|
Abbas Qurbanov
Tiflis Azərbaycan Dövlət Dram Teatrının peşəkar aktyorlarındandır. Teatr baglanana qədər
onun səhnəsində çalışıb. Əməkdar artist idi. Sənət ocağının repertuarındakı əksər tamaşalarda iştirak
edib. Məhərrəm Əlizadə və Ağası Məşədibəyovun "Toy kimindir?" (Qoşun), Məmməd Səid
Ordubadi və Fikrət Əmirovun "Ürəkçalanlar" (Quluş bəy), Məmməd Səid Ordubadi və Səid
Rüstəmovun "Beş manatlıq gəlin" (Kərbəlayı Hüseynqulu), Üzeyir Bəy Hacıbəyovun "Arşın mal
alan" (Vəli), Sabit Rəhmanın "Toy" (Kərəmov), "Xoşbəxtlər" (Bərbərzadə) komediyalarında,
Mehdi Hüseynin "Nizami" (Qivami), Səməd Vurğunun "Vaqif" (İbranım xan), Heydər İsmayılovun
"Koroğlu" (Vəzir), Rza Şahvələdin "Qız qalası" (Toybəyi), Süleyman Rüstəmin "Qaçaq Nəbi",
(Koxa), Mirzə İbrahimovun "Həyat" (Pardon Qurbanəli) "Sevil" (Atakişi və Babakişi), "Almaz"
(Şərif) dramlarında "Knyaz" (Şakro), "Od gəlini" (Oddamdı), "Şeyx Sənan" (Serqo) faciələrində,
tərcümə pyeslərindən Georgi Mdivaninin "Vətən namusu" (Dato), Vangellinin "Şamil" (Musa),
Vasili Şkvarkinin "Özgə uşağı" (Sençin), Əbdülhəq Hamidin "Hind qızı" (Cəlaləddin), Viktor
Lyubomirovun "Talış qızı" (Əbil xan), Jan Batist Molyerin "Jorj Danden" (Jorj Danden), Nikolay
Qoqolun "Evlənmə" (Patqolosin), Lev Şeynin və Tur qardaşlarının "Üzləşdirmə" (Quryeviç)
əsərlərinin tamaşalarında maraqlı rollar oynayıb. Təbii və şirəli yumor, psixoloji dramatizm Abbas
Qurbanovun yaradıcılığı üçün xarakterik idi.
Dostları ilə paylaş: | 
