Davlat va huquq nazariyasi
o‘zi Konstitutsiyamizda ifodasini topgan eng asosiy maqsad – inson manfaatlarini
Yüklə 1,19 Mb. Pdf görüntüsü
|
|
o‘zi Konstitutsiyamizda ifodasini topgan eng asosiy maqsad – inson manfaatlarini
har tomonlama ta’minlash masalasini dolzarb vazifa qilib qo`ymoqda” 51 - deb ta’kidlashlari ham bu borada ishlar yuqori darajada olib borilayotgandan dalolat. Albatta ushbu masala juda muhim, demak, davlat boshqaruv organlarining ochiqligi tushunchasiga, bir qator adabiyotlarda quyidagicha tushuntirish berilgan, jumladan, davlat boshqaruvi organlarining ochiqligi borasida tadqiqot o‘tkazgan olim F.Belozor tomonidan jamiyat va davlat o‘rtasidagi o‘zaro munosabatlarni demokratik jihatdan ishtirok etish, shuningdek, davlat siyosati, davlat va munitsipal boshqaruv qarorlarini shakllantirishda, ularning bajarilishini nazorat qilishda ishtirok etish uchun huquqiy va faktik imkoniyatlarni yaratib berish shart deb davlat boshqaruvining ochiqligiga ta’rif berib o‘tgan. Bunda biz davlat boshqaruvi organlarining ochiqligida fuqarolik jamiyati vakillari davlat boshqaruvi organlari faoliyati to‘g‘risida maksimal, qonuniy kafolatlangan va ishonchli ma’lumotlarga ega bo‘lishlari kerakligini anglab olishimiz mumkin. Yuqoridagilarga asoslanib, ushbu tushunchaga quyidagicha ta’rif beramiz, ya’ni davlat hokimiyati va boshqaruvi organlari ochiqligi bu – jismoniy va yuridik shaxslarning davlat hokimiyati va boshqaruvi organlari faoliyati to‘g‘risidagi axborotni olish, undan foydalanish va ushbu axborotni tarqatishdagi huquqining ta’minlanishidir. 51 Mirziyoyev Sh.M “Milliy taraqqiyot yo`limizni qat’iyat bilan davom ettirib, yangi bosqichga ko`taramiz”. – Toshkent: “O`zbekiston”NMIU, 2017. – B 114. 63 Bundan tashqari davlat boshqaruvi organlarining ochiqligini ta’minlashni takomillashtirish uchun olib borilgan tadqiqotimizda, xorijiy davlatlar qonunchiligi, amalga oshirgan ishlari, ushbu sohani takomilashtirish uchun joriy qilgan yangicha yondashuvlarni va olimlarning ilmiy-nazariy va ilmiy-amaliy tadqiqotlari, yozgan ilmiy qo‘lyozmalari va o‘quv adabiyotlarini o‘rganib chiqdik. Jumladan,ushbu tadqiqotimiz davomida o‘rganilgan Koreya Respublikasi, Buyuk Britaniya, Germaniya Federativ Respublikasi va AQSh kabi davlatlarning tajribasini o‘rganib chiqish davomida, ushbu davlatlarning Open Government Partnerships tashkilotiga a’zo davlatlar ekanligi, ushbu davlatlarning tadqiqotimiz mavzusi hisoblangan davlat boshqaruvi organlarining ochiqligini ta’minlash masalasida bir yoki ikki yil uchun mo‘ljallangan “Milliy Rejasi”ni ishlab chiqishi va belgilangan yil yakunlari bo‘yicha hisobot maqolasi chop etishi, agarda “Milliy Reja” da belgilangan vazifalarni bajara olmasa yuqoridagi tashkilot tomonidan ogohlantirish xati olishi, bu bilan tashqi siyosatdagi o‘rniga zarar еtishi mmumkinligi haqida ma’lumotlarga ega bo‘ldik. Koreya Respublikasi tomonidan “Aqlli Hukumat” (Smart Government) dasturi, zamonaviy texnologiyalar orqali fuqaro bilan muloqot qilishni hamda jamoatchilik fikrini inobatga olib qonunlar ishlab chiqishni hayotga tadbiq etishi orqali bugungi kundagi rivojlangan Koreya davlatini shakllantirdi. Bundan tashqari Germaniya Federativ Respublikasining ushbu sohani takomillashtirish borasidagi amalga oshirgan ishlarini tahlil qilib chiqdik. Tahlil qilish davomida shuni guvohi bo‘ldikki, Germaniyada jamoatchilik nazorati ancha yaxshi yo‘lga qo‘yilgan ekan. Xuddi Germaniya singari Buyuk Britaniyada ham jamoatchilik nazorati va qabul qilingan qonunlarning ijrosini ta’minlash ancha yaxshi yo‘lga qo‘yilgan ekan. Davlat boshqaruvi organlarining ochiqligini ta’minlashni takomillashtirish borasida ushbu davlatlar olib borgan ishlari va amaliyotga tadbiq etgan yangiliklaridan milliy qonunchiligimizda va hayotimizga еtarli darajada o‘zlashtirsak bo‘lar ekan. 64 Ochiq hukumat dasturining ijodkori hisoblanadigan AQSh davlatining ushbu sohani takomillashtirishga joriy qilgan tajribasini o‘rganish davomida, biz davlat organlarining hisobdorligi, faoliyatini shaffof tarzda olib borishi va jamiyat rivoji uchun qabul qilinayotgan qonunlar jamoatchilik fikrini inobatga olib qabul qilinish haqidagi maa’lumotlarga ega bo‘ldik. Shuningdek, amaldagi qonunchilikda uchraydigan kamchiliklarni tahlil qilib chiqish natijasida ularga еchim bo‘lishi mumkin bo‘lgan turli xil taklif va tavsiyalar berib o‘tdik. Davlat organlari faoliyati ochiqligini ta’minlashga qaratilgan qonunchilik hujjatlarining rivojlanishi quyidagi to‘rtta bosqichga bo‘lib tahlil qilib berildi: Yüklə 1,19 Mb. Dostları ilə paylaş:
|