Dərs vəsaiti Sumqayıt 2015 Azərbaycan Respublikasi Təhsil Nazirliyi Sumqayıt Dövlət Universiteti

Sumqayıt - 2011

Proqram Sumqayıt Dövlət Universitetinin “Beynəlxalq iqtisadi münasibətlər və marketinq” hazırda “Dünya iqtisadiyyatı” kafedrası tərəfindın hazırlanmışdır.

Tərtib edənlər:	i.e.n, dos. M.Ö.Pənahəliyeva i.e.n, dos. Ş.T.Əliyev
Elmi redaktor:	i.e.n, dos. Q.Hüseynov
Rəyçilər:	SDU-nun «Menecment» kafedrasının müdiri, i.e.n, dos. B.Ə.Orucəliyeva

Azərbaycan Dövlət İqtisad Universitetinin «Beynəlxalq iqtisadi münasibətlər» fakultəsinin dekan müavini, i.e.n.,

dos.M.İ.Bərxudarov

1. 
   İZAHAT VƏRƏQƏSİ
   

Proqramda nəzərdə tutulan kursun məcmuəsi, o cümlədən tematık plan, mövzular və onların məzmunu, əsas ədəbiyyat və rəsmi sənədlərin siyahısı, elektron resursların ünvanları verilmişdir. “Beynəlxalq nəqliyyat əməliyyatları” fənni üzrə Proqram beynəlxalq iqtisadi münasibətləri öyrənən magistrlər üçün tövsiyyə edilir.

“Beynəlxalq nəqliyyat əməliyyatlar” kursunun aktualliğı bu xidmət sahəsinin rolunun sürətlə artması ilə izah edilir. Belə ki, beynəlxalq iqtisadi münasibətlərin və xarici-iqtisadi fəaliyyətin genişlənməsi, xarici-ticarət əməliyyatların həcminin sürətlə artması, bu sahənin əhəmiyyətini şərtləndirən əsas amillərdəndir. Kursun başlıca məqsədi betnəlxalq nəqliyyat əməliyyatları anlayışının mahiyyətini, növlərini, məzmununu və bu sahənin işinin təşkili, nizamlanması, hüquqi əsaslarının formalaşdırılması məsələlərini öyrənməkdir.

Müasir dövrdə beynəlxalq nəqliyyat sistemləri və onların başlıca xüsusiyyətləri dünya iqtisadi proseslərinin xüsusiyyətləri ilə üst-üstə düşür. Başqa sözlə, dünya iqtisadiyyatı qloballaşdıqca və iqtisadi transformasiyalara məruz qaldıqca, beynəlxalq nəqliyyat əməliyyatlarının genişləndirməsi, bu xidmətlərin təkmilləşdirilməsi və effektivliyinin artırılması zərurəti yaranır. Bu baxımdan səmərəli nəqliyyat əməliyyatlarının təşkili, bu sahənin intensiv inkişafı, beynəlxalq nəqliyyat qovşaqlarının və marşrutlarının təkmilləşdirilməsi, nəqliyyat əməliyyatları üzrə beynəlxalq hüquq normalarının və nizamlayıcı konvensiyaların, nəqliyyat rejimlərinin effektivliyinin artırılması yükdaşıma prosedur-larının sadələşdirilməsi, nəqliyyat təhlükəsizliyinin təmin edilməsi və digər mühüm tədbirlərin həyata keçirilməsi məsələləri aktuallığı ilə seçilir.

2.