Əczaçı (orta) ixtisası üzrə nümunəvi test sualları Bölmə Əczaçılığın təşkili və iqtisadiyyatı ixtisası üzrə test tapşırıqları


) May inciçiçəyinin tərkibində hansı qlikozid vardır?



Yüklə 1,38 Mb.
səhifə8/24
tarix27.01.2017
ölçüsü1,38 Mb.
#6525
1   ...   4   5   6   7   8   9   10   11   ...   24

312) May inciçiçəyinin tərkibində hansı qlikozid vardır?
A) Konvallatoksin

B) Simarin

C) Diqoksin

D) Strofantin

E) Digitoksin
May inciçiçəyinin tərkibində konvallatoksin və konvallazid qlikozidləri var.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 227
313) Nitroqliserinin damargenişləndirici təsiri onun metabolizmi zamanı yaranan hansı maddə ilə əlaqədardır?
A) Azot 2-oksid

B) Kalium ionları

C) Azot 1-oksid

D) Kalsium ionları

E) Natrium ionları
Nitroqliserinin damar genişləndirici təsiri onun metobolizmi nəticəsində əmələ gələn azot-2 oksidin damarların saya əzələ hüceyrələrinə göstərdiyi təsirlə əlaqədardır.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 238
314) Nitroqliserin hansı aktivliyə malikdir?
A) Antiaqreqant

B) Aqreqant

C) Kumulyativ

D) Antiaritmik

E) Diuretik
Nitroqliserin antiaqreqant aktivliyə malikdir. Trombositlərin aqreqasiyasını zəiflədir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh
315) Validol necə qəbul edilir?
A) Sublinqval

B) Dəri altına yeridilir

C) Venadaxilinə yeridilir

D) Peroral

E) Əzələ daxilinə yeridilir
Validol sublinqval yolla təyin edilir. 1 tablet və ya 4-5 damcı validol şəkər parçası üzərinə damızdırılır tam sorulana qədər orada saxlanılır.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 244
316) Miokard infarktı zamanı baş verə biləcək şokun qarşısını almaq üçün hansı maddədən istifadə olunur?
A) Spazmalqon

B) Benalgin

C) Trimeperidin (Promedol)

D) Tempalgin

E) Prokain (Novokain)
Miokard infarktında yaranan ağrıları aradan qaldırmaq və bu ağrılar zəminində baş verə bilən kardiogen şokun qarşısını almaq üçün narkotik analgetiklərdən morfin, promedol, fentanil, talamonal və s. istifadə edilir. İnfarkt ağrılarını qaldırmaq üçün azot-1 oksiddən istifadə edilir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 245
317) Miokard infarktı zamanı arterial təzyiqi yüksəltmək üçün hansı preparatdan istifadə olunur?
A) Ephedrin-hidroxlorid

B) Lidokain

C) Epinefrin(Adrenalin-hidroxloriD)

D) Fenilefrin (Mezaton)

E) Kofein-natrium benzoate
Miokard infarktı zamanı arterial təzyiqi yüksəltmək üçün α adrenomimetik maddələrdən, mezaton, norepinefrin istifadə edilir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 245
318) Qlaukomanın müalicəsi üçün klonidinin (klofelin) göz damcısı hansı dozada və tezlikdəistifadə olunur?
A) Gündə 1 dəfə 1 damcı

B) Gündə 3 dəfə 2 damcı

C) Gündə 2 dəfə 4 damcı

D) Gündə 2-4 dəfə 1 damcı

E) Gündə 1 dəfə 3 damcı
Klonidin(Klofelin) hipertonik krizlərdə və qlaukomada istifadə edilir. Qlaukomanın müalicəsi üçün 0,125-0,25 0,5%-li məhlulları göz damcısı şəklində gündə 2-4 dəfə 1 damcı istifadə olunur.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 249
319) Miotrop təsirli hipotenziv maddələrə hansı aiddir?
A) Klonidin (Klofellin)

B) Metildofa (Dopegit)

C) Rezerpin

D) Quanetidin-sulfat (Oktadin)

E) Bendazol (Dibazol)
Miotrop təsirli hipotenziv maddələr damarların saya əzələsinə təsir göstərərək onların tonusunu və arterial təzyiqi aşağı salır. Miotrop təsirli dərmanlara amlodipin, felodipin, diltiazem, minoksidil, dibazol, papaverin-hidroxlorid, maqnezium-sulfat və s.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 253
320) Bu hipotenziv dərman maddələrindən hansı qanqlioblokatorlar qrupuna aiddir?
A) Trepirium-yodid(Hiqronium)

B) Natrium nitroprussid

C) Rezerpin

D) Quanetidin-sulfat(Oktadin)

E) Bendazol (Dibazol)
Qanqlioblokatorlar həm simpatik, həm də parasimpatik qanqlionlarda yerləşən N-xolinoreseptorları blokadaya alaraq orqan və toxumalara simpatik və parasimpatik sinir sisteminin göstərdiyi təsiri aradan qaldırırlar. Əsasən hipertenziv krizlərdə arterial təzyiqi aşağı salmaq üçün istifadə edilir. Qanqlioblokatorlar dimekolin, pentamin,hiqronium, benzoheksonium və s.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 111
321) Simpatolitiklər qrupundan olan hipotenziv maddə hansıdır?
A) Atenolol

B) Diltıazem (Aldizem)

C) Maqnezium-sulfat

D) Rezerpin

E) Propranolol-hidroxlorid (Anaprilin)

Simpatolitik maddələr adrenergik sinapslarda mediator ifrazını zəiflətməklə simpatik sinir impulslarının ötürülməsini tormozlayırlar. Bunlara oktadin, adelfan trirezid, kristepin, raunatin, rezerpin və s. aiddir.


Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 135
322) Mərkəzi təsirli hipotenziv preparat hansıdır?
A) Papaverin-hidroxlorid

B) Dibazol (Bendazol)

C) Klonidin-hidroxlorid(Klofelin)

D) Maqnezium-sulfat

E) Amlodipin (Almovas)
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 249
323) Klonidin-hidroxloridin (Klofelin) xarakterik cəhəti hansıdır?
A) Periferik və beyin damarlarının spazmında tətbiq olunur

B) Damar-hərəkət mərkəzinin fəaliyyətinə tormozlayıcı təsir göstərir

C) Renin angiotenzin sisteminə tormozlayıcı təsir göstərir

D) Atrioventrikulyar keçiriciliyin qismən və ya tam blokadasına səbəb olur

E) Gözdaxilitəzyiqi artırır
Klonidin-hidroxloridin xarakterik cəhəti damar-hərəkət mərkəzinin fəaliyyətinə tormozlayıcı təsir göstərməklə arterial təzyiqi aşağı salır.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 249
324) ß-adrenoblokatorlara aid hipotenziv dərman preparati hansıdır?
A) Papaverin-hidroxlorid

B) Metildofa (Dopegit)

C) Aldizem (Diltiazem)

D) Propranolol ( Anaprilin)

E) Dixlotiazid
ß adrenoblokatorlar β adrenoreseptorları blokadaya alaraq simpatik sinir impulslarının orqanlara təsirinin qarşısını alır. β adrenoreseptorlar anaprilin, oksiprenolol, (trazikor), timolol (korqarD) həm ürəyin β1, həm də damar və bronxların β2 adrenoreseptorlarını blokadaya alır.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 132
325) Renin-angiotenzin sisteminə tormozlayıcı təsir göstərən hipotenziv maddələr hansılardır?
A) Rezerpin

B) Kaptopril

C) Papaverin-hidroxlorid

D) Metildofa

E) Bendazol
Renin angiotenzin sistemi damar tonusunu tənzimləyən fizioloji sistemdir. Bu sistemdə hər hansı mərhələnin blokadaya alınması arterial təzyiqin aşağı düşməsinə səbəb olur. Bunlara kaptopril, prestarium, enalapril, lizinopril və s. aiddir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 256
326) Hansı preparat su-duz mübadiləsinə təsir göstərir?
A) Papaverin-hidroxlorid

B) Metildofa (Dopegit)

C) Furosemid

D) Quanetidin-sulfat(Oktadin)

E) Klonidin-hidroxlorid(Klofelin)
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 260
327) Papazolun tərkibi nədən ibarətdir?
A) Papaverin-hidroxlorid+Bendazol

B) Bendazol+analgin

C) Papaverin-hidroxlorid+fenobarbital

D) Papaverin-hidroxlorid+benzokain (Anestezin)

E) Bendazol+fenobarbital

Papaverin hidroxloridlə bendazolun kombinə edilmiş preparatı olan “Papazol” tableti periferik və baş beyin damarlarının zəif spazmlarında və hipertoniya xəstəliyinin yüngül formalarında istifadə olunur.


Ədəbiyyat: E.M.Ağayev, İ.İ.Rəhimov. “Farmakologiya” (reseptura ilə birlikdə). Bakı, “Nurlan”, 2005 səh 255
328) Sidikqovucu maddələrin təsir mexanizmi hansıdır?
A) Kalium ionlarını orqanizmdən xaric edir

B) Damarları daraldır

C) Suyu orqanizmdə saxlayır

D) Na ionlarını orqanizmdə saxlayır

E) Suyun və Na ionlarının orqanizmdən xaric olunmasını sürətləndirir
Sidikqovucu dərman maddələri nefronun müxtəlif hissələrinə, bu hissələrdə baş verən proseslərə təsir göstərərək sidik ifrazını gücləndirir və ödemi azaldır, suyun və Na ionlarının orqanizmdən xaric olmasını sürətləndirir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 318
329) Sidikqovucu təsirindən başqa Mannitin daha hansı təsiri var?
A) Dehidratasiyaedici

B) Adsorbsiyaedici

C) Qankəsici

D) Büzüşdürücü

E) Spazmolitik
Mannit sidikqovucu və dehidratasiyaedici təsirə malikdir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 322
330) Preparatlardan hansı sidik yollarının infeksion xəstəliklərində istifadə edilir?
A) Bisokodil

B) Fezam


C) Riboksin

D) Apilak

E) Nitrofurantoin (Furadonin)
Nitrofuran törəmələrinə furasilin, furazolidon, furadonin, furaqin və s. aiddir. Sidik cinsiyyət yollarının infeksion xəstəliklərində istifadə olunur (sistitdə, uretritdə və s.).
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 497
331) Bunlardan hansı turşu əmələ gətirən diuretikdir?
A) Ammonium xlorid

B) Furosemid

C) Sidik cövhəri

D) Hidroxlortiazid

E) Kalium asetat
Turşu əmələ gətirən diuretiklərə ammonium xlorid aiddir. Ondan təkcə sidikqovucu kimi deyil, alkoloz halını korreksiya etmək məqsədilə istifadə olunur.
Ədəbiyyat: M.Qəniyev, E.M.Ağayev, İ.İ.Rəhimov. “Farmakologiya”, “Nurlan”. Bakı, 2005 səh 188
332) Mədə şirəsinin tərkib hissəsi hansıdır?
A) Natrium hidrokarbonat

B) Pankreatin

C) Pepsin

D) Duru xlorid turşusu

E) Pepsin + xlorid turşusu
Təbii mədə şirəsini tərkibi xlorid turşusu və pepsindən ibarətdir. Hipasid qastritlərdə, axiliyalarda və dispepsiyalarda istifadə edilir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 280
333) Tərkibində mədəaltı vəzinin fermentləri olan kombinəedilmiş preparat hansıdır?
A) Almagel

B) Mezim forte

C) Simetidin

D) Qastroseptin

E) Qastal
Həzm prosesi pozulduğu hallarda tərkibində həzm fermentləri olan kompleks preparatlardan abomin, panzinorm forte, festal, mezim forte, pankreatin, pankurmen və s. geniş istifadə olunur. Hipasid və anasid qastritlərdə istifadə edilir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 281
334) Mədəaltı vəzinin stimulyatoru hansıdır?
A) Aliminium-hidroksid

B) Xlorid turşusu

C) Maqnezium-oksid

D) Histamin

E) Pepsin
Mədəaltı vəzin stimulyatoru HCl turşusudur. Mədə şirəsinin turşuluğu azaldıqda yalnız mədənin deyil, həm də mədəaltı vəzin funksiyası pozulur.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 280
335) Antasid maddələrin təsirini uzatmaq üçün onları necə qəbul etmək lazımdır?
A) Yeməkdən əvvəl

B) Yeməkdən dərhal sonra

C) Yeməyə 30 dəqiqə qalmış

D) Yemək zamanı

E) Yeməkdən 1 saat sonar
Antasid maddələrin təsir mexanizmi onların mədənin xlorid turşusunu neytrallaşdırmasına əsaslanır. Antasid maddələri acqarına qəbul edildikdə onların təsir müddəti qısa (30 dəq-yə yaxın) olur. Yeməkdən sonra qəbul edildikdə təsir müddəti 3-4 saata qədər davam edir. Uzun müddət təsir göstərməsi üçün antasid maddələri yeməkdən 1 saat sonra qəbul etmək, 3 saat sonra isə təkrar qəbul etmək lazımdır.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 303
336) Qusdurucu maddələrin növləri hansılardır?
A) Birbaşa və dolayı təsirli

B) Reflektor və dolayı təsirli

C) Birbaşa və reflektor təsirli

D) Reflektor və mərkəzi təsirli

E) Mərkəzi və dolayı təsirli
Qusdurucu maddələrdən zəhərlənmə zamanı mədəni təmizləmək və zəhərin qana sorulmasının qarşısını almaq üçün istifadə edilir. Qusdurucu maddələr reflektor və mərkəzi
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 296
337) Tərkibində skopolamin olan qusmanı aradan qaldıran preparat hansıdır?
A) Aeron

B) Metoklopramid (Serukal)

C) Prometazin (Pipolfen)

D) Perfenazin (Etaperazin)

E) Qalantamin
Tərkibində skopolamin və hiossiamin alkaloidlərinin kafur duzlarının qarışığından ibarət olan maddə “Aeron” adlanır.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 298
338) H2 -reseptorların qıcıqlanması nəticəsində nə əmələ gəlir?
A) Bağırsaqların peristaltikası azalır

B) Bronxların spazmı baş verir

C) Bradikardiya əmələ gəlir

D) Mədənin selikli qişasının sekretor fəaliyyəti artır

E) Mədə-bağırsaq sistemində atoniya əmələ gəlir
Məlumdur ki, histamin mədənin selikli qişasının pariental hüceyrələrində yerləşən H2 histamin reseptorlarını qıcıqlandırmaqla mədənin şirə ifrazına birbaşa stimullaşdırıcı təsir göstərir. H2 histamin reseptorlarını blokadaya alan maddələr simetidin, ranitidin, famotidin və s. aiddir.
dəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 284
339) Aeron tabletinin tərkibinin nədən ibarət olduğunu göstərin?
A) Atropin və novokaindən

B) Papaverin-hidroxlorid və Bendazol (Dibazol)

C) Benzokain (Anestezin) və Papaverin-hidroxloriddən

D) Skopolamin və hiossiaminin kafur duzlarından

E) Benzokain (Anestezin) və fenobarbitaldan
Aeron tabletinin tərkibi skopolamin və hiossiaminin kafur duzundan ibarətdir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh
340) Aşağıdakılardan hansı bitki mənşəli iştaha artıran dərman preparatıdır?
A) Gənəgərçək yağı

B) Murdarça ekstraktı

C) Adi Zirinc bitkisinin tinkturası

D) Acı yovşan tinkturası

E) Boyaqotunun duru ekstraktı
İştahı artıran bitki mənşəli dərman maddələrinə acı yovşan tinkturası, persen acı yovşan otu dəmləməsi, altaleks və s. aiddir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh
341) Ödqovucu dərmanlardan ibarət sıranı göstərin?
A) Mezoprostol, Xolosas

B) Furosemid, Aminofillin(Eufillin)

C) Metosin-yodid( Metasin), Nikodin

D) Aminofillin(Eufillin), Xolosas

E) Xolenzim, Alloxol
Tərkibində öd turşusu olan və quru öd olan preparatlar xolenzim və alloxol tabletləridir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 305
342) Qeyri-üzvi işlədicilərə aid preparatı göstərin?
A) Iniprol

B) Maqnezium-sulfat

C) Səna yarpağının dəmləməsi

D) Neostiqmin-metilsulfat( Prozerin)

E) Gənəgərçək yağı
İşlədici duzlar bağırsaqda toplanaraq bağırsaqdaxili osmotik təzyiqi yüksəldir. Bağırsağın selikli qişasında yerləşən reseptorlar qıcıqlanır peristaltik hərəkət güclənir. Bunlara maqnezium sulfat, natrii sulfat və s. aiddir.
Ədəbiyyat: E.M.Ağayev, İ.İ.Rəhimov. “Farmakologiya”, “Nurlan”. Bakı, 2005 səh 309
343) Qastroprotektorlar olan sıranı göstərin?
A) Ranitidin, Simetidin

B) Sukralfat (Venter), Biskolsitrat (De-nol)

C) Ranitidin, Famotidin (Qastrosidin)

D) Pirenzepin, Sukralfat

E) Atropin-sulfat,Metosin-yodid(Metasin)
Qastroprotektorlar mədənin selikli qişasına təsir göstərməklə onu fiziki-kimyəvi təsirlərə qarşı dözümlülüyünü artırır. Selikli qişa səthini mexaniki surətdə qoruyan maddələr sukralfat, de-nol və s. aiddir.
Ədəbiyyat: E.M.Ağayev, İ.İ.Rəhimov. “Farmakologiya”, “Nurlan”. Bakı, 2005 səh 153
344) Bu maddələrdən hansı mədə antisekretor maddələrə aid deyil?
A) Xolesistokinin

B) Sekretin

C) Histamin

D) Qastroinhibitor peptid

E) Prostaqlandin
Mədə vəzilərinin hipofunksiyasında onların sekretor fəaliyyətini artıran dərman maddələrdən istifadə olunur. Bu qrupdan diaqnostik müalicə və əvəzedici terapiya məqsədilə istifadə edilir. Diaqnostik məqsədlə istifadə olunanlara histamin, qastrin, “betasol” və s. aiddir.
Ədəbiyyat: E.M.Ağayev, İ.İ.Rəhimov. “Farmakologiya”, “Nurlan”. Bakı, 2005 səh 140
345) Ödün əmələ gəlməsini stimulə edən maddələr necə adlanır?
A) Xoleretiklər

B) Diuretiklər

C) Xolespazmolitiklər

D) Hepatoprotektorlar

E) Xolekinetiklər
Ödün əmələ gəlməsini stimulə edən maddələr xoleretika və ya xolesekretika adlanır. Bu qrup maddələr ödün qaraciyərdə əmələ gəlməsi və sekresiyasını artırır, öd kisəsinin bağırsaqlara axınını təmin edir.
Ədəbiyyat: E.M.Ağayev, İ.İ.Rəhimov. “Farmakologiya”, “Nurlan”. Bakı, 2005 səh 160
346) Doğuş fəaliyyətini artırmaq üçün oksitosin necə istifadə edilir?
A) 500 ml 5% qlukoza ilə qarışdırılıb venaya yeridilir

B) 10% Lidokoinlə qarışdırılıb venaya yeridilir

C) 2% Novokainlə qarışdırılıb dəri altına yeridilir

D) Hemodezlə qarışdırılıb venaya yeridilir

E) 0,5% Novokainlə qarışdırılıb əzələ daxilinə yeridilir
Doğuş fəaliyyətini gücləndirmək üçün oksitosini venadaxilinə yeritmək daha səmərəlidir. Bu məqsədlə 1 ml oksitosin 500 ml 5%-li qlükoza məhlulunda həll edilərək damcı üsulu ilə venaya yeridilir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 325
347) Pitiutrinin tərkibini göstərin?
A) Vazopressin + Qonadotropin

B) Vazopressin + Oksitosin

C) Adiurekrin + Qonadotropin

D) İntermedin + Oksitosin

E) Vazopressin + İntermedin
Pitiutrinin tərkibi vazopressin və oksitosindən ibarətdir. Vazopressin qan damarlarının tonusunu artırmaqla arterial təzyiqi yüksəldir, böyrək borucuqlarında suyun reabsorbsiyasını gücləndirir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 365
348) Miometriya nə vaxt oksitosinə qarşı həssasdır?
A) Doğuşdan sonra

B) Hamilə olmayan vaxtda

C) Doğuş aktı zamanı

D) Hamiləliyin 6-cı ayında

E) Dölün ölçüləri çanağın ölçülərindən böyük olduqda
Oksitosin doğuş zamanı uşaqlıq əzələsinin ritmik yığılmasını, doğuşdan sonrakı dövrdə isə süd ifrazını gücləndirir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 365
349) Oksitosin miometriyaya necə təsir edir?
A) Vaxtından əvvəl doğuşun qarşısını alır

B) Uşaqlığın yığılma qabiliyyətini zəiflədir

C) Miometriyanın tonusunu aşağı salır

D) Uşaqlıq boynu əzələsinin tonusunu azaldır

E) Uşaqlıq əzələsinin ritmik yığılmalarını gücləndirir, tonusunu artırır və doğuş fəaliyyətini gücləndirir
Oksitosin doğuş fəaliyyətini gücləndirmək və doğuşdan sonrakı hipotonik, uşaqlıq qanaxmalarını dayandırmaq üçün istifadə olunur.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 325
350) Aşağıdakılardan hansı heparinə xas deyil?
A) Tromboz və emboliyaların profilaktikasında istifadə olunur

B) İribuynuzlu heyvanların qaraciyərindən alınır

C) Birbaşa təsirli antikoaqulyantdır

D) Mədə və 12-barmaq bağırsağın xora xəstəliyində yüksək effekt verir

E) Miokard infarktının mualicəsi zamani istifadə olunur
Qanın laxtalanma qabiliyyətinin zəifləməsilə müşayət olunan xəstəliklərdə,mədə və 12 barmaq bağırsağın xora xəstəliklərində, uşaqlıq qanaxmalarında heparinin təyin olunması əks göstərişdir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 348
351) Dəmir çatışmazlığı anemiyalarında istifadə edilən preparat hansıdır?
A) Fol turşusu (Vitamin BC)

B) Natrium nukleinat

C) Koamid

D) Sianokobalamin (Vitamin B2)

E) Pentoksil
Dəmir çatışmamazlığı anemiyaları eritrositlərin tərkibində hemoqlobinin azalması ilə müşahidə olunur. Müalicə üçün dəmir və kobalt preparatlarından istifadə edilir. Bunlara ferrum-lek, ferropleks, koamid, ferroven və s. aiddir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 334
352) Hiperxrom anemiyaların müalicəsində istifadə edilən preparat hansıdır?
A) Ferropleks

B) Pentoksil

C) Ferkoven

D) Koamid

E) Sianokobalamin (Vitamin B12)
Hiperxrom anemiyaların inkişaf mexanizmdə sianokobalaminin (B12 vit.) və fol turşusunun çatışmaması həlledici rol oynayır.Ona görə bu anemiyaları B12 (və ya fol turşusu)çatişmazlığı anemiyaları da adlandırırlar.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 335
353) Hansı xəstəliklər zamanı koaqulyant preparatlardan istifadə etmək olmaz?
A) Maqnezium duzları ilə zəhərlənmədə

B) Miokard infarktı zamanı

C) Allergiya zamanı

D) Mədə-bağırsaq qanaxmaları

E) Oksalat turşusu ilə zəhərlənmədə
Qanın laxtalanma qabiliyyətini gücləndirən dərman maddələri koaqulyantlar laxtalanma prosesini gücləndirirlər. Tromboflebit, ateroskleroz, miokard infarktı və s. zamanı koaqulyant preparatlardan istifadə etmək olmaz.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 342
354) Trombini həll edmək üçün hansı məhluldan istifadə edilir?
A) Hemodez məhlulundan

B) 2%-li Prokain-hidroxlorid(Novokain) məhlulundan

C) Natrium xloridin izotonik məhlulundan

D) 0,5%-li Prokain-hidroxlorid(Novokain) məhlulundan

E) 5%-li qlükoza məhlulundan
Trombini həll etmək üçün natrium xloridin izotonik məhlulunda müəyyən miqdarında həll edilir. Hemostatik süngərə və ya tənzifə hopdurulub qanaxma olan nahiyəyə qoyulur.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 344
355) Birbaşa təsirli antikoaqulyantlara aid vasitəni göstərin?
A) Sinkumar

B) Fenindion(Fenilin)

C) Asetilsalisil turşusu(Aspirin)

D) Etil-biskumasetat(Neodikumarin)

E) Heparin
Heparin qanın əks laxtalanma sisteminin təbii komponentidir. Birbaşa laxtalanma amillərinə təsir göstərərək qanın laxtalanmasını zəiflədir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 348
356) Dolayı təsirli antikoaqulyantlara aid vasitəni göstərin?
A) Etil-biskumasetat(Neodikumarin)

B) Fraksiparin

C) Heparin

D) Enoksaparin-natrium

E) Nadroparin-kalsium
Dolayı təsirli antikoaqulyantlar qanın laxtalanma amillərinə birbaşa deyil dolayı yolla təsir göstərirlər. Bunlara neodikumarin,sinkumarin, fepromarin aiddir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005səh 349
357) Trombositlərin aqreqasiyasını azaldan dərman maddəsi hansıdır?
A) Heparin

B) Etil-biskumasetat(Neodikumarin)

C) Asetilsalisil turşusu

D) Aminokapron turşusu

E) Kontrikal
Trombositlərin aqreqasiyasını azaldan maddələr asetilsalisil turşusudur. Onun təsir dozası 175-325 mq.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 356
358) Asetilsalisil turşusunun antiaqreqant təsiri nə ilə əlaqədardır?
A) Qanın laxtalanma amillərindən biri olan protrombinin biosintezində iştirak edir

B) Trombinin biosintezinə tormozlayıcı təsir göstərir

C) Plazminogenlə rabitəyə girərək onun plazminə çevrilməsinə mane olur

D) Siklooksigenazanı blokadaya alır və tromboksan A2-nin sintezinə tormozlayıcı təsir göstərir

E) Plazminogenin aktivləşməsinə tormozlayıcı təsir göstərir
Antiaqreqant təsir mexanizmi siklooksigenazanın blokatoru olması ilə əlaqədardır. Siklooksigenazanı blokadaya almaqla asetilsalisil turşusu trombositlərin aqreqasiyasının güclü stimullaşdırıcı faktoru olan tromboksan A 2 nin sintezinə tormozlayıcı təsir göstərir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 356


Yüklə 1,38 Mb.

Dostları ilə paylaş:
1   ...   4   5   6   7   8   9   10   11   ...   24




Verilənlər bazası müəlliflik hüququ ilə müdafiə olunur ©azkurs.org 2024
rəhbərliyinə müraciət

gir | qeydiyyatdan keç
    Ana səhifə


yükləyin