Sosial zəmanətlər - vətəndaşların konstitusiya tərəfindən zəmanət verilmiş hüquq və azadlıqlarının sərbəst şəkildə faktiki həyata keçirilməsini və hərtərəfli qorunmasını təmin edən şərtlər, üsullar və vasitələr.
Sosial güzəştlər - ictimai istehlak fondlarının istifadə edilməsində vətəndaşların ayrı-ayrı kateqoriyalarına təqdim edilən imtiyazlar, qanunla müəyyən edilmiş normaların yerinə yetirilməsindən qismən azad olunma və ya onların yerinə yetirilməsi şərtlərinin yüngülləşdirilməsi. Güzəştlər sistemi vergi qoyma, müavinətlərin ödənilməsi, mənzillə təmin etmə, səhiyyə kimi sahələrdə tətbiq edilir.
Çətin həyati vəziyyətlər - vətəndaşın müstəqil şəkildə öhdəsindən gələ bilmədiyi və onun həyat fəaliyyətini obyektiv şəkildə pozan vəziyyət.
Sosial xidmət müəssisəsi - əhalinin müxtəlif kateqoriyalarına yardım və dəstək göstərən dövlət institutları. Əsas növləri: sosial xidmət mərkəzləri, ailə və uşaqlara sosial yardım mərkəzləri, həddi-buluğa çatmamışlar üçün sosial reabilitasiya mərkəzi, sosial mehmanxanalar, uşaqlar və yeniyetmələr üçün sosial sığınacaqlar, qadınlar üçün krizis mərkəzləri, herontoloji mərkəzlər, telefonla ekstern psixoloji yardım mərkəzi;
Filantropiya – (yunanca “insanlara sevgi”) bizim eramızdan əvvəl V əsrdə ilahi xeyirxahlıq, bizim eramızın IV əsrində - insana qarşı xeyirxah münasibət. Müasir anlamda: 1) xeyriyyəçilik, humanizmin xüsusi özünəməxsus forması; 2) məzlumlara yardımın göstərilməsi üzrə mənəvi təsəvvür və hərəkətlərin birgə qarşılıqlı əlaqəsi; 3) fərdi xeyriyyəçilik.
