Dərslik rəHBƏRLİk azərbaycan Respublikası Təhsil Nazirliyinin 24 saylı

Məsələ №74
44 yaşlı xəstə dəri şöbəsinə aşağıdakı diaqnozla daxil olmuşdur: «Qırmızı yastı dəm-
rov». Daxil olarkən şikayətləri: başın tüklü hissəsinin, bədənin zədələnməsi, zədələn-
mə ocaqlarında gərilmə və göynəmə hissiyyatı, zədələnmə ocaqlarının qabıqverməsi. 
Anamnez: 9 ilə yaxındır ki, xəstəlikdən əziyyət çəkir. Hər il Krımın cənub sahillərində 
istirahət edir. Cənubda 6-8 ay ərzində olduqda əhvalının xeyli yaxşılaşdığını və davamlı 
effektin yarandığını göstərir. Son kəskinləşmə atasının qəflətən ölməsindən sonra baş 
vermişdir. Dermatoloji status: proses yayılmış xarakterdədir, əsasən başın tüklü hissəsin-
də, diz və dirsək oynaqlarının açıcı səthlərində, lyumbo-sakral nahiyədə, kürəyin, döşün 
dərisində, gövdənin yan səthlərində lokalizasiya edir. Epidermal-dermal papulalar tə-
yin olunur ki, onlar sağlam dəridən dəqiq ayrılmışdır, parlaq-qırmızı rəngdədir, yumşaq 
irisəhfəli gümüşü-ağ rəngli, diametri 1-2 mm olan, düzgün formalı, eritema şəklində 
dəqiq periferik yastıqcığı olan pulcuqlarla örtülmüşdür. Auspits və Kebner simptomu 
müsbətdir.
1. Sizin ətraflı diaqnozunuz?
2. Xəstəliyin mərhələlərinin diaqnostik əlamətlərini sadalayın.

---

501
Məsələ №75
43 yaşlı qadın ağız boşluğunun selikli qişasının və yuxarı ətrafların dərisinin zədələn-
məsi və sutka ərzində daimi xarakterli qaşınma ilə müşayiət olunması şikayəti ilə mü-
raciət etmişdir. Bu simptomlar 3 həftə əvvəl 2-tərəfli pnevmoniya keçirdikdən sonra 
(stasionar şəraitdə müalicə olunmuşdur) meydana çıxmışdır. MBT-nun xəstəlikləri və 
2 tip şəkərli diabetlə əlaqədar terapevtin qeydiyyatındadır. Dermatoloji status: hər iki 
yuxarı ətrafların dərisində (bükücü səthlərində) monomorf səpgilər təyin olunur. Birinci-
li element yastı papuladan ibarət olub onun mərkəzində basıqlıq , poliqonal formalı, di-
ametri 0,5 sm-dən 1 sm-ə qədər ölçüdə, bənövşəyi-qırmızı rəngli, mumabənzər parıltılı, 
bərk konsistensiyalıdır. Papulaya (lövhəciklərə) vazelin yağı sürtdükdə onların səthində
ağımtıl-tutqun süd rəngli nazik və tor şəklində kəsişən xətlər aşkar edilir. Baldırların ön 
səthində müsbət izomorf Kebner reaksiyası aşkar edilir. Ağız boşluğunun selikli qişa-
sında (dilin, dodaqların) diametri 1 sm-ə qədər olan və boz-ağımtıl «ərplə» örtülmüş 2
lövhəcik müəyyən olunur.
1. Sizin diaqnoz?
2. Diaqnozunuzu təsdiq edən diaqnostik əlamətləri sadalayın.