Filologiya fakulteti
Yüklə 1,01 Mb. Pdf görüntüsü
|
- Bu səhifədəki naviqasiya:
- SHIRINOV T.Sh.
- MARDONOV B.M.
- ARIZA
- RAHMONOVA D.
- TUSHUNTIRISH XATI
- Eshonqulova Ch . TOPSHIRIQLAR
- NAMUNA TILXAT
- ABDULLAYEV A.E. TOPSHIRIQLAR
- NAMUNA
- POLVONOVA D.S.
|
NAMUNA
universiteti devonxonasi ish yurituvchisi, 1980-yilda tug`ilgan,“Kamolot” YIH a’zosi, o`zbek, oliy ma’lumotli Oxunova Zulfiya Boboxonovnaga TAVSIFNOMA Oxunova Zulfiya Boboxonovnaga Samarqand shahrida xizmatchi oilasida tug`ilgan. U 1990-yildan 1999-yilgacha Samarqand shahridagi 48-o`rta umumta’lim maktabida o`qidi. 1999-yildan 2001-yilgacha 48-o`rta umumta’lim maktabida tahsil olib, maktabni “yaxsi” va “a’lo” baholar bilan tugatdi. Oxunova Z.B. 2001-2002-yillarda Samarqand shahridagi futbol maktab- internatida tikuvchi, shahar “Kamolot” YIH tashkilotida yetakchi-mutaxassis lavozimlarida ishlagan. Ish jarayonida OITS va giyohvandlikka qarshi kurash bo`yicha kurslarda o`qidi hamda Samarqand shahri va viloyatidagi bir qancha maktablarda asrning dolzarb muammosiga bag`ishlangan targ`ibot-tashviqot ishlarida faol ishtirok etdi. Oxunova Zulfiya Boboxonovna 2002-yil SamDUning rus filologiyasi fakultetiga o`qishga kirib, uni imtiyizli diplom bilan tugalladi va 2006-yil yanvar oyidan boshlab universitet devonxonasida ish yurituvchi lavozimida faoliyat ko`rsatib kelmoqda. U ishchan, o`z vazifasini sidqidildan bajaradi, yangi xodimlar bilan tez til topishadi, har qanday ko`ngilsiz holatda ham o`zini tuta oladi va yo`qatib qo`ymaydi, mulohazali, xushchaqchaq, xushmuomala, muloyim fe’l-atvorli, o`zidan kattalarga hurmat bilan, kichiklarga mehribonlik va g`amxo`rlik bilan munosabatda bo`ladi. Jamoat ishlarida ishtirok etishni yaxshi ko`radi. Sportning yengil atletika turi bilan muntazam shug`ullanadi. Samarqand shahar va viloyat miqyosida o`tkaziladigan musobaqalarda ishtirok etib keladi. Bir necha bor sovrinli o`rinlarni ham egallagan. Oxunova Zulfiya Boboxonovna o`zbek, rus, ingliz, tojik tillarida erkin muomala qila oladi. U universitet professor-o`qituvchilari, xizmatchi-texnik xodimlari orasida olib borilayotgan ma’naviy-ma’rifiy, siyosiy-tarbiyaviy tadbirlarda ham faol ishtirok etib keladi. O`z dunyoqarashi, ma’naviy-siyosiy saviyasini oshirish 54
uchun kundalik matbuot, INTERNET ma’lumotlaridan doim xabardor bo`lib boradi, badiiy kitolar va filologiyaga doir ilmiy asarlarni muntazam o`qib boradi. Tavsifnoma talab qilingan joyga taqdim etish uchun berildi.
SamDU rektori: prof. SHIRINOV T.Sh. “Kamolot” YIH tashkiloti raisi: ABDUAZIZOZ T.R.
Devonxona mudiri: PARDAYEVA H.N.
2007.12.01. TOPSHIRIQLAR 1.
Mavzuni to`liq o`qib chiqing. 2.
Mavzu mazmunini og`ziaki hikoya qiling. 3.
Mavzu bo`yicha keltirilgan zaruriy qismlar hamda berilgan namuna asosida o`rtog`ingizga tavsifnoma yozing. 4. O`rtog`ingizga yozilgan tavsifnomani og`zaki hikoya qiling. TAVSIYANOMA Tavsiyanoma ham ma’lum bir jihatlari bilan tavsifnomaga o`xshab ketadi. Tavsiyanoma biror shaxsni muayyan lavozimga, yangi o`rin, vazifaga yoki ijtimoiy- siyosiy, ijodiy jamoatchilik tashkilotlariga a’zolikka tavsiya etish uchun beriladigan rasmiy hujjatdir. Tavsiyanomalar odatda muassasa, tashkilot, korxona, o`quv yurti ma’muriyati, ijodiy uyushmalar yoki alohida bir shaxs tomonidan ham berilishi mumkin. Tavsiyanoma ham qat’iy bir andozaga ega emas. U ham talab va ehtiyojga qarab yoziladi. Tavsiyanomada shaxsning butun hayoti, o`qish, ish yoki jamoatchilik faoliyati qamrab olinmaydi. Balki bu hujjatni berayotgan rahbar yoki boshqa kishi uchun ma’lum bo`lgan davr bayon etiladi, xolos. Tavsiyanomada ham shaxsning o`z sohasida erishgan yutuqlari, malakasi, ishchanligi, ijodkorligi, tashabbuskorligi, axloqiy, ma’naviy-ma’rifiy, siyosiy saviyasi, ijtimoiy foaliyati, oilaviy ahvoliga qisman baho beriladi. Tavsiya etilayotgan nomzodning yangi lavozim, o`rin, vazifaga munosibligi yoki ijtimoiy- siyosiy tashkilot, ijodiy uyushma, jamoatchilik ishiga qanchalik loyiqligi ta’kidlanadi. Tavsiyanoma shaxsning taklif etilayotgan lavozim, vazifa, ish yoki a’zolikni bajara olishligiga ishonch bildirish va uning nomzodini tavsiya etish bilan yakunlanadi. Tavsiyanomaning zaruriy qismlari:
Hujjat nomi - tavsiyanoma. 55
Tavsiyanoma berilayotgan shaxs haqida matn (shu shaxsni qachondan bilishi, ish joyi, lavozimi uning o`z ishini qay darajada bajarishi, erishgan yutuqlari, ishchanligi, atrofdagilarga munosabati, jamoatchiligi, ma’naviy-ma’rifiy, siyosiy saviyasi, axloqiy sifatlari, obro`-e’tibori, oilaviy ahvoli, yangi lavozim, vazifa, o`rin, ish yoki a’zolikka qay darajada mos ekanligi va unga bildirilgan ishonch hamda tavsiya). Tavsiyanoma beruvchilarning ish joyi lavozimi, imzolari, familiyalari, berilgan sana va muhr. NAMUNA
GULISTON davlat universiteti filologiya fakulteti o`zbek filologiyasi bo`limi bitiruvchisi Sohibova Gulchehra Do`stmurodovnaga
Sohibova Gulchehra filologiya fakultetiga o`qishga kirgan paytdan (2003-yl) boshlab tirishqoq, qiziquvchan, intiluvchan, jamoatchi talaba sifatida tanildi. Men G.Sohibovani fakultet talabalar kasaba uyushmasi byurosi hamda “Kamolot” YIH universitet tashkiloti faollaridan biri sifatida 2004-yildan beri bilaman. U fakultet “Kamolot” YIH tashkiloti, murabbiylar kengashi, guruh rahbari, fakultet xotin-qizlar kengashi, fakultet ma’muriyati, o`zi tanlanma fanlar tinglaydigan amaliy tilshunoslik, o`zbek tili va adabiyoti o`qitish metodikasi kafedrasi professor-o`qituvchilari, ilmiy rahbari tomonidan beriladigan topshiriqlarni o`z vaqtida bajarib keladi. U har yili universitet talabalarining an’anaviy anjumanida iqtidorli talabalar qatorida o`zbek tilshunosligining dolzarb mavzulari bo`yicha ma’ruzalar qilib kelmoqda. Shuningdek, xabar va lavhalari bilan shahar, viloyat va respublika vaqtli matbuoti sahifalarida ham qatnashib turadi. Hozir u professor I.K.Mirzayev rahbarligida “Alisher Navoiy ijodining o`rta umumta’lim maktablarida o`rganilishi” mavzusida malakaviy-bitiruv ishi yozmoqda. O`tgan shu qisqa davr ichida u o`zining ilmiy kuzatishlar olib borishga layoqatli ekanligini ko`rsatdi. Men yuqorida bayon etilganlardan kelib chiqib, bitiruvchi G.Sohibovaning o`z ixtisosligi bo`yicha o`qishini muvaffaqiyatli davom ettira olishiga ishinch bildiraman hamda uning nomzodini magistraturada o`qishga tavsiya etaman. Fakultet “Kamolot” YIH tashkiloti yetakchisi: MARDONOV B.M. 2007.16.05. TOPSHIRIQLAR 1.
Mavzuni o`qib, tavsifnoma va tavsiyanoma o`rtasidagi farqni tushuntiring. 2.
Tavsiyanoma qanday maqsadda yozilishini aytib bering. 3.
Mavzuning zaruriy qismlari hamda ilovada berilgan namunadan foydalanib, o`rtog`ingizning nomzodini aspiranturada o`qishga tavsiya eting. 4. Yozgan tavsiyanomangizni og`ziaki bayon eting. 56
Ma’lum bir davlat tashkiloti, xususiy korxona, huquqni muhofaza qilish idoralari rahbarlari, mansabdor shaxslar nomiga iltimos, taklif yoki shikoyat mazmunida yoziladigan rasmiy hujjat. Shikoyat mazmunidagi arizalar kelib tushgan tashkilot tomonidan tegishli tartibda ro`yxatdan o`tkaziladi. Ariza ish, o`qish, yashash joylarida eng ko`p qo`llanadigan hujjatlar turiga kiradi. Ariza alohida bir shaxs yoki bir qancha kishilar tomonidan jamoa bo`lib yozilishi ham mumkin. Bu hujjat mahalla raisiga, jamoat tashkiloti rahbariga, bog`cha mudirasiga, maktab, litsey, kollej direktoriga, oliy o`quv yurti rektoriga, xo`jalik, tashkilot, korxona, muassasa boshliqlariga, tuman, shahar, viloyat hokimlari yoki respublika miqyosidagi rahbarlar, mansabdor shaxslarga yo`llanishi mumkin. Arizalarning mazmuni va hajmi turli-tuman bo`lsa-da, ularning barchasi uchun xos bo`lgan umumiy zaruriy qismlar muvjud. Ularga quyidagilarni kiritish mumkin: - ariza yo`llanayotgan tashkilot nomi, rahbarining lavozimi, familiyasi, ismi; - ariza yozuvchining ish, o`qish yoki yashash joyi, lavozimi, familiyasi, ismi, otasining ismi; - hujjat nomi – ariza; - matn (iltimos, taklif yoki shikoyat mazmunidagi ariza uchun asos bo`lgan fikr-mulohazalarning qisqagina bayoni); - ilova hujjatlar ro`yxati (mavjud bo`lsa yoki talab etilsa); - ariza yozuvchining imzosi, familiyasi, ismi, yozilgan sana. Ariza imkon qadar qisqa, ma’lumotlarga asoslangan holda, tushunarli uslubda yozilishi lozim. Ariza bevosita rahbarning o`ziga yoki shu ishlar bo`yicha mutasaddi kishiga topshiriladi. Arizada bayon etilgan iltimos, talab, taklif yoki shikoyat amaldagi qonunlarda belgilangan tartibda muddatda hal etiladi. NAMUNA GULISTON davlatuniversiteti tabiiy fanlar fakulteti talabalar kasaba uyushmasi byurosi rasi S.Anorovga shu fakultet biologiya bo`limi I kurs rus guruhi talabasi Rahmonova Dildoradan
Guruhimiz talabalari bilan Prezident ta’tili paytida, ya’ni 2006-yil 28-29- dekabr kunlari mamlakatimizning qadimiy shaharlaridan Buxoro hamda Qarshi shaharlariga jamoa bo`lib sayohatga borishni rejalashtirganmiz. Viloyat sayohat byurosi bilan kelishib, guruhimiz talabalari uchun ikki kunga 25 o`rinli avtobus olishimizga yordamlashishingizni so`rayman. Yo`l xarajatlarini naqd pul bilan to`laymiz. 2006.19.12. imzo RAHMONOVA D.
1.
Mavzuni diqqat bilan o`qib, o`rganing. 2.
Ariza bilan hal etiladigan masalalar haqida gapirib bering. 57
3. Quyidagi mavzularda ariza namunalarini yozing: to`y munosabati bilan fakultet dekanidan ikki kunlik darslardan ozod etishi to`g`risida ruxsat so`rang, farzandingizni bog`chaga joylash haqida, ishga kirish haqida, uy-joy qurish uchun yer ajratish haqida, tadbirkorlik bilan shug`ullanish uchun mablag` ajratish haqida, muddatidan oldin mehnat ta’tili olish haqqida, xizmat safariga yuborish haqida va hokazo. TUSHUNTIRISH XATI Ish qog`ozlarining bu turi, odatda, xizmat sohasida, ish joyida yuz bergan kamchiliklar yoki o`qish jarayoni bilan bog`liq bo`lgan ayrim vazifa va topshiriqlarning bajarilmay qolish sabablarini bayon etish, izohlash maqsadida yoziladigan rasmiy hujjatdir. Tushuntirish xati korxona, muassasa, tashkilot rahbari yoki boshqa mutasaddi kishilar nomiga yo`llanadi. Bu hujjat korxonalararo yozishma tarzida bo`lishi ham mumkin. Bunday holatlarda tushuntirish xati buyurtmachi va ijrochi tashkilotlar, quyi va yuqori idoralar faoliyatiga doir masala, hisobot, reja, loyiha, jadval va boshqa shu kabi asosiy hujjatlarga ilova qilinadi. Tushuntirish xati ham ko`proq shaxsiy mazmunga ega bo`lib, odatda rahbar yoki mutasaddi shaxs nomiga yoziladi va unda sodir etilgan xatti-harakatlar, yo`l qo`yilgan qoidabuzarlik holatlari, bajarilmay qolgan ish, topshiriq yoki vazifalar, ularni keltirib chiqargan sabablar izohlanadi. Shaxsiy mazmundagi tushuntirish xatining zaruriy qismlari: - hujjat yo`llanayotgan tashkilot nomi, rahbarning lavozimi, familiyasi, ismi; - tushuntirish xatini yozayotgan kishining ish joyi, lavozimi, familiyasi, ismi; - hujjat nomi - tushuntirish xati; - matn (unda yuz bergan voqea-hodisa, yo`l qo`yilgan qoidabuzarlik, kamchilik, nuqson, uni keltirib chiqargan sabablar hamda unga munosabat bayon etiladi); - tushuntirish xatini yozgan shaxsning imzosi, familiyasi, ismi va yozilgan sana. NAMUNA GULISTON davlat universiteti filologiya fakulteti dekani dotsent J.Eltazarovga shu fakultet`zbek filologiyasi bo`limi IV kurs talabasi Eshonqulova Charosning
2007-yil 23-mart kuni ertalab soat sakkiz yarimlarda fakultet qiroatxonasida dugonam Turdiyeva Sitora bilan malakaviy-bitiruv ishimizning xulosa qismini qanday yakunlash to`g`risida suhbatlashib o`tirgan edik. Shu payt qattiq shamol tufayli qiroatxonaning ikkita derazasi birdaniga ochilib ketdi va deraza raxiga gullar ekib terib qo`ylgan tuvaklardan uchtasi polga qulab tushib, sindi. Biz gullar va gultuvaklarning siniqlarini yig`ishtirib oldik. Gultuvaklarning sinishida hech kim aybdor emas. 2007.27.03. imzo Eshonqulova Ch.
1.
Mavzu va uning zaruriy qismlarini o`qib chiqing. 2.
Mavzu bo`yicha tushunchalaringizni og`ziaki bayon eting. 58
3. Ariza va tushuntirish xatining o`xshash hamda farqli jihatlarini aytib bering. 4.
Quyidagi mavzularda tushuntirish xati namunalarini yozing: darsga kech qolganligingizning sababi, darsga kela olmaganligingizning sababi, berilgan topshiriqning o`z vaqtida bajarilmaganligining sababi, shanbalikda belgilangan vazifalarning tugallanmay qolganligining sababi, mahsulot tayyorlashdagi uzilishlarning sabablari va hokazo. TILXAT Tilxat ham turmushda ko`p qo`llanadigan hujjat turlaridan biridir. Talabalar oliy o`quv yurti qabul komissiyasiga hujjatlarini topshirganlarida ularga qabul komissiyasi mas’ul xodimi tomonidan tilxat beriladi. Ko`rinadiki, tilxat muayyan shaxs tomonidan hujjat, qimmatbaho buyum, pul va boshqa shu kabi narsalar olinganda yoziladigan rasmiy hujjatdir. Tilxat odatda qimmatbaho buyum, hujjat yoki pulni olgan shaxs tomonidan qo`lda yoziladi. Ommaviy tarzda qabul qilinadigan o`rinlarda avvaldan tayyorlangan tilxat andozaliardan ham foydalaniladi. Tilxat guvohlar ishtirokida yozilgan hollarda unga guvohlar ham imzo qo`yishlari, familiyasi va ismlarini yozishlari shart. Ba’zan tilxat nodir hujjatlar, ko`proq miqdordagi pul olinganda yoki olinayotgan narsa-buyumning qimmatbaholigi e’tiborga olinib, notarial idoralarda tasdiqlanishi ham mumkin. Umuman, tilxat ikki nusxada tayyorlanib, unda ko`rsatilgan miqdor, son raqamlar hamda so`zlar bilan ham yozilishi talab etiladi. Tilxat matnidagi so`zlarni o`chirish, ularga tuzatish kiritish, o`zgartirish mumkin emas. Tilxat qanday mavzularda yozilishidan qat’i nazar, ularning barchasi uchun umumiy bo`lgan quyidagi zaruriy qismlar mavjud: - hujjat nomi – tilxat; - tilxat yozuvchi shaxsning o`qish, ish yoki yashash joyi, lavozimi, familiyasi, ismi, otasining ismi; - qimmatbaho buyum, pul, hujjat yoki boshqa shu kabi narsani beruvchi shaxsning ham ish, o`qish yoki yashash joyi, lavozimi, familiyasi, ismi, otasining ismi;
- olinayotgan narsaning to`liq nomi, aniq miqdori va holati, tilxat yozuvchi kishining familiyasi, ismi va hujjat yozilgan sana.
Men, GULISTON davlat universiteti fizika-matematika fakulteti amaliy matematika bo`limi III kurs “A” guruhi talabasi Abdullayev Abdumalik Erkinivich, ma’naviy-ma’rifiy ishlar bo`yicha fakultet dekani o`ribosari Rozmurodov Do`stmurod Azizovichdan talabalar spartakiadasida voleybol bo`yicha ishtirok etayotgan fakultet terma jamoasi a’zolari uchun 12 dona yangi sport kiyimi, bir dona voleybol to`pi oldim. Kiyimlar va to`pni sport musobaqalari tugagach dekanatga keltirib topshirishni o`z zimmamga olaman. 2007.18.01. imzo ABDULLAYEV A.E.
1.
Mavzu matni hamda uning zaruriy qismlarini o`qing. 2.
Mavzu bo`yicha tushunganlaringizni og`zaki hikoya qiling va turmushda yuz bergan holatlar bilan qiyoslang. 59
3. Quyidagi mavzularda tilxat namunalari yozing: guruh oqsoqoli sifatida talabalar stipendiyasini tarqatish uchun katta miqdorda pul olganligingiz haqida, o`tkazilgan sport musobaqalarida talabalar kiyadigan sport kiyimlari, anjomlari olganlingiz haqida, o`rtog`ingizdan ma’lum miqdorda pul qarz olganlingiz haqida, qo`shningizning videokamerasini vaqtincha ishlatib turish uchun olganligingiz haqida va hokazo.
Bu hujjat ish qog`ozlari yuritish jarayonida ishonch xati, ishonchnoma, vakolatnoma kabi atamalar bilan yuritilib kelinmoqda. Bizningcha, ish yuritish sohasida mazkur hujjatni bir atama bilan nomlash zarur. Xuddi tilxat kabi ishonch xati atamasi bilan yuritish maqsadga muvofiqroq ko`rinadi. Shunga ko`ra biz bu hujjatni ishonch xati deb nomlanishi tarafdorimiz. Ishonch xati biror bir korxona, muassasa, tashkilot yoki shaxs nomidan ish ko`rish huquqini beradigan rasmiy hujjatdir. Ishonch xati xizmat vazifasi yuzasidan yoki shaxs tomonidan berilganligiga ko`ra xizmat ishonch xati va shaxsiy ishonch xati turlariga bo`linadi. Xizmat ishonch xati bilan vakolatga ega bo`lgan shaxs uni bergan korxona, muassasa, tashkilot nomidan mol-mulkni boshqarishi, pul, qimmatbaho buyumlar, jihozlar, asbob- uskunalarni olishi, sud idoralarida ish olib borishi va berilgan vakolat doirasida boshqa ishlarni bajarishi mumkin. Shaxsiy ishonch xati orqali maosh, stipendiya, pensiya, nafaqalarni olish, hovli-joy, xonadon, transport vositalaridan foydalanish va ularning oldi-sotdisi bilan shug`ullanish hamda ular bilan bog`liq bo`lgan boshqa ishlarni amalga oshirish huquqi beriladi. Har ikkala turdagi ishonch xatlari ham ma’lum muddatga berilib (masalan, bir necha kundan uch yilgacha), ishonch xati beruvchi kishining imzosi u ishlayotgan korxona yoki notarial idoralar tomonidan muhr bilan tasdiqlanadi. Ishchi, xizmatchi xodimlar, talabalar, keksa kishilar tomonidan kundalik turmushda shaxsiy mazmundagi ishonch xatlarini yozish ko`proq kuzatiladi. Shunga ko`ra har bir savodxon kishi shaxsiy mazmundagi ishonch xati matnini to`g`ri yoza bilishi lozim.
Shaxsiy ishonch xatining zaruriy qismlari: - hujjat nomi - ishonch xati; - ishonch xati beruvchi shaxsning ish, o`qish yoki yashash joyi, lavozimi, familiyasi, ismi, otasining ismi; - ishonch xati oluvchi shaxsning ish, o`qish yoki yashash joyi, lavozimi, familiyasi, ismi, otasining ismi; - ishonch xati berilishidan ko`zda tutilgan maqsad, bajariladigan vazifalar, ishonch bildirilgan muddat; - ishonch xati beruvchining imzosi, familiyasi, ismi, otasining ismi, hujjat yozilgan sana; - ishonch xati bergan shaxsning imzosini tasdiqlovchi tashkilot, notarial idora nomi, mansabdor shaxsning imzosi, familiyasi, ismi. - hujjat tasdiqlangan sana va muhr.
60
Men, Samarqand shahridagi 45-sonli o`rta umumta’lm maktabining biologiya fani o`qituvchisi Erdonova Gulbahor Farmonovna, Toshkent shahridagi Abdulla Qodiriy nomli o`qituvchilar malakasini oshirish instititiga ikki oylik malaka oshrish kursiga yuborilganligim tufayli 2007-yil fevral-mart oylari uchun oylik maoshimni turmush o`rtogim Bo`riyev Fayzulla Xudayberdiyevichning olishiga ishonch bildiraman.
2007.12.01. imzo ERDONOVA G.F.
Biologiya fani o`qituvchisi G.F.Erdonovaning imzosini tasdiqlayman. Samarqand shahar 45-o`rta umumta’lim maktabi direktori POLVONOVA D.S. imzo 2007.15.01. TOPSHIRIQLAR 1.
Mavzu va uning zaruriy qismlarini o`qib chiqing. 2.
Mavzuni og`zaki hikoya qiling va ishonch xatining ahamiyatini tushuntiring. 3.
Quyidagi mavzularda ishonch xati namunalari yozing: sizning nomingizga kelgan pochta jo`natmasini olish uchun o`rtog`ingizning nomiga ishonch xati yozing, xizmat safariga ketayotganligingiz munosabati bilan oylik maoshingizni olishi uchun turmush o`rtog`ingiz nomiga ishonch xati yozing, malaka oshirish uchun o`qishga ketayotganligingiz munosabati bilan oylik maoshingizni olishi uchun akangiz nomiga ishonch xati yozing va hokazo. Yüklə 1,01 Mb. Dostları ilə paylaş:
|