F sh. Bahadirova reabilitatsiya, massaj va mehnat bilan

2.5. Bolalar kasalliklarida harakat buzilishi va chegaralanishi

Yuqorida aytib o‘tilgan kasalliklar va jarohatlar bolalarda ham 

ko‘p uchraydi. Lekin asosiy o‘rinni bolalar harakatsizlanishiga olib 

keluvchi omil – raxit kasalligi egallaydi. Bu kasallik bir yoshgacha 

bo‘lgan bolalarda ko‘p uchraydi. Raxit kasalligida – D vitamini 

tanqisligi natijasida bola organizmida kalsiy (Ca) moddasi kamayib 

ketishi, kalsiy almashinuvining buzilishi kuzatiladi. Bu esa salbiy ta’sir 

ko‘rsatadi. Organizmda kalsiy moddasi yaxshi o‘zlashtirilmaganligi 

uchun bolada soch to‘kilishi, kuchli terlash, injiqlik, mushaklar 

tortilishi, gipotrofiya (ozib ketishi), rivojlanishning orqada qolishi 

va osteomalyatsiya (suyak yumshab ketishi), osteodeformatsiya 

(suyaklarning qiyshayib ketishi) kuzatiladi.

Bolalarda yana MAT kasalliklari ham uchrab, ular harakat buzili-

shiga olib keladi. Shu jumladan bolalar serebal falaj kasalligi, pleksit, 

tug‘uruq shikastlarida uchraydi.