566) Tənəffüs yollarının iltihabında gülxətmi bitkisinin hansı hissəsindən istifadə edilir?
A) Gövdəsindən
B) Yarpaqlarından
C) Köklərindən
D) Çiçəklərindən
E) Toxumlarından
Gülxətmi kökünün tərkibində selik maddəsi, nişasta, şəkər, asparagin turşusu, pektin maddələri vardır. Gülxətmi kökünün dəmləməsi, maye ekstraktı şərbəti, tozu, həmçinin bitki yığıntılarının tərkibində bəlğəmgətirici, öskürəkkəsici, bürüyücü vasitə kimi tənəffüs yollarının kəskin və xroniki xəstəliklərində istifadə olunur.
Ədəbiyyat: Y.B.Kərimov, T.A.Süleymanov, C.İ.İsayev , C.S.Xəlilov "Farmakoqnoziya" Bakı-2010 səh.80.
567) Xalq təbabətində gülxətmi çiçəklərindən hansı xəstəliklərdə istifadə edilir?
A) Stomatitdə
B) Revmatizmdə
C) Ağciyərin iltihabında
D) Qaraciyərin iltyihabında
E) Mədə-bağırsaq xəstəliklərində
Gülxətmi çiçəklərində selik maddələri, karotinlər, askorbin turşusu vardır. Xammalın terapevtik effektivliyi gülxətmi çiçəklərinin tərkibində olan selik maddələri ilə bağlıdır. Selik maddələri mədə-bağırsaq traktının selikli qişasında olan sinir uclarını digər maddələrin qıcıqlandırmasından mühafizə edir.
Ədəbiyyat: Y.B.Kərimov, T.A.Süleymanov, C.İ.İsayev , C.S.Xəlilov "Farmakoqnoziya" Bakı-2010 səh.80-82.
Dostları ilə paylaş: |