Dilnura omonzoda

TUG'ILGAN KUN

Bu kunda unutib qayg'ularingiz,

Uyinggiz, ko'nglinggiz baxtlarga to'lsin.
Bu kunda ushalsin orzularinggiz,
Tug'ilgan kuninggiz muborak bo'lsin.

Siz baxtiyordirsiz, biz esa shodmiz,

Opajon, ilohim, yuz yoshga to'ling.
Bir kuni orzular qilganimizdek,
Oq libos kiyib kelinchak bo'ling.

Chiroyli beshikni asta tebratib,

Shirin chaqaloqqa allalar kuylang.
Dunyoda eng baxtli onajon bo'lib,
Hayotning eng shirin tashvishin o‘ylang.

Yurtimda, uyimda bayram ko‘paysin,

Bayramli uylarda doim bo‘laylik.
Hammamiz birga oila bo‘lib,
T ug'ilgan kunlarni kutib olaylik!
CHIN HAYOT

Orzuyim aytganda ustdan kulganlar,

G'iybat bilan yashab, ortdan yurganlar,
Talpinib qarasang, boshin burganlar,
Ayting-chi, odamlar, chin hayot shumi?

Ish tushsa, har ko‘yga tayyor odam bu,

Ichingga kirguvchi ayyor odam bu.
Qalblar orasinda ag'yor odam bu,
Ayting-chi, odamlar, chin hayot shumi?

Yo'q gapni bor deya so'zlagan dunyo,

Har yerda manfaat ko'zlagan dunyo.
Azobdan dilpora bo'zlagan dunyo,
Ayting-chi, odamlar, chin hayot shumi?

Dillarni g‘am bilan qiynagan dunyo,

Soxta kulgulardan to'ymagan dunyo.
Bir on o'z holimga qo'ymagan dunyo,
Ayting-chi, odamlar, chin hayot shumi?

Har kim o'ylaganday bo'lmagan dunyo,

Go'yo yarim oydek to'lmagan dunyo.
Ko'ngil ozoriga ko'nmagan dunyo,
Ayting-chi odamlar, chin hayot shumi?

Ko'nglimda bir dard bor tanamni ezgan,

Men bo'lak dunyoman, qalbma-qalb kezgan,
Yo sizmi, qalb kuyin tinglashdan bezgan,
Ayting-chi, odamlar, chin hayot shumi?

Dunyo lazzatidan sarmast bo'lganlar,

Qalbi ishqqa to'lib, baxtga to'lganlar.
Xolis niyat bilan mo‘min bo‘lganlar,
Aytinglar, aytinglar yashamoq shumi?