Reaksiyani bajarishdaprobirkaga rux tuzi eritmasidan 4-5 tomchi, formiatli bufer aralashma (HCOONa+HCOOH) eritmasidan 2-3 tomchi solinadi va eritmadan sekin-asta H2S o'tkaziladi.
7. Kaliy geksatsianoferrat (II) — K4[Fe(CN)6]rux ioni bilan qo'shaloq - kaliy rux geksatsianoferrat (II) ning oq cho'kmasini hosil qiladi:
3ZnCl2+ 2K4[Fe(CN)6] → Zn3K2[Fe (CN)6]2↓+ 6KC1
3Zn2++2K+ + 2[Fe(CN)6]4- →Zn3K2[Fe(CN)6]2↓
Cho'kma kislotalarda erimaydi, ishqorlarda erib sinkatlar hosil qiladi. Alyuminiy va xrom ionlari bu reaksiyaga xalaqit bermaydi. Biroq reaktivdan ko'proq qo'shilsa, eruvchanligi ancha yuqori bo'lgan Zn2[Fe(CN)6] cho'kmasi hosil bo'ladi. Shu bois, uni tomchilatib qo' shish maqsadga muvofiqdir.
Reaksiyani bajarishdarux tuzining 3-4 tomchi eritmasiga shuncha reaktiv qo'shilib, aralashma qaynaguncha qizdiriladi.
8. Kaliy geksatsianoferrat (III) - K3[Fe(CN)6]rux ioni bilan xlorid va ammiakda eriydigan jigarrang-sariq tusli cho'kma hosil qiladi:
3ZnCl2+ 2K3[Fe(CN)6] → Zn3[Fe (CN)]2↓ + 6KC1
3Zn2+ + 2[Fe(CN)6]3-→Zn3[Fe(CN)6]2↓
4.5. Qalay (II) kationining reaksiyalari Qalay birikmalarda ikki va to'rt valentli bo'ladi. Qalay tuzi eritmalari rangsiz. Qalay ionlariga cho'ktirish va qaytarish reaksiyalari ko'proq xosdir.
1. O'yuvchi ishqorlar va ammiak Sn2+ ioni bilan ta'sirlashganda, kislotalar va ortiqcha ishqorlarda eriydigan oq rangli amfoter birikma Sn(OH)2cho'kmasini hosil qiladi:
Sn2+ + 2OH- →Sn(OH)2↓
