«TƏBİB»
Noyabr ayının 21-də ATU-nun rektoru, akademik Əhliman
Əmiraslanov Bakıda səfərdə olan Daşkənd Tibb Akademiyasının
rektoru Şavkat Karimovu qəbul edib.
Görüş zamanı akademik Ə.Əmiraslanov qonaqlara ATU-nun fəaliyyəti,
universitet nəzdindəki klinikalar, mövcud tədris sistemi haqqında ətraflı
məlumat verib. ATU-nun müasir tibbi avadanlıqlarla təchiz olunmuş 4 klini-
kasının fəaliyyət göstərdiyi bildirilib. Qeyd olunub ki, klinikalarda tələbələr
və rezidentlərin praktiki vərdişlərə yiyələnməsi üçün hər cür şəraiti olan
xüsusi tədris mərkəzləri yaradılıb. Bununla yanaşı, bu müəssisələrdə həm
də əhaliyə keyfiyyətli tibbi xidmət göstərilir. Hər bir klinika öz profili üzrə
ən son model tibbi avadanlıqlarla təchiz olunub ki, bu da pasiyentlərə
qısa müddətdə tam dəqiq diaqnoz qoyulmasına, onların düzgün müalicə
olunmasına və yüksək ixtisaslı həkimlər tərəfindən uğurlu əməliyyatların
həyata keçirilməsinə imkan verir.
ATU-nun Azərbaycanda yeganə tibb təhsil müəssisəsi olduğunu bildirən
Ə.Əmiraslanov universitetdə xarici ölkələrdən olan tələbələrin də oxudu-
ğunu bildirdi. Onun sözlərinə görə, hazırda universitetin 7000-dən çox
tələbəsi var və onlar tam beynəlxalq standartlara uyğun təhsil alır, yüksək
şəraitli klinikalarda təcrübə keçirlər.
Akademik Şavkat Karimov da öz növbəsində rəhbərlik etdiyi müəssisə
haqqında məlumat verib. Onun sözlərinə görə, Daşkənd Tibb Akademiya-
sının tərkibində bir neçə universitet fəaliyyət göstərir. Artıq 11 ildir Akade-
miyaya rəhbərlik edən Ş.Karimov Azərbaycan Tibb Universiteti ilə əlaqələri
genişləndirməyin tərəfdarı olduğunu vurğulayıb.
Görüşün sonunda Azərbaycan Tibb Universiteti və Daşkənd Tibb Aka-
demiyası arasında mütəxəssis və rezident mübadiləsi haqqında qarşılıqlı
əməkdaşlıq müqaviləsi imzalanıb.
Dostları ilə paylaş: | 
