|
MƏMMƏDRZA ŞEYXZAMANOV (4.8.1915-21.1.1984)
Dramatik psixoloji, qəhrəman və güclü komizmi olan obrazları oynamağı daha çox xoşlayan
Məmmədrza İsa oğlu Şeyxzamanov 4 avqust 1915-ci ildə Gəncədə doğulub. Gəncə Dövlət Dram
Teatrının nəzdindəki aktyor studiyasında oxuyub (1934 - 1936). Oxuya-oxuya yardımçı heyətin
tərkibində teatrın tamaşalarında iştirak edib.
1954-cü ilədək Gəncə teatrında aktyorluq etmiş Məmmədrza Şeyxzamanovun burada ən
yaxşı rolları Səməd Vurğunun "Vaqif"ində Eldar, Əbdürrəhim bəy Haqverdiyevin "Dağılan tifaq",
Vilyam Şekspirin "Otello", Mixail Lermontovun "İki qardaş" faciələrində Nəcəf bəy, Otello, Yuri,
Sabit Rəhmanın "Nişanlı qız" və "Xoşbəxtlər" komediyalarında Mindilli və Bərbərzadə, Cəfər
Cabbarlının "Aydın" və "Yaşar" əsərlərinin tamaşasında Aydın və İmamyar obrazları sayılır.
Məmmədrza Şeyxzamanov 1954-cü ilin ortalarında Gəncədən Bakıya gəlib və Akademik
Milli Dram Teatrının aktyor truppasına daxil olub. Aktyorun yaradıcılığını yığcam şəkildə faciə
obrazları, dramatik personajlar və komediya surətləri bölümü ilə üç qismə ayırmaq olar.
Dostları ilə paylaş: | 
