Fəsil Menecmentdə proqnozlaşdırma və planlaşdırma. 1 Proqnozlaşdırma

Fəsil 4. Menecmentdə ünsiyyət (kommunikasiya)
Ünsiyyətin mahiyyəti informasiya mübadiləsi və onun mənasını çatdırmaqdır. Bir sözlə, mübadilə yoxdursa, informasiya da yoxdur. Ünsiyyət, bir növ, digər idarəçilik funksiyalarının (proqnozlaşdırma, planlaşdırma, təşkilat, motivasiya və nəzarət) yerinə yetirilməsində mühüm rol oynayır.
İnsanlarla ünsiyyət qurmaq bacarığı, müvəffəqiyyətin əsas amilidir. Menecerin peşəkar həyatda, aydın və effektiv ünsiyyət qurmaq bacarığı, onun həmkarları və tabeliyində olanlarla yaxşı münasibət qurmaq üçün zəmindir. Effektiv ünsiyyət iş yerində məhsuldarlığı artırır və qonaqların məmnunluq səviyyəsini yüksəldir. Ünsiyyət sahəsində, menecer yaxşı hazırlıqlı olmalıdır. Yalnız yaxşı dinləyici olmaq kifayət deyil. Siz sadəcə qulaq asmaq yox, sözlərin necə deyildiyini bilməlisiniz (sözlərin arxasında gizlənən hisslər). Menecerlər iş vaxtının çoxunu ünsiyyətə sərf edirlər. Bütün gün ərzində, bir çox insanlarla qarşılıqlı əlaqədə olurlar. Bu aşağıdakı vasitələrlə həyata keçirilir:
1.Şəxsi ünsiyyət
2. Telefon
3. Poçt/ Faks
4. Yaddaş qeydləri, hesabatlar, jurnallar və daxili və xarici ünsiyyət vasitələri olan məktublar
5. İnternet sayt, elektron poçt.
Menecerin əməkdaşlarla, rəhbərlik və sahibkarla mütəmadi ünsiyyəti vacibdir.
İşgüzar ünsiyyətin əsas 3 tipi var:
1.Azalan ünsiyyət (downword communacation)
Hotel rəhbərliyindən aşağı səviyyədə çalışan işçilərə informasiyanın ötürülməsi.
2. Yüksələn ünsiyyət (upword communication)
Aşağı səviyyədə çalışan işçilərdən rəhbərliyə informasiyanın ötürülməsi.
3. Üfüqi ünsiyyət ( lateral communication)
Bir və ya bərabər səviyyədə olan işçilər arasında yayılan informasiyadır.
Səviyyələrin müxtəlifliyinə baxmayaraq, rəhbərlik və əməkdaşları əlaqələr birləşdirir. Hotelin əməkdaşı, şöbə müdiri vasitəsilə baş menecer ilə ünsiyyət yarada bilər. Eyni səviyyəli şöbələr və əməkdaşlar bir-biri ilə əlaqə yaradır.
Hoteldə ünsiyyətin effektivliyini artırmaq üçün, bir sıra tövsiyyələr təqdim edirik:

1. 
   Azalan ünsiyyət səriştələrinin effektiv inkişafı, menecerə potensial problemləri müəyyən etməyə kömək edir və o qərarın qəbulundan əvvəl informasiya toplayır.
   

• 
  Menecer, açıq qapı siyasətini həyata keçirməli, əməkdaşlara imkan yaratmalıdır ki, öz problemləri ilə müraciət edə bilsinlər.
  
• 
  Əməkdaşlarınızı diqqətlə dinləyin, problemlərinə obyektiv yanaşın.
  
• 
  Sizə bəd xəbər gətirənə emosional reaksiya verməyin və ya tənqid etməyin. Sizə bəd xəbər gətirən əməkdaşa acıqlı olmayın, bu gələcək ünsiyyəti kəsə bilər.
  
• 
  Aktiv dinləyici səriştələrindən istifadə edin.
  
• 
  Sizin əməkdaşlar bilməlidir ki, onların fikir və təkliflərinə hörmət və qayğı ilə yanaşırsınız.
  

2. 
   Menecerin əməkdaşlarla ünsiyyəti çox vacibdir. Yüksələn ünsiyyət vasitəsi ilə buna qayğı ilə yanaşın və planlaşdırın.
   

• 
  Menecerin vaxtının məhdud olmasına baxmayaraq, əmin olun ki, sizin məlumat vacibdir.
  
• 
  İnformasiya tam və dəqiq olmalıdır.
  
• 
  Təqdim etdiyiniz məlumat qısa olmalıdır.
  
• 
  Pis və yaxşı məlumatları müzakirə edin.
  
• 
  Müntəzəm ünsiyyət saxlayın.
  
• 
  Problemi müzakirəyə çıxaranda, onun potensial həllini təklif edin.
  
• 
  Müzakirə olunacaq məsələnin siyahısını tərtib edin.
  
• 
  Əmin olun ki, ünsiyyət üçün vaxtı düzgün seçmisiniz. Menecerə məlumatı qeyri-münasib vaxtda təqdim etsəniz ünsiyyətə mənfi təsir göstərə bilər.
  
• 
  Konkret məqsədi müəyyənləşdirin. Menecerlə müzakirə zamanı nəyə nail olacağınızı bilin.
  
• 
  Zərurət olmadan, şöbə müdirini məlumatlandırmadan, baş menecerə müraciət etməyin.
  

3. 
   Üfüqi ünsiyyətin səriştələri digər menecerlərlə ünsiyyət qurmağa imkan verir. Bu informasiyanın ətrafınızda dövr etməsinə zəmanət verir və mənsəbə çatmağa kömək edir.
   

• 
  Ünsiyyətə, hər iki tərəfin xeyrinə olan münasibətlərin qurulması kimi baxın.
  
• 
  İnformasiya mübadiləsini bölüşün.
  
• 
  Sizdən məlumatı soruşanda, düzgün və pozitiv cavab verin.
  

Zərurət yaranarsa, öz köməyinizi təklif edin.Ünsiyyət yaradan zaman bədən hərəkətlərindən istifadə edin.