Elektron hukumat

<<2>>
Elektron hukumat ta’riflari.
“Elektron hukumat”ning turlicha ta’riflari mavjud bo‘lib, uning asl mazmun va mohiyatini bilish maqsadida bu ta’riflardan bir nechtasini keltiramiz:
Davlat boshqaruvida axborot kommunikatsiyasi texnologiyalari.
Davlat tomonidan xizmat ko‘rsatish jarayonlarini avtomatlashtirish.
Davlat hokimiyati organlari va jamiyat o‘rtasida axborotlashtirishdagi o‘zaro munosabatlarni axborot-kommunikatsiya texnologiyalari asosida tashkil etish.
Davlat boshqaruvida axborotga ishlov berish, uni uzatish va tarqatishni hamda hokimiyatning barcha darajalarida davlat organlarining fuqarolarga xizmat ko‘rsatishini elektron vositalar asosida tashkil etish.
Quyidagi asosiy xizmat va vazifalarni o‘z ichiga olgan avtomatlashtirilgan davlat xizmati:

• 
  fuqarolarni kerakli davlat axborotidan erkin foydalanishini ta’minlash;
  
• 
  soliqlar yig‘ish, patentlar va transport vositalarini ro‘yxatdan o‘tkazish;
  
• 
  davlat apparati uchun zarur material va jihozlarni xarid qilishni rasmiylashtirish hamda bitimlar tuzish.
  

Elektron hukumat — bu ham “ichki”, ham “tashqi” aloqalar va jarayonlar majmuasi tegishli axborot-kommunikatsiya texnologiyalari bilan qo‘lanilaniladigan va ta’minlanib turadigan hukumat. Kommunikatsiya tarmoqlari (shu jumladan Internet) orqali axborotga ishlov berish uchun qabul qilish, uzatish va tarqatishni, elektron vositalar asosida davlat boshqaruvining tashkil qilishni, davlat hokimiyati organlarini barcha bo‘g‘inlari tomonidan fuqarolarning barcha toifalariga elektron vositalar bilan xizmatlar ko‘rsatishni, o‘sha vositalar yordamida fuqarolarga davlat organlarining faoliyati haqida axborot berishni ta’minlaydi.
Hozirgi kunda elektron hukumat tizimining umumiy ta’rifi – bu davlat va murojaat qiluvchi o‘rtasidagi o‘zaro munosabat osonlashtirilgan va axborot texnologiyalari maksimal darajada qo‘llaniladigan bog‘lanishga ega shaklangan davlat xizmatlarini, axborotni fuqarolarga, tadbirkorlikka, hukumatning boshqa sohalariga va davlat mansabdor shaxslariga taqdim etish ko‘zda tutuvchi nazorat ostidagi tizim sifatida ko‘rsatiladi.
Turli davlatlarda va tashkilotlarda elektron hukumatni bajaradigan vazifalariga ko‘ra quyidagicha ta’riflanadi:

Jadval 1.1