Əlyazması hüququnda Əliyeva Fidan Bəhram qızı
Yüklə 0,82 Mb. Pdf görüntüsü
|
- Bu səhifədəki naviqasiya:
- 1.1. İKT-nin müasir durumunun hüquqi bazasının təhlili
|
6
MÜASİR İNFORMASIYA TEXNOLOGİYALARI SOSİAL-İQTİSADİ İNKİŞAFİN KATALİZATORU KİMİ 1.1. İKT-nin müasir durumunun hüquqi bazasının təhlili XXI əsrin əvvəli İnformasiya və Kommunikasiya Texnologiyalarının (İKT) cəmiyyətin inkişafına təsir göstərən vacib amillərdən birinə çevrilmişdir. Cəmiyyətin inkişaf tarixində 3 qlobal sosial-texniki dəyişiklik qeyd olunur- aqrar dəyişiklik, sənaye inqilabı və informasiya inqilabı. Sonuncu inqilab müasir informasiya texnologiyalarının tətbiqi ilə sosial həyatın informasiyalaşdırilması prosesi kimi reallaşır və günümüzün ən aktual proseslərindən birinə çevrilmişdir. 1980-cı illərdə kompüterlər yaranan zaman insanlar onun geniş imkanları haqqında tam təsəvvürə malik deyildi və az insanlar inanırdılar ki, informasiya əsri bağlayır və dünyanı, onun dünənini əsaslı formada dəyişəcək. Bu gün formalaşmaqda olan informasiya sözünü çoxlari təsəvvürə belə gətirə bilməzdi. Son illərdə informasiya texnologiyalarının sürətli inkişafı nəticəsində biz yeni İnformasiya Dünyasına keçid dövrünü yaşayırıq. Bu keciddə insanları nələr gözlədiyini tam bilməsək də bilməliyik ki, kompüter erasında fərqli olaraq informasiyalaşmış cəmiyyət daha çox insanı əhatə edəcək və insanı daha da inkişaf etdirəcək. İlk növbədə münasibətlərin forması və məzmunu dəyişəcək və yeni iqtisadi sahələr yaranacaq ki, bu dəyişiklik fərdi kompüterin yaratdığı imkanlardan daha möhtəşəm olacaq. Belə ki, fərdi kompüterlər, internet, elektron poçt, elektron ticarət, elektron bank, multimedia məhsulları, İP-telefon, vertual oyunlar, intellektual sistemlər,obrazların və nitqin tanınması – bunlar hamısı növbəti inqilabı dəyişikliyi səciyyələndirən əsas amillər olacaq. 70-80-cı illərdə fərdi kompüterlərin ilk yarandığı imkanlarının üzə çıxdığı vaxtlar cəmiyyətdə elə də geniş əhatə dairəsi yaratmamışdı. Kütləvi informasiya vasitələri bu yeni sahəni demək olar ki, çox zəif işıqlandırırdılar. Kompüterə və onun 7
imkanlarına aludə olmuş bəzi insanlar, sanki geniş kütlədən təcrid olunaraq öz dünyalarında yaşayırdılar. Bunu bir səbəbi də, bu yeniliyin bu qədər sürətlə və əhatəli olaraq cəmiyyətin məişətinə daxil olacağına inamsızlıq idi. Fakt isə göz qabağındadır, hər birimizin gündəlik fəaliyyətində və həyatında informasiya texnologiyalarımühüm yer tutur. İnformasiya Dünyası mövzusu kütləvi informasiya vasitələrinin, televiziya kanallarının beynəlxalq təsisatların, elmi konfransların, sammitlərin, aparıcı dövlətlərin liderlərinin zirvə görüşlərinin əsas müzakirə predmetinə çevrilir. Son onillikdə bu məsələyə demək olar ki, cəmiyyətin bütün təbəqələri (dövlət məmurları, biznes adamları və vətəndaşları) tərəfindən çox böyük diqqət və maraq göstərilir. İnformasiya Cəmiyyəti üzrə keçirilmiş Cenevrə və Tunis Sammitləri göstərdi ki, bu diqqət və maraq təkcə inkişaf etmiş ölkələrdə deyil, həmçinin kompüter istifadəçilərinin sayına görə dünya üzrə sonuncu yerləri tutan ölkələrdə də çox böyükdür. Mütəxəsisslərin fikrincə, İnformasiya Kommunikasiya Texnologiyaları sahəsində inqilab hələ yenicə sürət alır və onillikləri əhatə edəcəkdir. Onun nəticələri isə yeni vasitələr olacaq, hansı ki, İKT nəinki yeni iqtisadi və sosioloji durumlar yaradacaq, həm də insanın özünü dəyişəcək. İnsanlar real ehtiyaclarını vertual aləmdən istifadə edərək ödəyəcəklər. İnsanların mal və xidmətlərə olan tələbatlarının ödənilməsinin minimum məsrəflərə endirəcək. Nəinki maddi, həm də mənəvi tələbatların ödənilməsində İKT əvəzedilməz vasitəyə çavriləcək. Ölkələrin təcrübəsi göstərir ki, informasiya cəmiyyətinin formalaşması proseduru mürəkkəb və çoxşahəlidir. Bu ilin uğurla həyata keçirilməsi isə cəmiyyətin hər bir üzvünün informasiya texnologiyalarının gündəlik həyatımızda əhəmiyyətini necə
istifadəsindən və dərk edilməsindən asılı olan məsələdir. 8
Məhz bu fikir 2003-cü ilin dekabrında Cenevrədə 1 və 2005-ci ilin noyabrında Tunisdə respublikamızın da təmsil olunduğu İnformasiya Cəmiyyəti üzrə Dünya Sammitlərində müzakirə olunan mövzuların ana xəttini təşkil edirdi. Bu Sammitlər cəmiyyətin inkişafında bir də ona görə tarixi əhəmiyyət kəsb edirdi ki, ilk dəfə olaraq biznes, hökumət və ən başlıcası vətəndaş cəmiyyətinin nümayəndələri bir araya gələrək dünyanın inkişafı naminə vahid mövqedən çıxış etmək qərarına gəlirdi. Bu fikri gündəmdə saxlamaq üçün hər ilin 17 May tarixinin “Ümumdünya İnformasiya Cəmiyyəti Günü” kimi qeyd olunması qərara alındı. “Tunus Öhdəlikləri” sənədində isə iştirakçı dövlətlər bütün xalqların inkişafına xidmət edəcək Qlobal İnformasiya Cəmiyyətinin qurulması prosesində ortaya çıxa biləcək hər bir problemin vaxtında və operativ həlli üçün birgə fəaliyyət göstərəcəklərini bir daha təsdiqlədilər. Ümum inkişaf yolu gedərək Azərbaycanda informasiya cəmiyyətinə keçid üçün müvafiq mühitin yaradilması yolu seçilmişdir. Azərbaycanda aparılan dövlət siyasəti informasiya-kommunikasiya texnologiyalarının bir prioritet sahə kimi inkişafına əlverişli sərait yaratmışdır. İnformasiya-kommunikasiya texnologiyaları müasir Azərbaycan cəmiyyətinin ən vacib infrastrukturu, iqtisadiyyatımızın bir sektoru, əmək məhsuldarlığının artım amili və müasir sosial inkişafın katalizatoru olaraq, Azərbaycanda energetika sektorundan sonra dinamik inkişaf edən ikinci sahədir. Neft sektoruna və iqtisadiyyatın digər sahələrinə milyardlarla investisiya yatıran Qərb şirkətləri Azərbaycan 2 da informasiya cəmiyyətinin bərqərar olması prosesində yaxından iştirak etməyə başlamış, bu məqsədlə Azərbaycana yeni və modern texnologiyalar getirilmişdir. Ölkədə İKT-nin inkişaf etdirilməsi məqsədilə ilk növbədə qanuni və hüquqi baza yaradılmasının vacib olduğundan Azərbaycanda da bu məqsədlə adları aşağıda
1 www.mincom.com.az 2
“Azərbaycan Respublikasının inkişafı naminə informasiya və kommunikasiya texnologiyaları üzrə Milli Strategiya”(2003-2012-ci illər)
9
qeyd edilən çoxlu sayda dövlət proqramları , strategiya və qanunlar qəbul olunmuşdur: Milli Strategiyanın əsas məqsəd informasiya və kommunikasiya texnologiyalarından geniş istifadə etməklə şəffaf iqtisadi sistem yaratmaq, ölkənin demokratik inkişafına kömək etmək və informasiya cəmiyyətinin formalaşmasını təmin etməkdir. Milli strategiyanın əsas vəzifələrinə aşağıdakılar aiddir: -informasiya cəmiyyətinin hüquqi bazasının yaradılması və daim inkişaf -cəmiyyətdə insan amilinin önə çəkilməsi,vətəndaşların keyfiyyətli təhsil alması, tibbi xidmət və sosial təminatlar kimi xidmət sahələrinin inkişafı üçün əlverişli şəraitin yaradılması; -vətəndaşın və sosial institutların məlumat almaq, istifadə etmək kimi hüquqlarının təmin edilməsi üçün müvafiq şəraitin yaradılması; -səmərəli, şəffaf və ictimai nəzarət oluna bilən dövlət idarəçiliyinin və yerli bələdiyyə etmənin həyata keçirilməsi, elektron hökumətin, elektron ticarətin elektron bank, elektron biznesin formalaşdırılması və inkişaf etdirilməsi; -ölkənin iqtisadi, sosial və intelektual potensialının artırılması, insan faktorunun önə çəkilməsi, informasiya və biliklərə əsaslanan, rəqabətə davamlı iqtisadiyyatın qurulması, informasiya və bilik bazarının yaradılması və inkişaf etdirilməsi; -xalqın tarixinin, maddi-mənəvi irsinin qorunub saxlanması və onun geniş dünyadan geniş təbliğ edilməsi; -inkişaf etmiş informasiya infrastrukturunun yaradılması, milli elektron informasiya məkanının formalaşdırılması, informasiya və kommunikasiya xidmətlərinin tətbiqinin genişləndirilməsi; -ölkənin və əhalinin informasiya təhlükəsizliyinin təmin olunması; -informasiyalaşmışazərbaycan cəmiyyətinin ümumdünya elektron informasiya məkanına inteqrasiyası;
10
-milli proqram vasitələri yaradan kadr
hazırlığının, informasiya vəkommunikasiya texnologiyaları məhsullarının istehsalının (İKT sənayesinin) inkişaf etdirilməsi; - ölkə iqtisadiyyatının “rəqəmsal geriliyinin” aradan qaldırılması. Bu proqramın həyata keçirilməsi nəticəsində dövlət idarəçiliyində şəffaflığın təmin olunması, vətəndaş cəmiyyətləri insitutlarının yaradılması, davamlı iqtisadi dirçəlişə nail olunması, əhalinin həyat şəraitinin daha da yaxşılaşması, Azərbaycanda vahid elektron informasiya məkanının formalaşması, ölkədə vətəndaşlar üçün informasiya əldə etmək imkanları yaranması və milli mintalitet və maraqlar nəzərə alınmaqla Azərbaycan cəmiyyətinin ümumdünya elektron informasiya məkanının bir hissəsinə çevirmək nəzərdə tutulmuşdur. “Azərbaycan Respublikasında rabitə və informasiya texnologiyalarının inkişafı üzrə 2005-2008-ci illər üçün Dövlət Proqramı” (Elektron Azərbaycan)” –Dövlət Proqramının qəbul edilməsinin məqsədi ölkədə rabitə və informasiya texnologiyalarının inkişafını təmin etmək və bu yolla ölkənin hər tərəfli inkişafı üçün fəaliyyət göstərmək, həmçinin İKT-nin inkişafı üzrə Milli Strategiyanın həyata keçirilməsini təmin etmək, müəyyən edilmiş məqsədlərə və fəaliyyət istiqamətlərinə uyğun olaraq layihələri planlaşdırmaq və həyata keçirməkdir. Proqramla əlaqədar aşağıdakı məsələlərin həlli xüsusi əhəmiyyət kəsb etmişdir: -rabitə və informasiya texnologiyaları sahəsinin inkişafı üçün islahatların aparılması və daha səmərəli mexanizmlərin formalaşdırılması; -Ümumdünya informasiya fəzasına inteqrasiyasının surətləndirilməsi və genişləndirilməsi insanların, iqtisadiyyatın, dövlət orqanlarının, hüquqi və fiziki çəxslərin rabitə və informasiya texnologiyaları şəbəkələrinə qoşulma imkanlarının və artan tələbatının təmin edilməsi; -Azərbaycanın informasiya təhlükəsizliyi sisteminin yaradılması, informasiya fəzasının təhlükəsizliyinin və vətəndaşların informasiya hüquqlarının müdafiəsinin təşkil edilməsi;
11
-informasiya texnologiyalarının inkişafını təmin etmək üçün normativ-hüquqi bazanın təkmilləşdirilməsi; -informasiya texnologiyaları sahəsində standartlaşdırmanın, sertifikatlaşdırmanın, radiotezlik və nömrələnmə ehtiyatlarının tənzimlənməsinin beynəlxalq standartlara uyğun təşkil edilməsi; -informasiya texnologiyaları sahəsində investisiyaların cəlb edilməsinə şərait yaradılması və özəl sektorun inkişaf etdirilməsi; -E-poçt xidmətlərinin modernləşdirilməsi və yeni xidmət növlərinin istifadəyə verilməsi; -müasir elektron texnika və texnologiyalar tədbiq edilməklə daha keyfiyyətli radio-televiziya yayımı və peyk rabitəsi xidmətlərinin göstərilməsi; -innovasiya siyasətinin müəyyənləşdirilməsi və informasiya cəmiyyətinin qurulmasını təmin edən nəzəri və tətbiqi elmi tədqiqatların aparılması; -təhsil sistemində müasir texnologiyalardan geniş istifadə olunması, yüksək ixtisaslı kadrların, o cümlədən informasiya təhlükəsizliyi üzrə mütəxəssislərin hazırlığının təmin edilməsi; -İKT üzrə sənayenin inkişafının təmin edilməsi, yerli elektron vastələrin istehsalının stimullaşdırılması və onun ixrac potensialının dəstəklənməsi; -informasiya texnologiyaları bazasında sərbəst və azad rəqabət apara bilən elektron məhsulların istehsalını təmin etmək; -dövlət, ictimai və sahə informasiya sistemlərinin formalaıdırılması, çeşidli informasiya sistemlərinin və şəbəkələrinin yaradılması; Qoyulan məqsədə nail olmaq üçün aparılacaq fəaliyyət aşağıdakı istiqamətlərdə həyata keçirilməsi nəzərdə tutulmuşdur: -informasiya texnologiyaları sahəsində həm iqtisadi, həm strukturislahatlarının aparılması; -İnformasiya texnologiyaları sahəsində modernləşmə və yeni avadanlıq və texnologiyaların tətbiqinin həyata keçirilməsi; 12
-informasiya cəmiyyətinə keçid üzrə layihələrin işlənməsi və həyata keçirilməsi şəraitinin yaradılması.
“Azərbaycan Respublikasında rabitə və informasiya texnologiyalarının inkişafı üzrə 2010-2012-cı illər üçün Dövlət proqramı”(Elektron Azərbaycan) 3
Proqramın 4 məqsədi Milli Strategiyadan irəli gələn vəzifələrin yerinə yetirilməsi, respublikada informasiya cəmiyyətinə keçidinin təmin edilməsi, İKT-nin inkişafını və geniş tətbiqini təmin etmək yolu ilə informasiya və biliklərə əsaslanan, rəqabətə davamlı xidmət və məhsullar istehsal edən iqtisadiyyatın qurulması və inkişaf etdirilməsi üçün zəminin yaradılması, dövlət idarəetmə sisteminin səmərəliliyinin artırılması və qəraraların qəbulu prosesindəayrı-ayrı vətəndaşların və qeyri hökumət təşkilatları institutlarının iştirakı imkanlarının genişləndirilməsi, cəmiyyətin informasiya və xidmətlərinə olan tələbatının dolğun ödənilməsinin təmin edilməsidir. Dövlət Proqramında qoyulmuş məqsədləri reallaşdırmaq üçün aşağıdakı məsələlərin həlli nəzərdə tutulur: -Azərbaycanda mövcud olan müasir informasiya və kommunikasiya infrastrukturunun inkişaf etdirilməsi, fiziki və hüquqi şəxslərin dövlət orqanlarının fəaliyyəti haqqında məlumatlara, həmçinin dövlət, ictimai və sahə informasiya resurslarına çıxışının genişləndirilməsi, informasiya və kommunikasiya xidmətlərinin genişləndirilməsi və onların keyfiyyətinin artırılması; -idarəetmənin bütün səviyyələrində İKT layihələrinin tətbiqi, dövlət və qeyri dövlət informasiya sistemləri və resurslsrının formalaşdırılması və inkişaf etdirilməsi; -dünya standartları əsasında dövlət informasiya resursları və sistemlərinin inteqrasiyasının təmin edilməsi, dövlət və qeyri dövlət orqanları arasında etibarlı və təhlükəsiz informasiya mübadiləsininhəyata keçirilməsi üçün qorunan multiservis
3 www.mincom.com.az 4 www.mincom.com.az 13
şəbəkəsinin inkişaf etdirilməsi, təşkilati-texniki, texnoloji tədbirlərin həyata keçirilməsi uyğun mühitin formalaşdirilması; -dövlət orqanlarının və digər xidmət sahələrinin göstərdiyi xidmətlərin operativliyinin və keyfiyyətinin, habelə idarəetmə mexanizmlərinin səmərəliliyinin artırılması üçün “E-hökumət” layihəsinin geniş tətbiqi, “bir pəncərə” prinsipi əsasında elektron xidmətlərin təşkili; -müasir tələblərə uyğun olaraq, sahələr üzrə normativ hüquqi bazanın təkmilləşdirilməsi; -İKT üzrə standartlaşdırma və sertifikatlaşdırmanın beynəlxalq təcrübəyə uyğun həyata keçirilməsi; -İKT ixtisasları üzrə mütəxəssis hazırlığının keyfiyyətinin artırılması, yeni ixtisaslı kadrların hazırlanması; -İKT xidmət və məhsullarının ölkədə istehsalının inkişaf etdirilməsi rəqabət qabliyyətli ixrac potensialının artırılması; -elektron texnika və texnologiyaların tətbiqi, İKT üzrə xidmətlərin, poçt və telekommunukasiya xidmətlərinin genişləndirilməsi və keyfiyyətinin yüksəldilməsi; -poçt şəbəkəsi vasitəsilə maliyə xidmətlərinin həyata keçirilməsinin inkişaf etditilməsi; -e-ticarət, e-səhiyyə, e-bank, e-təhsil kimi mütərəqqi fəaliyyət formalarının inkişaf etdirilməsi; -“iqtisadi rəqəmsal geriliyin” azaldılması üçün tədbirlərin həyata keçirilməsi; -informasiya cəmiyyətinin qurulması istiqamətində vahid elmi-texniki, elmi metodiki və inovasiya siyasətinin həyata keçirilməsi; -informasiya cəmiyyətinin yaradılması üzrə görülən işlərə ictimaiyyətin nəzarətinin təmin edilməsi.
14
Elektron imza və elektron sənəd haqqında Azərbaycan Respublikasının Qanunu 5 elektron imzanın və elektron sənədin yaradılmasının, istifadəsinin, elektron sənəd dövriyyəsində tətbiqinin elmin təşkilati, hüquqi əsaslarını müəyyən edir. Əlaqədar subyektlərindirektivlərinhüquqlarını müəyyən edir, aralarında münasibətləri yaradır və tənzimləyir. “Xalq kompüteri” Layihəsi-Azərbaycan Respublikası Rabitə və İnformasiya Texnologiyaları Nazirliyi, Azərbaycan Respublikasının Təhsil Nazirliyi, HP, Mikrosoft və Bestkomp Group şirkətlərinin birgə olaraq həyata keçirdikləri “Xalq Kompüteri” layihəsini ölkədə kütləvi kompüterləşmənin ilkin mərhələsi hesab etmək olar.
Bu layihədə əsas məqsəd əhalinin sosial təbəqələrinin müasir kompüterlə və lisenziyalı proqramlarla təmin etmək, güzəşli şərtlərlə PC əldə etməsinə şərait yaratmaq və bölgələrdə İKT-nin tətbiqini genişləndirməklə rəqəmli geriliyi aradan qaldırmaq. Azərbaycan hökumətinin informasiya cəmiyyətinin və e-hökumətin inkişaf etdirilməsi istiqamətindəki fəaliyyətini dəstəkləməkdir. İnsanlar İKT imkanlarından səmərəli istifadə edərək həyat səviyyəsini yüksəltmək və həyat tərzini yaxşılaşdırmaq, informasiya cəmiyyətinə keçidi təmin etmək üçün lahiyyənin məqsədi aşağıdakı məsələlərin həllinə nail olmaqdır: -Əqli əməyin təbliği və vətəndaşların dünya kitabxanasına dəvət; -Bilik iqtisadiyyatı yönümlü kadrların hazırlanması üçün zəmin yaratmaq; -İKT yönümlü kadrların hazırlanmasını stimullaşdırmaqla çəkisini artırmaq;
5 www.mincom.com.az 15
-E-hökumətin tətbiqi və inkişaf etdirilməsi; -Təhsil sisteminin yeni elektron əsaslara keçdiyini dəstəkləmək; -İntellektual mülkiyyətin qorunmasını təmin etmək; -Kompüter vərdişlərinin geniş yayılmasını təmin etmək; -Aztəminatlı sosial qrupların və vətəndaşların İKT biliyinin artırılması; -Əhalinin kompüterlərlə daha geniş təminatına şərait yaratmaq; -Adam başına düşən kompüter sayının dünyanın orta göstəricilərinə çatdırmaq. İlkin olaraq 2009-cu ilin aprelində başlayanv nə dörd ay müddəti əhatə edən pilot layihə həyata keçirilmişdir. Bu müddətdə layihə çərçivəsində yalnız orta məktəb müəllimləri kompüterlər əldə etmişlər. Həmin ilin 18 noyabrından etibarən “Xalq Kompüteri” layihəsinin növbəti mərhələsinə start verilib. Bu mərhələ də orta məktəb müəllimlərinə aid edilmişdir. 2010-cu il tarixindən isə “Xalq Kompüter” layihəsinin növbəti mərhələsinə start verilib. Bu mərhələ də orta məktəb müəllimlərinə aid edilmişdir. 2010-cu il tarixindən isə “Xalq Kompüter” layihəsinin ikinci mərhələsinə start verilmişdir. İmzalanmış razılaşmanın şərtlərinə əsasən, “Xalq Kompüteri” layihəsi çərçivəsində müəllimlərdən başqa orta məktəb şagirdləri və ali təhsil müəssisələrinin müəllim vətələbələri də kompüter və lesenziyalı proqram təminatını almaq imkanı əldə etmişlər. Azərbaycan Respublikasında kosmik sənayenin yaradılması və inkişafı üzrə -Dövlət Proqramının 6 məqsədi respublikada kosmik sənayenin yaradılması və inkişaf etdirilməsi, dövlət və qeyri dövlət strukturlarının peyk rabitəsinə olan tələbatının ödənilməsi, regionlarda əhalinin kütləvi informasiya vasitələrinə artan tələbatının təmin edilməsi, ölkənin beynəlxalq rabitə kanallarının artırilması və kosmik fəzadan səmərəli istifadə etməklə iqtisadi, sosial, elmi, mədəni, təhlükəsizlik və s. sahələrin inkişaf etdirilməsidir. Bu sənaye sahəsində beynəlxalq əməkdaşlığın genişləndirilməsi, respublikanın kosmik sənaye potensialının möhkəmləndirilməsi, kosmik sənaye texnikasının inkişafı, yeni rabitə xidmətlərinin təşkili, teleradio
6 www.mincom.com.az 16
yayımı, yerin məsafədən zondlanması, hidrometrologiya, ekoloji monitorinq, fövqəladə hallara nəzarət, kosmik tədqiqatlar, axtarış və xilasetmə üzrə proqramlar və s. bu sahənin inkişafına geniş perspektivlər yaradacaqdır. İKT sektorunun çox böyük inkişafı peyk şəbəkələrinin rəqabət qabilliyətinin artırılması istiqamətində əməli tədbirlərin görülməsini tələb edir. Bununla bağlı kosmik sənaye komplekslərinin perspektiv inkişafı üçün aşağıda qeyd edilənlər aktual hesab olunur: -peyk rabitə və yayım xidmətlərinin çoxzolaqlı olması və geniş əhali kütləsi üçün nəzərdə tutulması; -orbitə çıxarılan peyklərin kommersiya effektliliyinin artırılması, yeni abonentlərin cəlb edilməsi; -peyklər vasitəsilə təqdim olunan xidmətlərin qiymətlərinin geniş əhali kütləsi üçün əlyetənli olması; -peyklər vasitəsilə göstərilən xidmətlərin infrastrukturunun təkmilləşdirilməsi; -peyk
sistemlərinin yerüstü yayaım xidmətləri ilə inteqrasiyasının genişləndirilməsi. Dövlət Proqramında aşağıdakı əsas strateji məqsədlər nəzərdə tutulur: -gələcək inkişaf üçün yeni potensialın yaradılması; -ölkədə informasiya təhlükəsizliyinin təmin olunması və gücləndirilməsi; -dünya informasiya məkanına inteqrasiyanın genişləndirilməsi; -dövlət və qeyri dövlət orqanlarının, hüquqi və fiziki şəxslərin peyk şəbəkələrinə qoşulma imkanlarının artırılması; -peyk sistemlərinin idarə edilməsinin və istismarının eyni zamanda kosmik sənayenin yaradılması və inkişaf üzrə normativ hüquqi bazanın -kosmik sənaye sahəsinə yeni investisuyaların cəlb edilməsinə şəraitin yaradılması; -respublikanın bütün ərazisinin peyk rabitəsi, radio və televiziya yayımları ilə təmin edilməsi;
17
-dövlət güc strukturlarının xüsusi rabitəyə olan tələbatının ödənilməsi; -respublika ərazisində ətraf mühitin monitorinqi və texnogen mənşəli fövqalədə halların proqnozlaşdırılması və tədqiqi üzrə araşdırılmaların aparılması,dənizdə və quruda neft itkilərinin miqyasının qiymətləndirilməsi; -ölkənin beynəlxalq kosmik proqramlarda iştirakına şəraitin yaradılması; -kosmik sənayenin inkişafının sürətləndirilməsi, yerli istehsalın stimullaşdırılması və onun rəqabət qabiliyytli ixrac potensialının dəstəklənməsi; -kosmik sənaye və peyk sisremləri sahəsində yüksək səviyyəli kadrların hazırlanması; -ölkə üçün strateji əhəmiyyətli infrastruktur obyektlərin təhlükəsizliyinin təmin edilməsi məqsədi ilə monitorinqin aparılması; -kosmik sənayenin yaradılması və inkişaf etdirilməsi.
Yüklə 0,82 Mb. Dostları ilə paylaş:
|