Elektr enyergiyasi sanoati
Talimarjon issiqlik elektr
Yüklə 451,38 Kb. Pdf görüntüsü
|
|
6.Talimarjon issiqlik elektr
Energetika sohasi har qanday mamlakat iqtisodiyotining muhim bo´g´ini hisoblanadi. Moddiy ne´matlar ishlab chiqarish quvvatlarining oshishi va aholi
22
turmushi darajasining yuksalishi ko´p jihatdan uning rivojiga bog´liq. Iqtisodiyotimiz taraqqiyotining hozirgi bosqichida aholining elektr energiyasiga muttasil o´sib borayotgan talabini samarali qondirish, mavjud elektr stansiyalari va tarmoqlarini modernizasiya va rekonstruksiya qilish, yuqori texnologiyalar negizida ishlovchi yangi quvvatlarni qurib foydalanishga topshirish dolzarb ahamiyat kasb etmoqda. 2004-yilning oxirida Talimarjon issiqlik elektr stansiyasida quvvati 800 MVtli energoblokning ishga tushirilishi mamlakatimiz hayotida muhim voqea bo´ldi. Ushbu inshoot o´z ko´rsatkichlari bo´yicha Markaziy Osiyo mintaqasida yagonadir. Mazkur elektr stansiyasining aynan bizning viloyatimizda qurilishi nafaqat gaz konlarining borligi, balki kimyo va neftni qayta ishlash sanoatining ancha
taraqqiy etgani
bilan izohlanadi. Stansiyada ishlab
chiqarilayotgan elektr
energiyasi qudratli nasos stansiyalarini harakatga keltirish, shuningdek, Sho´rtan va Ko´kdumaloq gaz- kimyo majmualari kabi yirik sanoat korxonalarining uzluksiz ishlab turishiga imkon
yaratmoqda. ―O´zbekenergo‖ davlat aksiyadorlik kompaniyasidan olingan ma´lumotlarga ko´ra, Talimarjon issiqlik elektr stansiyasi faoliyati yo´lga qo´yilganidan to shu kunga qadar 54 milliard kVt/soatdan ko´proq elektr energiyasi ishlab chiqarilgan. Hozirgi vaqtda mamlakatimizda energetika tarmog´ini rivojlantirishga yanada keng e´tibor qaratilmoqda, xususan, tegishli ob´ektlarni modernizasiya qilish bo´yicha investisiyaviy dasturlar amalga oshirilmoqda. Bundan ko´zlangan maqsad mahsulot tannarxini kamaytirish, elektr stansiyalarining ishonchli va tejamkor ishlashini ta´minlash, uning atrof-muhitga zararini keskin pasaytirishdan iborat.
Prezidentimizning 2013-yil 7-martdagi tegishli qaroriga asosan, shu kunlarda Talimarjon IESda har birining quvvati 450 MVtli 2 ta bug´-gaz qurilmasini barpo etish bo´yicha ishlar olib borilmoqda. Ushbu qurilmalar 2016-yilning 3- va 4-choraklarida ekspluatasiya qilinishi ko´zda tutilgan. Hozirgi vaqtda loyiha bosh pudratchisi – Janubiy Koreyaning «Hyundai
23
Engineering and Construction‖ va ―Daewoo International Corporation‖ kompaniyalari konsorsiumi tomonidan mahalliy subpudratchi tashkilotlar bilan hamkorlikda qurilish-montaj ishlari bajarilayapti. Bug´-gaz qurilmasi ikkala blokining ishga tushirilishi elektr energiyasi ishlab chiqarishga sarflanadigan yoqilg´i va unga ketadigan xarajatlarini kamaytirish, shuning hisobidan butun energotizim tejamkorligini oshirish imkonini beradi. Shuningdek, O´zbekiston Respublikasi Prezidentining 2011-yil 27-avgustdagi qarorida belgilangan 216 kilometr uzunlikdagi 500 kVli havo liniyasini qurish bo´yicha salmoqli ishlar amalga oshirildi. Xususan, mazkur loyiha doirasidagi qurilish-montaj ishlari to´liq yakunlandi. Natijada Talimarjon IESdagi 500 kVli ochiq taqsimlash uskunasi Samarqand viloyatidagi ―So´g´diyona‖ nimstansiyasiga ulandi.
Ushbu loyihaning asosiy maqsadi mamlakatimiz energetika tizimining Janubi-G´arbiy va Janubiy qismlari, respublikamizning Janubi-G´arbiy mintaqasi yangi kiritilgan iste´molchilarini elektr energiyasi bilan samarali ta´minlashga erishish va elektr energiyasini tashishda yo´qotishlarni kamaytirish hisoblanadi. Talimarjon issiqlik elektr stansiyasida yangi quvvatlar ustida ish olib borilayotgani va
mavjud uskunalarning rekonstruksiya qilinishidan tashqari, yangi
texnologiyalarni qo´llash va ekologik xavfsizlik masalalariga ham alohida e´tibor qaratilmoqda. Hozirgi vaqtda korxonada zararli moddalarning atmosferaga chiqishini kamaytirish imkonini beruvchi texnologiyalardan keng
foydalanilayotgani ahamiyatga molik.
|