406
XXXIII. DƏRİ LİMFOMASI
Limfoproliferativ xəstəliklər
Dəri limfomaları – bu, neoplastik xəstəliklərin klinik və morfoloji müxtəlif cinsli qru-
pudur, əmələ gələn patoloji prosesin səbəbi dəridə birincili meydana çıxan limfositlərin
bədxassəli proliferasiyasıdır. Proliferasiya olunan limfositlərin növündən, onların hansı
populyasiya və subpopulyasiyaya aid olmasından asılı olaraq bədxassəli limfomaların
heterogenliyi təyin olunub. Qeyri Hoçkin limfomaların bədxassəli proliferasiya dərəcəsi
ilə T və B-hüceyrə qruplarına bölünməsi üçün immunfenotipləşdirmədən istifadəsinə
əsaslanmışdır..
Limfomalı xəstələrdə dəridə fenotipə görə limfositlərin yayılması sağlam insanlarda-
kı kimidir: T-limfositlər daha çox epidermisdə və dermanın yuxarı qatlarında, B-limfosit-
lər isə dermanın orta və dərin qatlarında lokalizasiya olunur. Uyğun olaraq T-huceyrələri
əsasən dermanın yuxarı qatlarında olur, B-limfoproliferativ proseslər isə dermanın dərin
qatlarında baş verir və epidermotrop xarakter daşımır. Dərinin T-hüceyrəli limfomaları-
nın sayı B-limfomalarının sayını üstələyir. T-limfomalar dərinin bədxassəli limfomaları-
nın bütün variantlarının 65%-ni, B-limfomalar 25%-ni və təsnif olunmayan limfomalar
10%-ni təşkil edir.
Epidemiologiya
Dərinin T-hüceyrəli limfomalarının (DTHL) nisbətən azlığı və ilk mərhələlərdə kli-
nik əlamətlərin digər geniş yayılmış dermatozlarla (ekzema, qırmızı yastı dəmrov, atopik
dermatit, psoriaz və s.) oxşarlığı diaqnostikanı, xəstəliyin qeydə alınmasını çətinləşdirir,
DTHL-in epidemiologiyasında müəyyən çətinliklər törədir. Hazırda ABŞ-da limfomala-
rın bütün növlərindən əziyyət çəkən xəstələrin 2%-i DTHL-na aiddirlər, bunlar da ildə
100 000 əhalinin 0,3-də rast gəlinir. DTHL daha çox yaşlı insanlarda qeydə alınır, amma
uşaqların da xəstələndiyi nadir hallar qeyd edilir. Kişilər qadınlardan 2 dəfə çox xəstələ-
nir.
Dostları ilə paylaş: 
