Elşən Misir oğlu Nəsibov

 
Parlament strategiyası və taktikası  
 
Dövlət  özü  ümumən  strateji  və  taktiki  bir  fenomendir.  Çünki  bütün 
fəaliyyəti konseptual olaraq layihələr, planlar, proqramlar, proqnozlar əsasında 
təşkil  olunur.  Dövlətin  strateji  sahələri  subyekt  və  obyekt  məzmunludur. 
Məsələn,  hakimiyyət  aparatları  subyektdirlər.  Bu  aparatlar  həm  də  strateji 
obyektlərdir.  Qurumlar  da  strateji  layihələrlə  (qanunvericiliklə)  təşkil  olunur. 
Dövlət öz strategiyasını müəyyənləşdirmək və təmin etmək məqsədilə subyekt 
və obyektləri təşkil edir. Strateji subyektləri ilə obyektlərini tənzimləyir strateji 
sahələri ayırd edir.  

---

106 
 
Strateji  subyektlər  və  sahələr  əsasən  böyük  səlahiyyətli    qurumlar  və 
geniş  potensiallı    sahələrdir.  Məsələn,  biz  hakimiyyətin  ali  və  mərkəzi 
qurumlarını strateji subyektlər hesab edirik. Dövlətin makro iqtisadiyyatı onun 
strateji  sahələrindən  ibarətdir  Strateji  sahələr  baza  olaraq  ilkin  və  vacib 
tələbatları  ödəyən  sahələrdir.  Bu  aspektdə  dövlət  və  onun  ali  hakimiyyəti,  ali 
qanunu, digər qanunvericilik aktlarının olması vacib və təməl şərtdir.   
Dövlətin strateji sahələrindən biri də hakimiyyət və onun  təşkili sahələridir.   
Hakimiyyətin təkmil  formada  strateji əsaslarla  formalaşdırılması  və  hakimiyyətin 
işinin təşkili strategiyası möhkəm təməlli dövlətin meydana gəlməsinin bazasında 
dayanır.  Hakimiyyət  strategiyası  dövləti  idarəetmə  məqsədləri  üçün  təşkil