692) Ürəyin qapalı massajı zamanı xəstənin uzadıldığı yer necə olmalıdır?
A) Sərt
B) Nahamar
C) Maili
D) Yumşaq
E) Yaylı çarpyıda
Ürəyin qapalı masajı zamanı xəstənin uzadıldığı yer sərt olmazsa amortizasiya baş verir və bu zaman döş qəfəsinin daxilə yerdəyişməsi nəzərə çarpmır. Bu da masajın keyfiyyətsiz olmasına gətirib çıxarır.
Ədəbiyyat: Ю.А.Нестеренко. «Хирургические болезни». – М.: Медицина, 1982. Səh. 121
693) Reanimasion tədbirlərin effektivlik əlaməti hansıdır?
A) Döş qəfəsində ekskursiyanın olmaması
B) Yuxu arteriyasında nəbz vurğusunun olması, bəbəklərin daralması və sərbəst tənəffüsün bərpası
C) Periferik nəbzin olmaması
D) Bəbəklərin genəlməsi
E) Rəngin avazıması
Reanimasiya tədbirləri düzgün aparılarsa 30 dəqiqə ərzində yuxu arteriyası üzərində nəbz vurğuları hiss olunur ki, bu da qan dövranının bərpasını göstərir. Bəbəyin işığa reaksiyası bərpa olunur, bəbəklər daralır, bu da beyin toxumalarının qanla təchizatına dəlalət edir və sərbəst tənəffüs bərpa olunur.
Ədəbiyyat: Ю.А.Нестеренко. «Хирургические болезни». – М.: Медицина, 1982. Səh 121
Dostları ilə paylaş: | 
