Dərs vəSAİTİ Azərbaycan Respublikası Təhsil Nazirinin

“Zomblaşdırmanın” ekspansiyasına xarakterik 
nümunə kimi Rusiyanın NTV, ORT, RTR telekanallarının 
Azərbaycanla bağlı süjetlərində və Tehranın azərbaycandilli 
telekanallarının proqramlarında bəzi tamaşaçıların tam 
formalaşmamış  şüurlarına gizli təsirin göstərilməsini misal 
çəkmək olar. Hətta bəzən xarici telekanalların Azərbaycan 
telekanallarının proqramlarından sitat gətirdikləri epizodlar 
da müxtəlif gizli mənalar və fikirlərlə zəngin olur. 
“Zomblaşdırma” uşaqlar üşün xüsusilə 
təhlükəlidir.  Yaponiyada TV-də  şüurdan gizli reklamla 
birlikdə nümayiş etdirilmiş cizgi filminə tamaşa etmiş 800 
uşaqda epilepsiya pristupunun baş verdiyi aşkar 
olunmuşdur. ABŞ  məktəblərində  hətta uşaqlara birbaşa 
aidiyyəti olmayan teleproqramlarda aşılanan gizli təsir 
nəticəsində intihar epidemiyası dalğası əmələ gəlmişdir. Bu 
slkələrdə insan psixikası ilə manipulyasiyaya yol verilən 
proqramların nümayişi qadağan edilmişdir. 
Azərbaycanda “zomblaşdırma” hələlik qanunla 
tənzimlənmir və tamaşaçılar gündəlik gizli virus 
normalarını alırlar. Cəmiyyətin  şüurunu təhlükədən 
qurtarmaq, kütləvi xəstəlik və ölümün qarşısını almaq üçün  
hökumət tərəfindən təcili qərarların qəbul olunması  tələb 
olunur (Rusiyada Kaşpirovski və Çumakla bağlı olduğu 
kimi). 
Televerilişlərin insanın fiziki sağlamlığına təsiri ilə 
bağlı  məşhur bir faktı da misal göstərə bilərik. 1997-ci il 
dekabrın 16-da axşam Yaponiyada televiziya ilə “Pakemon” 
cizgi filimi göstərilmişdir. Bu filmdə  səmada qırmızı-mavi 
işıq sayrışmaları olan beşsaniyəlik bir epizod vardır. Cizgi 
filminə baxan 700 uşaqda və yaşlı şəxsdə ürəkkeçməsi baş 
vermiş, təcili yardımlar çağırılmış  və 200 nəfər 
xəstəxanalara yerləşdirilmişdir. Mütəxəssislər cizgi filminin 
230 
 
təkrar nümayişi barədə bütün Yaponiya əhalisinə  məlumat 
vermiş  və ertəsi gün qırmızı-mavi epizodu yenidən 
televizorda göstərmişlər. Təkrar seans  bütün ölkədə yeni 
ürəkkeçmə dalğası yaratmışdır. Ürəyi keçənlərin yaş 
diapazonu 3-58 yaş arasında olmuşdur. Bəzi uşaqlarda 
ürəkkeçmədən sonra boğulma halları da baş vermişdir. 
Təhsil Nazirliyinin verdiyiy məlumata görə 12950 uşaqda 
müxtəlif ağır dərəcəli simptomlar aşkar edilmişdir. 
Aydınlaşdırılmışdır ki, animatorlar şüura təsir etmək üçün 
hansısa xüsusi effektdən istifadə etməmişlər. 
Ürəkkeçmələrə səbəb yalnız rəngli “sayrışmalar” olmuşdur. 
Buna səbəb nədir? 
İşıqla qaranlığın tez-tez bir-birini əvəzləməsi və 
yaxud da kontrastlı patternlər neyronlara təsir edir və onları 
adi haldakına nisbətən daha böyük tezlikli elektrik 
impulsları yaratmağa məcbur edir. Beləliklə  də, yaranmış 
“elektrik fırtınası” epilepsiyadan əziyyət çəkən insanlarda 
əzələ qıcolmasına və ürəkkeçməyə səbəb olur. Və bu zaman 
sayrışmanın olması mütləq deyil, əsas odur ki, rəng 
təzadları  və  kəskin dəyişikliklər insanın  şüurunda qeydə 
alınmalıdır. 
İnformasiyanın hələ tam formalaşmamış şüura (təhtəl-
şüura) birbaşa yerləşdirilməsi  İnternet istifadəşilərinə  də 
təsir edə bilir.  Daha geniş yayılmış “666” və 
“25th.Century.Fox” kompüter virusları  da  eyni  ilə “25-ci 
kadr effekti”ndən istifadə edirlər.