Resurs bolluğu və dəyişkənlik (volatillik). Təbii resursların, ələlxüsus
neft və qazın satışından daxil olan gəlirlərin həcmi, yüksək volatilliklər ilə
səciyyələnir ki, bu da makroiqtisadi vəziyyətin qeyri-sabitliyinə və makroiqtisa-
di göstəricilərin volatilliyinə gətirib çıxarır.
Xammal resurslarının satışından daxil olan gəlirlərin yüksək volatilliyinin
əsas səbəbi, tələbatın aşağı “elastikliyidir”. Xüsusilə neftə və qaza olan tələbatın
bir qədər azalması, əhəmiyyətli azalmalara gətirib çıxara bilər, tələbatın cüzi
və əhəmiyyətsiz dərəcədə yüksəlməsi isə xammal resurslarının qiymətlərinin
əhəmiyyətli dərəcədə artmasına səbəb olur. Nəticə etibarı ilə, “bum” şəraitində
təbii resursların satışından daxil olan gəlirlərin kəskin surətdə artması, təbii re-
sursların ixracında ixtisaslaşan ölkələrdə makroiqtisadi qeyri-sabitliyə səbəb
olaraq, dünya iqtisadiyyatının zəifləməsi şəraitində bir o qədər bu gəlirlərin
kəskin şəkildə azalması ilə dəyişə bilər.
Dostları ilə paylaş: | 
