O‘quv mashg‘uloti natijalari - talabalarda xalqaro xususiy huquq sub’ektlarinining tushunchasi, turlari va faoliyati yuzasidan chuqur bilim olishni ta’minlaydi. Talabaning chet el fuqarolari huquqiy holatining umumiy masalalari, O‘zbekiston Respublikasida chet el fuqarolarining fuqarolik huquq layoqati va muomala layoqati, yuridik shaxslarning xalqaro xo‘jalik munosabatlarida ishtiroki va ularning davlatga tegishliligi, O‘zbekiston Respublikasida xorijiy yuridik shaxslarning huquqiy holati, davlat - mulkiy munosabatlar sub’ekti sifatida, davlat immuniteti tushunchasi va turlariga oid mustaqil ta’lim olishiga ko‘maklashish, o‘rganish, to‘g‘ri sharhlash va qo‘llay olish uchun zarur bilim, ko‘nikma va malakani shakllantirishdan iborat.
Jismoniy shaxsning shaxsiy qonuni tushunchasi va uni tadbiq qilish doirasi qanday?
Shaxsiy qonunni tadbiq qilish doirasiga - jismoniy shaxsning fuqarolik huquqiy holati masalalari, uning xuquq va muomala layoqati, oila munosabatlari doirasida shaxsiy huquqlar, vorislik munosabatlari kiradi.
Shaxsiy qonun ikki holatda qo‘llaniladi: fuqarolik qonuni (milliy qonun)-lex patriae (lex nationalis) va turar joy qonuni-lex domicilii. Fuqarolik qonuniga murojaat qilingan holda, yuqorida qayd etilgan munosabatlar shaxsning fuqaroligi mansub mamlakat huquqiga bo‘ysunadi. Turar joy qonunini qo‘llashda esa, shaxsning qaysi davlat hududida doimiy yoki muntazam ravishda yashaganligi hisobga olinadi va shu mamlakat huquqi asosiy hisoblanadi.
Savol: Inkorporatsiya doktrinasini tavsiflang? Ushbu doktrinaga asos qilib yuridik shaxsning "millati" olingan. Bu yerda uning shaxsiy statuti bo‘lib u tashkil qilingan va ro‘yxatdan o‘tgan davlatning huquqi hisoblana di. Bu doktrina anglo-amerika huquqiy tizimiga mansub mamlakatlarda keng tarqalgan. Uning jiddiy kamchiligi shundan iboratki, bu yerda yuridik shaxsning tashkil etilishi va uning faoliyat ko‘rsatish joyi oralarida uzviy aloqa mavjud emas. Ma’lumki, yuridik shaxs bir davlatda tashkil etilsada, boshqaruv markazi boshqa davlatda bo‘lishi, asosiy faoliyatini esa umuman uchinchi davlat hududida amalga oshirishi mumkin. Bu esa yuridik shaxs o‘zining faoliyatini amalga oshirayotgan mamlakatning qonunchiligi tomonidan.
