210) Aşağıdakı maddələrdən hansı qanqlioblokatorlara aiddir?
A) Heksametonium-benzosulfonat(Benzoheksonium)
B) Anatruksonium
C) Arduan
D) Ditillin
E) Tubokurarin-xlorid
Heksametonium vegetativ qanqlionlarda yerləşən n-xolinoreseptorları blokadaya alır.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 113
211) Qanqliblokatorlar hansı halda işlənir?
A) Hipertonik krislərdə
B) Daxili orqanların atoniyasında
C) Qanaxmalar zamanı
D) Doğuş fəaliyyətini zəiflətmək üçün
E) Diabet zamanı
Qanqlioblokatorların təsirindən simpatik qanqlionlar blokadaya alınır. MSS-də simpatik sinirlər vasitəsilə qan damarlarına axan damardaraldıcı sinir impulslarının kəsilməsinə səbəb olduğu üçün qan damarları genişlənir, nəticədə arterial təzyiq aşağı düşür.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 111
212) Hipertoniya zamanı sititonu təyin etmək olarmı?
A) Yuxu törədir
B) Olmaz
C) Qan təzyiqini aşagı salır
D) Olar
E) Damarları genişləndirir
Sititon reflektor yolla damar-hərəkət mərkəzini oyadır və arterial təzyiqi artırır, buna görə də hipertoniya zamanı sititonu təyin etmək olmaz.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 97
213) Lobelin hansı bitkidən alınır?
A) Xədicə gülündən
B) Acı yovşandan
C) Xaş-xaş bitkisindən
D) Lobelia infanta
E) Efedra bitkisindən
Lobelin-Lobelia infanta bitkisinin alkaloididir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 97
214) Sititon və Lobelin hansı mərkəzə təsir göstərir?
A) Görmə mərkəzinə
B) Qusma mərkəzinə
C) Aralıq beyinə
D) Tənəffüs və damar-hərəkət mərkəzinə
E) Eşitmə mərkəzinə
Bu preparatlar sinokarotid kələflərin N-xolinoreseptorlarının qıcıqlanması nəticəsində reflektor yolla uzunsov beyində yerləşən tənəffüs və damar-hərəkət mərkəzlərini oyadır.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 96
215) Sitizin hansı tabletin tərkibinə daxildir?
A) “Teturam”
B) “Lobesil”
C) “Anbital”
D) “Tabeks”
E) “Aeron”
Nikotinizənlə mübarizə üçün sitizin alkaloidindən istifadə edilir. Bu məqsədlə sitizin “Tabeks” tabletin tərkibində istifadə olunur.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 98
216) M-N xolinomimetiklər neçə qrupa bölünür?
A) 4
B) 1
C) 6
D) 2
E) 3
M-N xolinomimetik maddələri şərti olaraq iki yerə bölünür: 1) birbaşa təsirli, 2) dolayı təsirli.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 99
217) Birbaşa təsirli M-N xolinomimetik maddələrə hansı preparat aiddir?
A) Pilokarpin
B) Karboxolin
C) Aceklidin
D) Neostiqmin-metilsulfat (Prozerin)
E) Sızaprid
Karboxolin bilavasitə M-N xolinomimetik maddələrə aiddir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 99
218) Platifillin hansı mərkəzin fəaliyyətini tormozlayır?
A) Damar-hərəkət
B) Qusma
C) Görmə
D) Eşitmə
E) Qoxu
Platifillin damar-hərəkət mərkəzinin fəaliyyətini tormozlayaraq arterial təzyiqi aşağı salır.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 104
219) Parkinson xəstəliyi zamanı istifadə olunan mərkəzi və periferik təsirli xolinoblokatoru göstərin?
A) Platifillin-hidrotartrat
B) Metosin-yodid (Metosin)
C) Triheksifenidil (Siklodol)
D) Troventol
E) Pirenzepin
Skopolamin-hidrobromid MSS sakitləşdirici təsir göstərir. Bu təsirinə görə ondan parkinsonizmin müalicəsində istifadə edilir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh. 159
220) Xolinesterazanın reaktivatorlarına hansı aiddir?
A) Heksametonium (Benzoheksonium)
B) Qalantamin-hidrobromid
C) Neostiqmin-metilsulfat
D) Trimedoksim-bromid (Dipiroksim)
E) Atropin-sulfat
Xolinesterazanın reaktivatorları fosfor üzvi birləşmələrin xolinesteraza ilə əmələ gətirdiyi birləşməni parçalayıb, xolinesterazanın sərbəst şəkildə ayrılmasını təmin etməklə onun katalitik aktivliyini bərpa edirlər. Bu maddələrə Trimedoksim-bromid (Dipiroksim) aiddir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 102
221) Mədənin şirə ifrazını zəiflətmək üçün atropin hansı maddələrlə birlikdə təyin edilir?
A) Antasid
B) Büzüşdürücü
C) Bürüyücü
D) Ödqovucu
E) Yerli keyləşdirici
Mədənin şirə ifrazını zəiflətmək üçün atropin-sulfat adətən antasid (anti-əeyhinə, acidum-turşu) maddələrlə (maqnezium-oksid, alüminium-hidroksid və s.) birlikdə təyin edilir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 106
222) Platifillin hansı tabletin tərkibinə daxildir?
A) De-nol
B) Vikalin
C) Aeron
D) Vikair
E) Plavefin
Platifillin dəniz, yaxud təyyarə xəstəliyinin müalicəsi və profilaktikası üçün istifadə olunan “Plavefin” tabletlərinin tərkibinə daxildir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 108
223) Adrenomimetik maddələrə aid olan preparat hansıdır?
A) Prazozin
B) Tetrazozin
C) Atenelol
D) Fenilefrin-hidroxlorid (Mezaton)
E) Propranolol-hidroxlorid (Anapril)
Fenilefrin-hidroxlorid (Mezaton) adrenoreseptorlara qıcıqlandırıcı təsir göstərir, qan damarlarını daraldır, arterial təzyiqi yüksəldir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 121
224) Efedrinin Epinefrindən (adrenalin) fərqli cəhəti hansıdır?
A) Damarların tonusunu aşağı salır
B) Epinefrinə nisbətən mərkəzi sinir sisteminə daha güclü stimullaşdırıcı təsirigöstərir
C) Mərkəzi sinir sistemini tormozlayır
D) Qan təzyiqini aşağı salır
E) Göz bəbəklərini daraldır
Efedrin M.S.S-ə güclü stimullaşdırıcı təsir göstərir və buna görədə narkotik maddələrin və yuxu dərmanların M.S.S.-ə göstərdiyi tormozlayıcı təsiri aradan qaldırır.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 127
225) Efedrin hansı tabletin tərkibinə daxildir?
A) Prenoksdiazin (Libeksin)
B) Falimint
C) Teofedrin
D) Qlausin-hidroxlorid
E) Tusupreks
Efedrin bronxial astma zamanı istifadə olunan “Teofedrin” preparatın tərkibinə daxildir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 127
226) Bunlardan hansı kardioselektiv preparatlara aiddir?
A) Atenolol
B) Nafazolin-nitrat (Naftizin)
C) Fenilefrin-hidroxlorid (Mezaton)
D) Sanorin
E) Efedrin-hidroxlorid
Atenolol ürəyə birbaşa seçici təsir göstərdiyinə görə kardioselektiv preparatlara aiddir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 134
227) Rezerpin hansı preparatın tərkibinə daxildir?
A) Talinolol
B) Prazozin
C) Propanolol-hidroxlorid (Anaprilin)
D) Quanetidin-sulfat (Oktadin)
E) Kristepin
Rezerpin hipertoniya zamanı istifadə olunan kristepin drajenin tərkinə daxildir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 136
228) Narkoz efirinin əsas xüsusiyyəti hansıdır?
A) Hipoqlikemiya
B) Hipertoniya
C) Selik ifrazını azaldır
D) Taxikardiya
E) Selik ifrazını artırır
Efir narkozun tənəffüs yollarının selikli qişasına yerli qıcıqlandırıcı təsiri nəticəsində selik ifrazını artırır.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 140
229) Halotanın (Ftorotan) narkoz efirindən üstün cəhətləri hansıdır?
A) Bronxospazm törədir
B) Hipertoniyaya səbəb olur
C) Narkotik təsiri daha güclüdür, efirdən fərqli olaraq nadir hallarda oyanma törədir
D) Qusma törədir
E) Selik ifrazını artırır
Ftoratan tənəffüs əzələlərini boşaldır və nəticədə qişanın qıcıqlanması baş vermir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 140
230) Halotanin əlavə təsiri hansıdır?
A) Hiperqlikemiya əmələ gətirir
B) Oyanma tez baş verir
C) Bronxospazm əmələ gətirir
D) Arterial təzyiqi yüksəldir
E) Arterial təzyiqi aşağı salır
Halotanin qan damarlarını genişləndirir və arterial təzyiqi aşağı salır. Belə hallarda arterial təzyiqi yüksəltmək üçün Fenilefrindən (Mezaton) istifadə etmək lazımdır.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 140
231) Narkoz efiri hansı halda əks göstərişdir?
A) Pankreatit zamanı
B) Qlaukoma zamanı
C) Qastrit zamanı
D) Bronxial astma zamanı
E) Hipotoniya zamanı
Efir narkozu tənəffüs yollarının selikli qişasına qıcıqlandırıcı təsir göstərdiyi üçün bronxial astmada istifadə edilmir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 140
232) Na-oksibutiratdan nə vaxt istifadə olunur?
A) Diabet zamanı
B) Miasteniyada
C) Beynin hipoksik ödemlərində
D) Hipokaliemiyada
E) Əzələ tonusu aşağı olduqda
Natrium-oksibutirat beyinin oksigen aclığına davamlılığını artırır. Natrium-oksibutirat insan orqanizminin təbii mübadilə məhsullarındandır. O, beyin toxumasında olur və sinir fəaliyyətinin tənzimlənməsində iştirak edir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 143
233) Aşağıdakı preparatlardan hansı tiryək preparatının sintetik əvəzedicisi sayılır?
A) Omnopon
B) Fentanil-sitrat
C) Tebain
D) Kodein-fosfat
E) Morfin-hidroxlorid
Sintetik preparat olub, əsasən cərrahi əməliyyatları ağrısızlaşdırmaq üçün neyroleptik maddə olan droperidolla birlikdə istifadə olunur.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 169
234) Morfinin gündəlik dozası nə qədərdir?
A) 10 mq
B) 5 mq
C) 50mq
D) 20 mq
E) 15 mq
Morfindən çox ehtiyatla istifadə edilməlidir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 166
235) Psixostimulyatorların əsas əlaməti nədir?
A) Yuxu törədir
B) Ürəyin fəaliyyətini zəiflədir
C) Uzunsov beyinə tormozlayıcı təsirgöstərir
D) Yorğunluğu aradan qaldırır
E) Qan təzyiqini aşağı salır
Psixostimulyatorlar M.S.S. fəaliyyətinə stimullaşdırıcı təsir göstərərək yorğunluğu götürür və fiziki iş qabiliyyətini yüksəldir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 194
236) Psixostimulyatorların nümayəndəsi hansıdır?
A) İmipramin (İmizin)
B) Pirasetam
C) Pikamilon
D) Amitriptilin
E) Kofein
Kofeinin MSS göstərdiyi stimullaşdırıcı təsir nəticəsində əqli və fiziki iş qabiliyyətini yüksəldir, yorğunluq və yuxuya meyllik aradan qalxır.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh195
237) Sedativ maddələrə hansı aiddir?
A) Linkomisin
B) Fenilefrin-hidroxlorid (Mezaton)
C) Metamizol (Analgin)
D) Difenhidramin (Dimedrol)
E) Korvalol
Kombinə edilmiş preparatdır. 15 ml tutqun flakonlarda buraxılır.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 191
238) Hansı hallar trankvilizatorların istifadəsi üçün əks göstərişdir?
A) Ataraktanalgeziya
B) Qıcolmalar, əzələlərin spazmı
C) Nevrozlar
D) Epileptik status
E) Qaraciyərin funksional pozğunluğu
Qaraciyərin funksional pozğunluğu zamanı trankvilizatorların təyin olunması əks göstərişdir.
Ədəbiyyat: M.Qəniyev, E.M.Ağayev, İ.İ.Rəhimov. “Farmakologiya”, “Nurlan”. Bakı, 2005 səh 188
239) Bunlardan hansı psixostimulyatorların təsir mexanizmlərinə aid deyil?
A) Hərəki aktivliyi artırır
B) Iştahanın artması
C) Təfəkkür proseslərini sürətləndirir
D) Yorğunluğu aradan qaldırır
E) Antidepressiv təsirə malikdir
Psixostimulyatorlar M.S.S.-ə stimullaşdırıcı təsir göstərərək yorğunluğu aradan qaldırır, gümrahlıq yaradır, orqanizmin yuxuya olan tələbatını azaldır.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 194
240) Hər ikisi psixostimulyatorlara aid olan dərman maddələrini göstərin?
A) Amfetamin (Fenamin), Fenobarbital
B) Kofein, Amfetamin (Fenamin)
C) Mezokarb, Pirasetam
D) Natrium oksibutirat, Lidokain
E) Fentanil, Maqnezium-sulfat
Bunlar M.S.S.-nin fəaliyyətinə stimullaşdırıcı təsir göstərərək əqli və fiziki iş qabiliyyətini yüksəldir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 194
241) Aşağıdakılardan hansı neyroleptiklərin təsir mexanizminə aid deyil?
A) Psixotrop təsir
B) İnotrop təsir
C) Vegetatrop təsir
D) Sedativ təsir
E) Neyrotrop təsir
Neyroleptiklər antipsixotik və sakitləşdirici təsirə malik olan dərman maddələridir.
Ədəbiyyat: M.Qəniyev, E.M.Ağayev, İ.İ.Rəhimov. “Farmakologiya”, “Nurlan”. Bakı, 2005 səh 182
242) Hər ikisi neyroleptik qrupuna daxil olan dərman maddələri hansıdır?
A) Flukanazol, Xlorpromazin (Aminazin)
B) Klozapin, Epinefrin (Adrenalin)
C) Perfenazin (Etaperazin), Xlorpromazin (Aminazin)
D) Perfenazin (Etaperazin), Atropin
E) Furosemid, Karbidin
Bunlar antipsixotik və sakitləşdirici təsirə malik olan derman maddələridir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 183
243) Bu qrup preparatlardan hansı psixozlarda istifadə olunur?
A) Sedativ maddələr
B) Antidepressantlar
C) Trankvilizatorlar
D) Neyroleptiklər
E) Litium duzları
Trankvilizatorlar nevrozların, yuxu pozğunluğu və narahatlıqla müşayət olunan əsəb pozğunluqlarının, kiçik qıcolma tutmalarının müalicəsi üçün istifadə olunur. Trankvilizatorlar antipsixotik təsirə malik olmamaları ilə (sayıqlama, qarabasmaları aradan qaldırmırlar) neyroleptiklərdən fərqlənirlər.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 188
244) Diazepamın trankvilizəedici təsiri nə ilə bağlıdır?
A) Benzodiazepin reseptorlarını qıcıqlandırır
B) MAO aktivliyini azaldır
C) Adrenoreseptorlarla əlaqəyə girir
D) Xolinoreseptorlarla əlaqəyə girir
E) Dofamin reseptorlarını blokadaya alır
Diazepamın benzodiazepin reseptorları qıcıqlandırmaqla QAYT reseptorları aktivləşdirir və M.S.S. tormozlayıcı təsir göstərir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 188
245) Bu maddələrdən hansı neyroleptiklərə aiddir?
A) İmipramin (İmizin)
B) Xlorpromazin (Aminazin)
C) Naproksen
D) Voltaren
E) Sidnofen
Preparat sakitləşdirici və antipsixotik təsirə malikdir. Onun vasitəsilə qorxu, həyəcan və əsəb gərginliyi, sayıqlama və qarabasmaları zəiflətmək, yaxud tamamilə aradan qaldırmaq mümkündür.
Ədəbiyyat: E.M.Ağayev, İ.İ.Rəhimov. “Farmakologiya” (reseptura ilə birlikdə). Bakı, “Nurlan”, 2005 səh 184
246) Neyroleptiklər hansı halda işlənir?
A) Şizofreniya zamanı
B) Oynaqların iltihabı zamanı
C) Bronxial astma zamanı
D) Şəkərli diabet zamanı
E) Vitamin çatmazlığı zamanı
Neyroleptiklər antipsixotik təsirə malik olduğu üçün şizofreniyada istifadə olunurlar.
Ədəbiyyat: E.M.Ağayev, İ.İ.Rəhimov. “Farmakologiya” (reseptura ilə birlikdə). Bakı, “Nurlan”, 2005 səh 183
247) Netroleptanalgeziyada işlənən maddə hansıdır?
A) Diazepam (Relanium)
B) Benzokain (Anestezin)
C) Droperidol
D) Bellataminal
E) Bellastezin
Cərrahi əməliyyatları ağrısızlaşdırmaq üçün neyroleptik preparat olan droperidol fentanil preparatı ilə birlikdə istifadə olunur. Droperidol fentanilin ağrıkəsici təsirini gücləndirir və eyni zamanda mənfi emosiyaları aradan qaldırır. Bu halda dərman preparatı həm neyroleptik, həm də analgeziyaedici təsir göstərdiyindən belə ağrısızlaşdırma metodu neyroleptanalgeziya adlandırılır.
Ədəbiyyat: E.M.Ağayev, İ.İ.Rəhimov. “Farmakologiya” (reseptura ilə birlikdə). Bakı, “Nurlan”, 2005 səh 169
248) Antidepressantlara aid dərman maddəsini göstərin?
A) Diazepam (Sibazon)
B) Teqretol
C) İmipramin (İmizin)
D) Fluozepam
E) Fenazepam
İmipromin müxtəlif depressiv vəziyyəti aradan qaldırmaq üçün istifadə edilir. Preparatın tətbiqi zamanı əhval-ruhiyyə yaxşılaşır, gümrahlıq əmələ gəlir, orqanizmin ümumi tonusu yüksəlir..
Ədəbiyyat: E.M.Ağayev, İ.İ.Rəhimov. “Farmakologiya” (reseptura ilə birlikdə). Bakı, “Nurlan”, 2005 səh 192
249) Aşağıdakı təsirlərdən hansılar Xlorpromazinə (Aminazin) aiddir?
A) Skelet əzələlərinin tonusunu və bədən temperaturunu yüksəldir
B) Orqanizmin fiziki və hərəki fəallığını artırır
C) Orqanizmin fiziki və hərəki fəallığını azaldır
D) Qusma mərkəzinin fəaliyyətini gücləndirir
E) Yuxu dərmanlarının və analgetik maddələrin təsirini zəiflədir
Ədəbiyyat: E.M.Ağayev, İ.İ.Rəhimov. “Farmakologiya” (reseptura ilə birlikdə). Bakı, “Nurlan”, 2005 səh 184
250) Vena daxilinə xlorpromazin məhlulu necə yeridilir?
A) Hemodezlə qarışdırılır
B) 10 ml 40% qlükoza ilə qarışdırılır
C) 0,2 % prokainlə qarışdırılır
D) 0,25%-0,5%-li prokain məhlulunda və ya natrium-xloridin izotonik məhlulunda durulaşdırılaraq yeridilir
E) İnyeksiya suyu ilə qarışdırılır
Xlorpromazin güclü qıcıqlandırıcı təsirə malikdir. Bu təsiri zəiflətmək üçün venaya yeritməzdən əvvəl 1-3 ml 2,5%-li xlorpromazin məhlulu, 2-5 ml 0,25%-0,5% prokain məhlulunda və ya natrium-xloridin izotonik məhlulunda durulaşdırılaraq yeridilir.
Ədəbiyyat: E.M.Ağayev, İ.İ.Rəhimov. “Farmakologiya” (reseptura ilə birlikdə). Bakı, “Nurlan”, 2005 səh 184
251) Siklodol Haloperidolun hansı təsirin aradan qaldırır?
A) Yuxugətirici
B) Qusma əleyhinə
C) Dərman parkinsonizmi
D) Sedativ
E) Antipsixotik
Haloperidoldan istifadə edərkən parkinson xəstəliyinin əlamətləri meydana çıxa bilər onu aradan qaldırmaq üçün parkinsonizm əleyhinə maddələr və əsasən də siklodol təyin olunur
Ədəbiyyat: E.M.Ağayev, İ.İ.Rəhimov. “Farmakologiya” (reseptura ilə birlikdə). Bakı, “Nurlan”, 2005 səh 187
252) Bunlardan hansı trankvilizatorlara aiddir?
A) Xlorpromazin (Aminazin)
B) İmipramin (İmizin)
C) Fenazepam
D) Etosuksimid (Suksilep)
E) Kalium-bromid
Fenazepam güclü trankvilizəedici təsirə malikdir. Nevrozların, qorxu, həyəcan və narahatlıqla müşayət olunan əsəb xəstəliklərinin müalicəsində istifadə olunur.
Ədəbiyyat: E.M.Ağayev, İ.İ.Rəhimov. “Farmakologiya” (reseptura ilə birlikdə). Bakı, “Nurlan”, 2005 səh 189
253) Trankvilizatorların neyroleptiklərdən fərqli cəhəti hansıdır?
A) Qusma əleyhinə təsirə malik olmaması
B) QAYT reseptorları zəiflədir
C) Antipsixotik təsirə malik olmaması
D) Oyandırıcı təsirə malik olması
E) Sedativ təsirə malik olmaması
Trankvilizatorlar yalnız sakitləşdirici təsirə malik olub, qorxu və həyəcan hissini aradan qaldırır və orqanizmin oyanıqlığını və hərəki fəallığını zəiflədirlər. Antipsixotik təsirə malik olmamaları ilə (sayıqlama və qarabasmaları aradan qaldırmırlar) neyroleptik maddələrdən fərqlənirlər.
Ədəbiyyat: E.M.Ağayev, İ.İ.Rəhimov. “Farmakologiya” (reseptura ilə birlikdə). Bakı, “Nurlan”, 2005 səh 187
254) Trankvlizatorlar hansı halda işlənir?
A) Nevrozlarda
B) Bronxial astma zamanı
C) Şəkərli diabet zamanı
D) Hipertoniya zamanı
E) Allergiya zamanı
Trankvilizatorlar sakitləşdirici və sedativ təsirə malik olduğu üçün nevrozların müalicəsində istifadə olunur.
Ədəbiyyat: E.M.Ağayev, İ.İ.Rəhimov. “Farmakologiya” (reseptura ilə birlikdə). Bakı, “Nurlan”, 2005 səh 187Na
255) Bunlardan hansı sedativ maddələrə aiddir?
A) Siklodol
B) İmipramin (İmizin)
C) Natrium-bromid
D) Xlorpromazin (Aminazin)
E) Haloperidol
Natrium-bromid M.S.S. sakitləşdirici təsirə malikdir və əsasən nevrozların müalicəsində istifadə edilir.
Ədəbiyyat: E.M.Ağayev, İ.İ.Rəhimov. “Farmakologiya” (reseptura ilə birlikdə). Bakı, “Nurlan”, 2005 səh 190
256) Pişikotu preparatları sedativ təsirlə yanaşı daha hansı təsirə malikdir?
A) Spazmolitik
B) Qızdırmasalıcı
C) Antipsixotik
D) Antiallergik
E) Hipotenziv
Preparat spazmolitik təsirə malik olduğuna görə ürək-damar funksiyalarının pozulması ilə müşayət olunan nevrozlarda və mədə-bağırsaq sisteminin spazmasında istifadə edilir.
Ədəbiyyat: E.M.Ağayev, İ.İ.Rəhimov. “Farmakologiya” (reseptura ilə birlikdə). Bakı, “Nurlan”, 2005 səh 190
257) İmipramin(İmizin)preparatının neçə %-li inyeksiya məhlulundan istifadə olunur?
A) 0,1%-li
B) 2%-li
C) 5%-li
D) 1%-li
E) 1,25 %-li
İmipramin(İmizin) 1,25% məhlulu 2 ml ampulda buraxılır və əzələ daxilinə yeridilir.
Ədəbiyyat: E.M.Ağayev, İ.İ.Rəhimov. “Farmakologiya” (reseptura ilə birlikdə). Bakı, “Nurlan”, 2005 səh 192
258) Nootrop maddələrin əsas xarakterik cəhəti nədir?
A) Zehni zəiflədir
B) Yaddaşı zəiflədir
C) Təsiri tez meydana çıxır
D) Beynin pozulmuş funksiyalarını bərpa edir
E) Hipoksiya törədir
Nootrop maddələrin təsiri onların beyində baş verən metabolik prosesləri dəyişdirmələri ilə bağlıdır. Onlar metabolik prosesləri normalaşdırmaqla beyinin pozulmuş funksiyalarını (yaddaş, nitq, əqli nəticə çıxarmaq qabiliyyəti) bərpa edirlər. Nootrop maddələrin təsirindən beyin hüceyrələrinin oksigen aclığına qarşı davamlılığı yüksəlir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 197
259) Nootrop maddələr nə üçün istifadə olunur?
A) Əqli cəhətdən inkişaf etməmiş uşaqların müalicəsi üçün
B) Hipertoniyada
C) Yuxusuzluqda
D) Şəkərli diabetdə
E) Fiziki yorğunluqda
Nootrop maddələr beyinin funksional vəziyyətini yaxşılaşdırır, onun psixi fəaliyyətinə stimullaşdırıcı təsir göstərir. Buna görə də nootrop maddələr beyinin pozulmuş funksiyalarının və əqli cəhətdən inkişaf etməmiş uşaqların müalicəsində istifadə edilir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 198
260) Reflektor analeptiklər başqa cür necə adlanır?
A) N-xolinoblokatorlar
B) M-xolinomimetiklər
C) Tənəffüs analeptikləri
D) Adrenoblokator
E) Adrenomimetiklər
Reflektor təsirli analeptiklər ümumi yuxu arteriyasında yerləşən karotid kələflərin N-xolinoreseptorlarını qıcıqlandırmaqla reflektor yolla (sinir impulsları karotid kələflərdən hissi sinirlərlə tənəffüs mərkəzinə ötürülür) tənəffüs mərkəzini oyadır. Buna görə də reflektor təsirli analeptiklər tənəffüs analeptikləri də adlanır. Çünki onlar yalnız tənəffüs mərkəzini stimullaşdırır.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 200
261) Birbaşa təsirli analeptiklərə aiddir?
A) Bemeqrid
B) Aseklidin
C) Sititon
D) Lobelin
E) Neostiqmin-metilsulfat (Prozerin)
Bemeqrid tənəffüs və damar-hərəkət mərkəzlərinə birbaşa stimullaşdırıcı təsir göstərir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 200
Dostları ilə paylaş: | 
