Seçmə aşıq şeirləri
20
***
Gövhərin keçməyən yerdə,
Satma, qardaş, kərəm eylə.
Ləl daşını çay daşına
Qatma, qardaş, kərəm eylə.
Gördün bir yerdə aşina,
Hər nə dersən öz başına,
Yоl daşını yоl quşuna
Atma, qardaş, kərəm eylə.
Gördünsə bir yerdə rəqib,
Neylərsən yüzünə baxıb,
Münkiri qatara çəkib
Getmə, qardaş, kərəm eylə.
Xətayim çağırır, irə,
Dünya belə gəlmiş zirə*,
Arif, оxun əbəs yerə,
Atma, qardaş, kərəm eylə.
*
zirə (zira) – çünki, ona görə
21
DĠRĠLĠ QURBANĠ
(XV yüzilin sonları - XVI yüzil)
OLMAZ
Fənd eləmə felli dərviş,
Belə kar eyləmək olmaz!
Yıxıbsan könlüm evini,
Mürğü zar eyləmək olmaz!
Söylə dərdin bilənlərə,
Dərd başına gələnlərə.
Hər üzünə gülənlərə,
Etibar eyləmək olmaz!
Qurbaniyə gətir məzə,
Dərd üstündə dərdim təzə.
Dərdbiləni dərdbilməzə,
Giriftar eyləmək olmaz!
|
