Dərs vəsaiti GƏNCƏ 2019 elmi redaktoru

Şək.1.7. Venturi skrubberinin ümumi görünüşü

Venturi skrubberləri orta ölçülü (1-2 mkm ) toz hissəciklərinin təmizlənməsində və yüksək dispersliyə malik toz hissəciklərini ( 0,01mkm-ə qədər) qazın tərkibində qatılığının geniş diapazonunda (0,05-100q/ m³) yüksək səmərəliliklə (η = 96-98%) işləyə bilir. Dərin (zərif) təmizləmə rejimində işləyərkən boğazlıqda qazın sürəti 100-150m/san hüdudlarında saxlanmalıdır.

Nəm toztutucuların təmizləmə səmərəliliyi əksər hallarda energetik metod əsasında aparılır.

Nəm toztutucuların əsas energetik parametri cəmlənmiş təmas (toqquşma, toxunma) enerjisi K_t, yəni, vahid zamanda müəyyən həcmdə qazın maye ilə təmizlənməsinə sərf olunan enerjidir.

Bu parametrin ədədi qiyməti aşağıdakı ifadə ilə təyin edilir:

, kCoul/1000 m³ qaz. (1.53)

burada, Δр – aparatın hidravlik müqaviməti, Pa;

p_m – aparatın girişində püskürdülən mayenin təzyiqi, Pa;

V_m və V_q – uyğun olaraq maye və qazın həcmi sərfiyatı, m³/san.
Energetik metod əsasında nəm toztutucuların təmizləmə səmərəliliyi aşağıdakı formul ilə təyin edilə bilər:

_, (1.54)
Burada, B və λ – tozun fiziki-kimyəvi xassələrindən və dispers tərkibindən asılı olan sabitlərdir.

Energetik yanaşma tərzi nəm toztutucuların hesabatını sadələşdirir və sənaye aparatlarının iş təcrübəsi ilə təsdiqlənən nəticələr verir.