4) Təcrübə protokolunun hazırlanması Təcrübə protokolunun tərtib olunmasının məqsədi laboratoriyada görülən işləri sənədləşdirmək,
təcrübəyə tətbiq olunmuş prinsip və konseptləri hansı dərəcədə başa düşdüyünüzü göstərmək və tex
-
niki protokol yazma texnikasını inkişaf etdirməklə yaxşı təcrübə əldə etməkdir.
Təcrübə protokolunu yazmaq üçün qaydalar iki mərhələyə bölünür: hazırlıq protokolu və nəticə
protokolu. Hazırlıq protokolu təcrübə ilə əlaqədar məzmunu öncədən izah və təsvir edir, nəzəriyyəyə
fokuslanır və təcrübəyə başlamazdan əvvəl onun məzmununu təsdiq edir. Bundan əlavə, təcrübənin
protokolu təcrübə üçün tələb olunan dövrə diaqramlarının qoşulması və quraşdırılmasına, ölçü meto
-
duna, ölçü alətinin səlis əməliyyatına, təcrübənin gedişatına və təcrübənin məqsədinə əsasən daha
dəqiq məlumat əldə etmək üçün hazırlanmalıdır.
Ümumiyyətlə, protokolun tərtib olunması üçün müxtəlif cür metodlar mövcuddur, lakin onlar,
adətən, təcrübənin başlığı, təcrübənin məqsədi, metodu və gedişatı, təcrübənin nəticəsi, baxış-icmalı
və ardıcıllığı ilə hazırlanır.
2. Əsas alətlərin növü və istifadəsi Elektronla əlaqəli təcrübələr bir neçə kiçik elektronik komponentdən istifadə etməklə, təcrübi
sxemdə, universal sxemdə və ya çap dövrə sxemində (ÇDS) dövrə formalaşdırmaqdan ibarətdir. Bu
metodlar naqilin örtüyünün soyulması metodu, komponenti subtrata əlavə etməzdən əvvəl elektrik
naqilinin əyilməsi metodu, elektrik naqilinin subtrata əlavə edilməsi metodu və lehimləmədən sonra
elektrik naqilinin kəsilməsi metodu olaraq təsnifləşdirilə bilər. Bu zaman təcrübə üçün lazım olan
əsas alətlərin tipləri, istifadəsi və işlənməsini bilmək ehtiyacı yaranır.
