçün lazımlı bütün molekulların əldə ediləcəyi bir təcrübə bilinmir. Bu səbəbdən, müxtəlif molekulların müxtəlif yerlərdə çox uyğun şərtlərdə istehsal edilib hidroliz (bir molekulun suyun təsiriylə ikiyə ayrılmasını təmin edən reaksiya) və fotoliz (suyun işıq enerjisi ilə ayrılması hadisəsi) kimi zərərli faktorlara qarşı qorunub yeni bir reaksiya bölgəsinə daşınmağı lazımdır. Burada təsadüfdən bəhs edilə bilməz, çünki belə bir hadisənin reallaşma ehtimalı yoxdur." (204)

Dr. John Keosian da The Origin of Life (Həyatın Mənşəyi) kitabında təkamülçülərin içində olduğu bu çarəsizliyi bu sözlərlə etiraf edir:

Kimyəvi təkamül iddiaları həqiqətdən kənardır. Biokimyəvi komponentlərin, biokimyəvi reaksiyaların və mexanizmlərin, enerji mübadiləsinin və saxlanmasının, müəyyən polimerləşmələrin, şifrələrin, transkripsiya (DNT-dəki genetik məlumatın, RNT-yə köçürülməsi) və translyasiya (RNT-dəki genetik məlumatın oxunaraq zülal istehsal edilməsi) mexanizmlərinin və daha bir çox təfərrüatın, ibtidai suların içində canlılar hələ ortaya çıxmazdan əvvəl canlı bədənində edəcəkləri funksiyalar ilə birlikdə var olduqlarına inanmağımız gözlənilir. Kimyəvi təkamül öz içərisində sona çatmışdır. Çox vaxt həyatdan kənar üzvi kimyəvi sintezlərdə heç bir şəkildə meydana gələ bilməyəcək, lakin canlılıq üçün uyğun şərtlərdə təşkil olunan uydurma ya da məharətlə təhrif edən laboratoriya sintezləri ilə qarşımıza çıxır ... Ön fikirli qənaətlərimizi dəstəklədiyi üçün təcrübələri, nəticələri və mühakimələri qəbul etməyə hazırıq ... Həyatın mənşəyi probleminə həll olaraq indiki vaxtda ortaya atılan yanaşmalar ya mövzudan kənardır, ya da kor bir nöqtədə sona çatır. Elə böhran da burada yatır ... (205)

Kimyəvi təkamül ssenarisinin qeyri-mümkünlüyü DNT molekulunun quruluşu etibarilə də mümkün deyil. Çünki DNT molekulu öz halına buraxıldıqda dayanıqlılığını itirər, yəni xarici faktorlar molekulun quruluşunun asanlıqla pozulmasına səbəb olar. DNT-nin hüceyrə içərisində qərarlı olmasının səbəbi böyük ölçüdə xüsusiləşmiş fermentlər tərəfindən nəzarət edilməsi və təmir edilməsi sayəsindədir. Hüceyrə xaricində təkamülçülərin iddia etdiyi kimi ibtidai okeanların içində üzərkən DNT-nin molekul quruluşunu qoruması-qərarlı qalması-mümkün deyil. Əksinə, bu molekulun saxta ibtidai okean mühitində pozulma nisbəti, sintez sürətindən daha çox olacaqdı.(206) Kimyaçı Dr. Charles B. Thaxton, Dr. Roger L. Olsen və Prof. Walter L. Bradleyin ortaq işi olan The Mystery of Life's Origin (Həyatın mənbəyinin sirri) adlı kitablarında "Okean mühitindəki kimyəvi şorbada, RNT və digər əsas biomolekul sintezinin çoxlu sayda çarpaz reaksiya səbəbiylə, hardasa hər bir dövrdə qısa dövr etməsi olacaq" deyərək, həyat üçün lazımlı maddələrin dayanıqlılığını qoruya bilməyəcəklərinə toxunur. (207)

Necə ki, bir biokimyaçı DNT-ni hüceyrədən ayıranda və ya laboratoriyada sintez edəndə, onu, əriməsinə səbəb olacaq suyun içində və ya olduğu qabı otaq istiliyində, laboratoriya dəzgahı üzərində buraxmaz. Böyük ehtimalla, ağzını möhkəmcə bağlayıb bir balon içərisində azot altında və çox soyuqda saxlayardı. Qaldı ki, bu şərtlərdə belə molekul içərisindəki kimyəvi əlaqələr yavaşca parçalanır və bioloji fəaliyyət zaman içində itir. (208)

Təkamülçülər saxta ibtidai okean içərisində və təbii şərtlər altında DNT, RNT və zülal molekullarının sürətlə yox ediləcəyi həqiqətini, tamamilə görməzlikdən gəlirlər. Dr. Carl Sagan The Origins of Prebiological Systems (Prebioloji sistemlərin mənşəyi) adlı kitabında, həyatın mənşəyi ilə əlaqədar mövcud ssenarilərin məqbul olmadığını belə qəbul edir:



"Müzakirə etdiyimiz problem çox ümumidir. Üzvi molekullar almaq üçün enerji qaynaqları istifadə edirik. Lakin eyni enerji qaynaqlarının bu üzvi molekulları yox edə biləcəyi də aydın olmuşdur. Üzvi kimyaçı reaksiya məhsulları pozulmadan əvvəl bunları enerji qaynağından dərhal uzaqlaşdıra bilər. Lakin həyatın mənşəyindən söz edəndə, sintezlə birlikdə eyni zamanda pozulmaların da reallaşdığını və bu məhsullar dərhal uzaqlaşdırılmadıqda, reaksiyanın gedişatının fərqli olacağını görməməzlikdən gəlməməliyik. Həyatın mənşəyini təkrar etməyə çalışarkən bu çətinliklə bir şəkildə qarşılaşmayacağımız məqbul ssenarilər xəyal etmək məcburiyyətindəyik!" (209)

Burada unudulmaması lazım olan DNT-dəki məlumatlar oxuyacaq, bu təlimatları qəbul edən zülal istehsalı edə biləcək mexanizmə sahib bir hüceyrə belə yoxkən DNT-dəki məlumatın bir mənası olmayacağıdır. Təkamülçülərin irəli sürdüyü ibtidai dünya şərtlərində DNT molekulunun-hər cür mümkünsüzlüyə baxmayaraq-özbaşına meydana gəldiyini fərz etsək belə, DNT-nin varlığı tək başına bir məna daşımazdı. Prof. David E. Green və Prof. Robert F. Goldberger təkamülçü şəxsiyyətlərinə baxmayaraq, hüceyrənin mərhələli olaraq özbaşına ortaya çıxdığı görüşünün etibarsızlığını belə ifadə edirlər:

... Makromolekuldan hüceyrəyə keçid fantastik ölçülərdə bir sıçrayışdır və test edilə bilən bir fərziyyə deyil. Bu sahədə hər şey fərziyyələrdən ibarətdir. Mövcud məlumatlar hüceyrələrin bu planetdə özbaşına ortaya çıxdığını, həqiqi olaraq fərz ediləcək bir təməl meydana gətirmir.210

New York Times qəzetinin elmi yazıçısı Nicholas Wade İyun 2000-ci ildə nəşr olunan "Həyatın mənşəyi daha qaranlıq və daha kompleks olur" adlı məqaləsində "Dünyada həyatın mənşəyiylə əlaqədar hər şey bir sirdir və nə qədər çox şey bilinsə, tapmaca da o qədər dərinləşir." deyir. (211) Biokimyaçı Prof. Michael J.Behe isə təkamül ssenariləri baxımından elmin içində olduğu vəziyyəti belə xülasə edir:



"Əslində, əksər elm adamı həyatın başlanğıcı mövzusunda izah verməyiblər. Digər tərəfdən bir qisim elm adamları həyatın mənşəyi mövzusunda bu kitabda təsvir edilən böyük çətinliklərə baxmayaraq, təkamülün asanlıqla açıqlana biləcəyini düşünürlər. Bu qəribə vəziyyətin səbəbi isə belədir: kimyaçılar həyatın mənşəyi ssenarilərini ölçülərlə və təcrübələrlə test edirlər. Ancaq təkamülçü elm adamları təkamül ssenarilərini nə ölçü, nə də təcrübələrlə molekulyar səviyyədə test etməyə təşəbbüs etmirlər. Elə bu səbəblə, həyatın mənşəyi işlərinə hakim olan təkamülçü biologiya, təcrübələr edilmədən əvvəlki 1950-ci illərdəki zehniyyətdə ilişib qalmışdır: Xəyal gücü sərhədsiz istifadə olunaraq. Biokimyanın inkişafıyla əslində təkamül nəzəriyyəsinin qətiyyən açıqlaya bilmədiyi bir dünya ortaya çıxmışdır və bu dünya canlıların hamısında mövcuddur. Darvinin başlanğıc nöqtəsi olan həyatın mənşəyi və görmənin mənşəyi nəzəriyyə tərəfindən qətiyyən açıqlanmamışdır. Darvin heç bir zaman həyatın ən təməl səviyyəsində belə olan bənzərsiz kompleksliyi xəyal edə bilməmişdir." (212)

Təkamülçülərin anlamaq istəmədikləri nöqtə də budur: Darvin canlıların kompleksliyini əvvəldən görə bilməyəcək qədər səthi məlumatlara sahib, yalnız müşahidələrinə əsaslanaraq izah verən həvəskar bir elm adamı idi. Təkamül nəzəriyyəsinə kor-koranə bir bağlılıq göstərən bir çox elm adamı da özlərini bu cəhalətin çıxılmaz vəziyyəti içində tapır. İstər etibarlarını itirmə narahatlılığından, istər doğruları danışma cəsarəti göstərə bilməməkdən, istərsə də Allahın yaratmasını qəbul etmək istəmədikləri üçün toplu bir yalanın hissəsi olmuşlar. Ancaq həqiqətlər elə aydındır ki, bəzən etiraf xaricində təkamülçülərin də söyləyəcək sözləri yoxdur. Müasir təkamülçülərindən biri olmasına baxmayaraq, biokimyaçı Klaus Dose həyatın guya ibtidai mühitdə özbaşına meydana gəlməsinin qeyri-mümkünlüyünü belə qəbul edir:



"Bunun ardınca hələ açıqlanamamış bir tapmaca var, yəni, genlərimizdə məskunlaşan məlumat nümunəsində olduğu kimi bioloji məlumatın qaynağı sualı ... Sadə nukleotidlərin və ya hətta ibtidai dünya şərtlərində köçürülə bilən polinukleotidlərin özbaşına meydana gəlməsi ehtimalı bu sahədə edilən saysız müvəffəqiyyətsiz təcrübə əsasında artıq qeyri-mümkün olaraq qəbul edilməlidir." (213)

"Həyatın kimyəvi yollarla ortaya çıxmasının qeyri-mümkün olması", "həyatın təsadüfən ortaya çıxması qeyri-mümkündür" deməkdir. Bu səbəbdən, həyatın mənşəyini təsadüflə izah etməyə çalışan təkamül nəzəriyyəsi daha ilk mərhələdə çökür. Həyatın mənşəyi təsadüf olmadığına görə elm açıqca göstərir ki, həyat qüsursuz bir şəkildə yaradılmışdır. Yalnız ilk canlılıq deyil, yer üzündəki bütün fərqli canlı sinifləri ayrı-ayrı yaradılmışlar. Necə ki, fosillər bu xüsusu təsdiqləyir, bütün növlərin yer üzündə bir anda və özünəməxsus quruluşları ilə ortaya çıxdıqlarını, heç bir təkamül müddəti keçirmədən yaradıldıqlarını göstərir.



Yüklə 1,1 Mb.

Dostları ilə paylaş:
1   ...   7   8   9   10   11   12   13   14   15




Verilənlər bazası müəlliflik hüququ ilə müdafiə olunur ©azkurs.org 2024
rəhbərliyinə müraciət

gir | qeydiyyatdan keç
    Ana səhifə


yükləyin