Penka, hind kəndiri, kənəf və kəndir bitkiləri kətan kimi floema lifi sayılır. Bunlardan texniki parça, kisə, kətan ip və sənayedə tətbiq edilən sair məmulat hazırlanır.
Nəbatat mənşəli liflərin xassələri. Nəbatat mənşəli liflər (xysusən kətan), mexaniki cəhətdən çox davamlı, hiqroskopik və yüksək temperatura (quru halda 150°-yə qədər və nəm halda daha yüksək) müqavimətlidir. Qələvilər nəbatat mənşəli liflərə yalnız qaynadan zaman havanın oksigeni də iştirak etməklə mənfi təsir göstərir. Pambıq liflərindən olan iplik yaxud parça tünd təmərgüzlü qələvi məhlulunda, məsələn 20°-yə qədər temperaturda tünd təmərgüzlü natrium hidroksid məhlulunda emal edildikdə, xassələri xeyli yaxşılaşır, hiqroskopikliyi, boya götürmək qabiliyyəti və davamı artır. Bu əməliyyata merserizasiya deyilir. Nəbatat mənşəli liflər turşulara, xüsusən tünd təmərgüzlü mineral turşulara qarşı davamsızdır. Işıl da uzun müddət təsir edəndə nəbatat mənşəli liflərin davamını xeyli azaldır.
