Амин Бабайев, Вцгар Бабайев

Ekoloji kənd təsərrüfatının  əsas məqsədi istehsalda ekoloji təhlükəsiz 
(ekoloji təmiz) ərzaq məhsulu prinsipini əsas tutaraq həm iqtisadi, həm də sosial 
baxımdan tarazlaşdırılmış davamlı təsərrüfatçılıq missiyasını yerinə yetirməkdən 
ibarətdir. Bu məqsədə nail olmaq üçün torpaqların münbitliyinin yüksəldilməsi və 
qorunması ardıcıl şəkildə həyata keçirilərək, landşaftın, heyvanların və bitkilərin 
təbii imkanları  çərçivəsində bir sistem kimi qiymətləndirilərək  ətraf mühitin və 
kənd təsərrüfatının bütün sferalarında keyfiyyət göstəriciləri daima yaxşılaşdırılır. 
Ekoloji təsərrüfatçılıq kənd təsərrüfatında alternativ bir sistem kimi növbəli 
əkin sisteminin tətbiqi yolu ilə torpaq münbitliyinin yüksəldilməsinə, bitkilərin 
xəstəliklərinə və zərərvericilərinə qarşı mübarizədə qeyri-kimyəvi üsulların tətbi-
qinə və məhsul artımı üçün tətbiq olunan gübrələrin, herbisidlərin, boy stimulya-
torlarının, yemə əlavə olunan qarışıqların azaldılması prinsiplərinə əsaslanır. 
Avropa ölkələrində bu termin sinonim olaraq üzvi, bioloji  və ekoloji kimi 
işlədilir. Hansı sözün qəbul olunmasının və  rəsmi qaydada istifadəsinin heç bir 
fərqi yoxdur. Bu məsələnin yeganə mahiyyəti  əhalinin müxtəlif təbəqələrinin 
məlumatlanma və intellektual səviyyəsindən asılıdır. Azərbaycanda «ekologiya» 
məhfumunun insanların təfəkküründə daha çox yer almasını  nəzərə alaraq biz 
«ekoloji kənd təsərrüfatı» termininə daha çox üstünlük verdik.