Filologiya fakulteti
Yüklə 1,01 Mb. Pdf görüntüsü
|
- Bu səhifədəki naviqasiya:
- Mustaqil ishning taxminiy rejasi
- HUJJATCHILIK BO`YICHA MUSTAQIL ISH MAVZULARI
- Xulosa. Adabiyotlar ro‘yxati.
|
18
17. Abdullayev Y. Sovg’a. – T.: O’qituvchi, 1996. 18. Abdullayev Y. Hamrohim. – T.: O’qituvchi, 1996. 5. Abdumajidov G. «O’zbekiston Respublikasining Davlat tili haqida»gi Qonuniga sharhlar. – T.: Adolat, 1999. 19. Aminov M., Madvaliyev A., Mahkamov N., Mahmudov N. Ish yuritish. 20. Amaliy qo’llanma. – T.: O’zME, 2000. 21. Bobur Zahiriddin Muhammad. Boburnoma. –T.: Yulduzcha, 1990. 22. Boltayev M. Lotin yozuviga asoslangan yangi o‘zbek alifbosi va imlosi. – T.: O`qituvchi, 2003. 23. Boltayev M. Lotin yozuviga asoslangan yangi o‘zbek alifbosi va imlosi. –T.: 2006. Internetdagi manzili: www.samdu.uzG’filesG’webG’index.htm 24. Davlat tilida ish yuritish, hujjatchilik va atamashunoslik. Tuzuvchi Boltayev M. –Samarqand, SamDU nashri, 2007. 25. Yangi alifbo va imloni o’rganish dasturi. – T.: O’qituvchi, 1996. 26. O’zbekiston Respublikasining Qonuni. Davlat tili haqida (yangi tahrirda). «Xalq so’zi» gazetasi, 1995 yil 29 dekabr. 27. O’zbekiston Respublikasining Qonuni. Lotin yozuviga asoslangan o’zbek alifbosini joriy etish to’g’risida. – T.: O’zbekiston, 1993. 28. O’zbekiston Respublikasining Qonuni. O’zbekiston Respublikasining «Lotin yozuviga asoslangan o’zbek alifbosini joriy etish to’grisida»gi qonuniga o’zgartirish kiritish haqida. «Xalqso’zi» gazetasi, 1995 yil 6 iyul. 29. O’zbek orfografiyasining asosiy qoidalari. – T.: Fan, 1956. 30. O’zbek tilining asosiy imlo qoidalari. – T.: O’qituvchi, 1997. 31. O‘zbek tilining imlo lug‘ati. – T.: O‘qituvchi, 1995. 32. Hojiyev A., Rahmatullayev Sh. O‘zbek tilining imlo lug‘ati. – T.: O‘qituvchi, 1996.
“TERMINOLOGIYA VA DAVLAT TILIDA ISH YURITISH ASOSLARI” FANIDAN MUSTAQIL ISH MAVZULARI 1. M.Аbdullayev va boshqalarning “Mustaqillik” izohli ilmiy-ommabop lug‘atida berilgan ixtisosligiga doir atamalar va ular tahlili. 2. “Vasiqalar to‘plami”da qo‘llangan ixtisosligiga oid terminlar va ular tahlili. 3. M.Is’hoqovning “Unutilgan podsholikdan xatlar” kitobidagi tarixiy matnlarda qo‘llangan ixtisosligiga doir terminlar va ular tahlili. 4. Zahiriddin Muhammad Boburning “Boburnoma” asarida qo‘llangan ixtisosligiga doir terminlar va ular tahlili. 5. Аlisher Navoiyning “Vaqfiya” asarida qo‘llangan ixtisosligiga doir terminlar va ular tahlili. 6. Tog‘ay Murodning “Otamdan qolgan dalalar” romanida qo‘llangan ixtisosligiga doir terminlar va ular tahlili. 7. “O‘zbek tilining izohli lug‘ati”ning birinchi tomida berilgan ixtisosligiga doir terminlar va ular tahlili. 19
8. “O‘zbek tilining izohli lug‘ati”ning ikkinchi tomida berilgan ixtisosligiga doir terminlar va ular tahlili. 9. “O‘zbek tilining izohli lug‘ati”ning uchinchi tomida berilgan ixtisosligiga doir terminlar va ular tahlili. 10. “O‘zbek tilining izohli lug‘ati”ning to‘rtinchi tomida berilgan ixtisosligiga doir terminlar va ular tahlili. 11. “O‘zbek tilining izohli lug‘ati”ning beshinchi tomida berilgan ixtisosligiga doir terminlar va ular tahlili. 12. ga doir izohli lug‘tlarda berilgan terminlar va ular tahlili. Mustaqil ishning taxminiy rejasi Mavzu: M.Аbdullayev va boshqalarning “Mustaqillik” izohli ilmiy-ommabop lug‘atida berilgan ga oid terminlar va ular tahlili.
1. Termin va ixtisoslik terminlari haqida umumiy tushuncha. 2. Terminologiya sohasida olib borilayotgan ishlar haqida.
1. M.Аbdullayev va boshqalarning “Mustaqillik” izohli ilmiy-ommabop lug‘ati haqida. 2. “Mustaqillik” izohli ilmiy-ommabop lug‘atida ning turli yo‘nalishlariga doir terminlarning berilishi.
1. O‘zbek hujjatchiligi tarixi haqida. 2. Istiqlol va o‘zbek hujjatchiligi tarixida yangi davr. 3. “Davlat tili haqida”gi qonun va o‘zbek hujjatchiligi taraqqiyoti. 4. M.Aminov, A.Madvaliyev, N.Mahkamov, N.Mahmudovlarning “Ish yuritish”dan amaliy qo‘llanmasi haqida. 5. “Vasiqalar to‘plami”da berilgan hujjatlar haqida. 6. M.Is’hoqovning “Unutilgan podsholikdan xatlar” kitobidagi hujjatlar haqida. 7. Yangi alifbo va imloda ish qog‘ozlari tayyorlash: tarjimayi hol. 8. Yangi alifbo va imloda ish qog‘ozlari tayyorlash: tavsifnoma. 9. Yangi alifbo va imloda ish qog‘ozlari tayyorlash: tavsiyanoma. 10. Yangi alifbo va imloda ish qog‘ozlari tayyorlash: tushuntirish xati. 11. Yangi alifbo va imloda ish qog‘ozlari tayyorlash: tilxat. 12. Yangi alifbo va imloda ish qog‘ozlari tayyorlash: ishonch xati. 13. Yangi alifbo va imloda ish qog‘ozlari tayyorlash: hisobot. 14. Yangi alifbo va imloda ish qog‘ozlari tayyorlash: ariza. 15. Yangi alifbo va imloda ish qog‘ozlari tayyorlash: buyruq. 16. Yangi alifbo va imloda ish qog‘ozlari tayyorlash: dalolatnoma. 17. Yangi alifbo va imloda ish qog‘ozlari tayyorlash: ma’lumotnoma. 18. Yangi alifbo va imloda ish qog‘ozlari tayyorlash: e’lon va reklamalar. 19. Yangi alifbo va imloda ish qog‘ozlari tayyorlash: shartnoma. 20. Yangi alifbo va imloda ish qog‘ozlari tayyorlash: majlis bayoni. 21. Yangi alifbo va imloda ish qog‘ozlari tayyorlash: bildirishnoma. 22. Yangi alifbo va imloda ish qog‘ozlari tayyorlash: rasmiy xatlar. 23. Yangi alifbo va imloda ish qog‘ozlari tayyorlash: ustav. 20
24. Ish qog‘ozlari yuritishga doir atamalar xususida. 25. Ish qog‘ozlari yuritishga doir ruscha-o‘zbekcha atamalar xususida. 26. Yangi alifbo va imloda ish qog‘ozlari tayyorlash: shaxsiy va rasmiy xatlar. 27. Yangi alifbo va imloda ish qog‘ozlari tayyorlash: tavsifnoma va tavsiyanoma. 28. Yangi alifbo va imloda ish qog‘ozlari tayyorlash: ishonch xati va tilxat. 29. Yangi alifbo va imloda ish qog‘ozlari tayyorlash: majlis bayoni va undan ko`chirma tayyorlash. 30. Yangi alifbo va imloda ish qog‘ozlari tayyorlash: tushuntirish xati va bildirishnoma. Mustaqil ishning taxminiy rejasi Mavzu: O‘zbek hujjatchiligi tarixi haqida.
Hujjatchilik, uning tarixi, jamiyatda tutgan o‘ni haqida umumiy tushuncha.
1. O‘zbek hujjatchiligining shakllanish tarixi. 2. Qadimgi turkiy tilda yetib kelgan hujjatlar. 3. Sug‘d podsholigi, Samarqand qozisining bizgacha yetib kelgan hujjatlari. 4. Temuriylar davri hujjatchiligi. 5. Sho‘ro davri hujjatchiligi. 6. Mustaqillik davri hujjatchiligi.
21
KURSINING MAQSAD VA VAZIFALARI
Oliy o`quv yurtlari talabalari uchun mo`ljallangan mazkur kurs ularga respublikamizda faoliyat ko`rsatayotgan korxonalar, tashkilotlar va muassasalarda yuritib kelinayotgan ish qog`ozlari turlari, ularning vazifasi, ularda aks etadigan ma’lumotlar, axborotlar, fikr-mulohazalar, hujjatlarning zaruriy qismlari, ular bilan bog`liq atamalar to`g`risida ma’lum tushunchalar beradi. Ma’lumki, respublikamizda 1989-yil 29-oktabrda o`zbek tiliga davlat tili huquqi berilgan, 1991-yil 31-avgustda esa mamlakatimiz sobiq sho`rolar hukmronligidan qutilib, mustaqillikka erishgan bo`lsa-da, bir qator korxonalarda hujjatlar, ish qog`ozlarini davlat tilida yangi alifbo va imlo qoidalari asosida yuritishga o`tish biroz qiyinchilik bilan kechmoqda. Buning bir qancha sabablari bor, albatt. Ulardan biri yangi alifbo va imlo qoidalari asosida davlat tilida ish yuritish bo`yicha maxsus o`quv qo`llanmalari, uslubiy ishlarning kamligi bo`lsa, ikkinchidan, bu sohada ish yurituvchi mutaxassis-xodimlar tayyorlashning hali keng tus olmaganligidir. Ish qog`ozlari yuritish bo`yicha dastlabki bilimlar umumta’lim maktablari, litsey va kasb-hunar kollejlarida berilmoqda. Chunki bu o`quv yurtlarini tugatgan har bir yosh tegishli ma’lumotga egaligi to`g`risidagi hujjatni qo`lga olgach, mustaqil hayotga qadam qo`yadi. Ana shu davrdan boshlab ular ish qog`ozlari, hujjatlarga har qadamda duch kela boshlaydilar. Ishga kirish uchun, o`quv yurtiga hujjat topshirish uchun, mehnat ta’tili olish yoki biror voqea tufayli o`z hisobidan mehnat ta’tili olishi uchun ariza yozishi, mehnat ta’tilidan qaytganligi yoki betoblikdan so`ng ishga tushganligi to`g`risida bildirishnoma yozishi, yo`l qo`yilgan xato-kamchiliklar yoki nojo`ya xatti-harakatlar uchun tushuntirish xati yozishi, bajarilgan ishlar yoki berilgan topshiriqlar yuzasidan, xizmat safari bo`yicha hisobot yozishi, yetkazilgan moddiy, ma’naviy yoki jismoniy zarar uchun da’vo arizasi yoxud shikoyat xati yozishiga to`g`ri keladi. Ba’zan mana shunday hujjatlarni o`rta yoki o`rta-maxsus ma’lumotli mutaxassisgina emas, balki oliy ma’lumotli malakali mutaxassislar ham to`g`ri rasmiylashtira olmaydilar. Shunga ko`ra oliy o`quv yurtlari talabalari uchun “Davlat tilida ish yuritish, hujjatchilik va atamashunoslik” kursining kiritilishi hamda o`qitilishi har tomonlama maqsadga muvofiq ish bo`ldi. Shuningdek, bu kurs akademik litsey va kasb-hunar kollejlarida keyingi yillarda o`tila boshlagan “Nutq madaniyati va davlat tilida ish yuritish” fanining mantiqiy davomi sifatida talabalarning bu sohadagi bilimlarini yanada chuqurlashtirish uchun xizmat qiladi. Mazkur kurs talabalarga amaliyotda qo`llanib kelinayotgan hujjatlar, ularning xillari, har bir hujjatda qamrab olinishi lozim bo`lgan o`ziga xos dalillar, ma’lumotlar, axborotlar, fikr-mulohazalar, ijtimoiy-iqtisodiy, madaniy hayotimizga oid, o`z mutaxassisliklariga doir hamda hujjatlar yuritishga oid atamalar, ularni tanlash va qo`llashdagi o`ziga xos xususiyatlarni kengroq o`rganishlari uchun xizmat qiladi. Ma’lumki, insoniyat tarixida yozuvning ixtiro qilinishi bilan bog`liq ravishda yozma nutqning vujudga kelishi hamda taraqqiy eta borishi asosida eng qadimgi
22
zamonlardan boshlab kishilik jamiyatida insonlarning o`zaro turli-tuman munosabatlarini aks ettiruvchi yozishmalar, solnomalar, hujjatlar, badiiy, ilmiy, tarixiy asarlar yaratib kelingan. Hujjatlar kishilar, jamoalar o`rtasidagi huquqiy munosabatlarni tartibga solish, davlat ichidagi hamda davlatlararo ijtimoiy, iqtisodiy, siyosiy, madaniy, ma’rifiy, harbiy sohalarda aloqalar o`rnatish, hamkorlik qilish, mavjud aloqalarni yanada mustahkamlash va rivojlantira borishlari uchun xizmat qilib kelgan. Tarixda Bobil shohi Hammurapining (mil.av.1792-1750-yy.) va shoh Ur- Nammuning (mil.av.2112-2094-yy.) qonunlar majmui eng qadimgi va nodir hujjatlar namunasi sifatida mashhurdir. Davlatni idora qilish tartib-qoidalari, turli mansab egalarining vazifalari, soliq solish va uni to`plash tartibi, harbiy yurishlar o`tkazish, qo`zg`olonlarni bostirish qoidalari bayon etilgan turk hoqonlarining “Qonunnoma”si, Xondamirning “Qonuni Humoyun”i, Ro`zbexoning “Suluk al-muluk” kitobi kabi noyob manbalar ham turkiy xalqlar tarixida hujjatchilik an’analarining qadimgi davrlardan boshlanganligini ko`rsatadi. Qayd etib o`tilgan tarixiy manbalardan tashqari hoqonliklar, shohliklar, xonliklar, amirlik va bekliklarda yuritilgan farmonlar, bitimlar, arznomalar, yorliq, tilxat, qarznoma va guvohnomalar kabi hujjatlarning turli yozuvlarda tayyorlangan nusxalari, namunalari bizgacha yetib kelgan. Davlatning ichki va tashqi siyosatida muhim o`rin tutuvchi yorliqlar o`rta asrlarda alohida ahamiyatga ega bo`lgan. Bunga To`xtamishxonning 1393-yili polyak qiroli Yagayloga yo`llagan yorlig`i, Temur Qutlug`ning 1397-yilda berilgan yorlig`i, Umarshayxning marg`ilonlik Mir Sayid Ahmadga 1469-yili taqdim etgan yorlig`i, Toshkent hokimi Yunusxonning 1797-yil 2-iyunda Rusiya podshosiga yuborgan yorliqlari va boshqa shu kabi hujjatlarni misol tariqasida keltirish mumkin (2, 3-12- b., 6, 85-90-b.). Bizgacha yetib kelgan hujjatlar ichida eng muhimi va butun dunyoga tarqalib, shohlar va sarkardalar, davlat arboblari uchun dasturilamal vazifasini o`tab kelgan noyob manba buyuk bobokalonimiz sohibqiron Amir Temurning “Temur tuzuklari”dir. U o`rta asrlar davlatchiligining asosiy qonuni sifatida mashhur bo`lib, unda davlatni idora qilishda kimlarga tayanish, toj-u taxt egalarining tutumi va vazifalari, vazir va qo`shin boshliqlarini saylash, sipohiylarning maoshi, boj va soliq to`lash tartib-qoidalari, mamlakatlarni boshqarish tartibi, davlat arboblari va qo`shin boshliqlarining burch va vazifalari, vazirlar va boshqa mansabdorlarning toj-u taxt oldida ko`rsatgan alohida xizmatlarini qay tarzda taqdirlash tartibi va boshqa shu kabilar o`z ifodasini topgan. Bizgacha yetib kelgan manbalar orasida VII asr oxiri va VIII asr boshlarida Sug`d podsholigi davriga tegishli 80 ga yaqin noyob (Panjakent yaqinidagi Mug` tog`ida joylashgan qadimgi qasr xarobalaridan topilgan sug`dcha) hujjatlar Sug`d davlatida ish yuritishning ahvolidan darak bersa (3, 3-57-b.), 800 ga yaqin hujjatlarni qamrab olgan “Vasiqalar to`plami” 1588-1591-yillarda Samarqanddagi tarixiy voqelikni, ijtimoiy-iqtisodiy turmush tarzini yaqqol aks ettiradi (4, 5-125-b.). “Sug`d arxivi”dagi sug`dcha nikoh guvohnomasi 710-yilning 25-martida yozilgan bo`lib, unda turk zodagoni Uttakinning sug`d ayoli Dug`dgunchaga uylanishi rasmiylashtirilgan hamda kelin bilan kuyovning vazifa, burch va majburiyatlari bayon etilgan. Shuningdek, yer xarid qilish, tegirmonni ijaraga olish, xarajatnoma va o`zaro yozishmalardan iborat bir qator nodir hujjatlar So`g`d
23
podsholigi davrida xalq hayotining qanday bo`lganligini o`rganish uchun muhim manba bo`ladi. “Vasiqalar to`plami”dagi hujjatlarda esa meros mulkni taqsimlash, bolalarni hunar o`rganish uchun shogirdlikka berish, korxonalar, savdo do`konlari, yer-suv hamda uy-joy, mol-mulkni sotish, sotib olish yoki ijaraga berish, qullar mehnatidan foydalanish, qullarni ozod etish, taloq, sulh kabi munosabatlar o`sha davr huquqni nazorat etuvchi mutasaddilari – qozilar tomonidan tasdiqlangan. Amir Temur tuzgan qudratli davlat o`rta asrlar ilm-fani, adabiyoti va san’ati rivojiga katta yo`l ochgani barchaga ayon. Amir Temur va uning avlodlari tomonidan boshqarilgan yurtlarda davlat ishlari turkiy (o`zbek) tilda yuritilgan. Bunga, ayniqsa, Husayn Boyqaro hukmronligi davrida alohida e’tibor bilan qaralgan. Ularning bu an’analari keyingi asrlarda Buxoro, Qo`qon, Xiva xonliklari tomonidan takomillashtirilib, rivojlantira borildi. Afsuski, XIX asrning oxiri XX asrning boshlaridan e’tiboran ko`p asrlar davomida shakllantirilib, rivojlantirilgan bu an’analar davom ettirilmay to`xtatib qo`yildi. Markaziy Osiyo, shu jumladan, O`rta Osiyoning chor Rossiyasi tomonidan bosib olinishi bilan butun mamlakatdagi boshqaruv-nazorat organlarida barcha hujjatlar rus tilida yuritiladigan bo`ldi. Mustabid tuzumga qarshi qaratilgan 1917-yil oktabr to`ntarishi ham bu sohada jiddiy o`zgarishlar bo`lishiga olib kelmadi. 1924- yilga kelib sobiq sho`rolar davlati tarkibida O`zbekiston Respublikasi tashkil topdi. Shu yilning 31-dekabrida O`zbekiston Respublikasi inqilobiy komiteti “Ishlarni o`zbek tilida yurgizish hamda O`zbekiston jumhuriyatining inqilobiy komiteti huzurida markaziy yerlashtirish hay’ati va mahallalarda muzofot yerlashtirish hay’atlari tuzilishi to`g`risida” 48-raqamli qaror qabul qildi. Unda hukumat, kooperativ, xo`jalik idoralari, muassasa, tashkilot va korxonalarda butun yozuv ishlarini faqat o`zbek tilida yurgizishga majbur etish vazifasi qo`yilgan edi. 1928-yilga kelib “Davlat idoralarini o`zbeklashtirish” hamda “O`zbekiston Respublikasida idora, korxona va tashkilotlari ishchi xodimlarini o`zbek tiliga majburiy o`rgatish to`g`risida” ikkita tarixiy qaror qabul qilinadi. Ularda davlat idoralarini o`zbeklashtirish Markaziy Komissiyasiga idoralarda ish yuritish hujjatlarini mahalliy va rus tiliga o`tkazish, idoralarni asta-sekin ikki tilni biladigan xodimlar bilan to`ldirish, o`zbek tilini o`rganish uchun bir, ikki, uch yillik to`garaklar tashkil etish vazifasi yuklatilgan edi. Idora va muassasalarga 1929-yil 1-oktabrdan boshlab o`zbek tilini bilmaydigan xodimlarni ishga olmaslik, o`zbek tilini mensimagan yoki unga nisbatan g`ayri munosabatda bo`ladiganlarni o`zbek tilini biladigan xodimlar bilan almashtirish huquqi berilgan edi. 1931-yili O`zR Markaziy Ijroiya Qo`mitasi va Xalq Komissarlari Soveti tomonidan idoralarni o`zbeklashtirish to`g`risida yana bir qaror qabul qilinib, unda 1933-yil 1-aprelgacha butun O`zbekiston bo`ylab o`ta muhim bu ishni tugallash belgilangan edi. Ming afsuski, qisqa muddat ichida ketma-ket qabul qilingan bu qarorlarning birortasi ham hayotga tatbiq etilmasdan qog`ozlarda qolib ketdi. Mamlakatda nafaqat ziyolilar, balki ozgina mustaqil fikrlashi mumkin bo`lgan dehqon-u ishchilarga qarshi qaratilib, takror-takror o`tkazilgan qatag`on qirg`inlari, mash’um ikkinchi jahon urushi, millionlab begunoh insonlar yostig`ini quritgan shaxsga sig`inish davri, talon-tarojliklar avjiga chiqqan turg`unlik yillari sobiq shurolar davlati tarkibida bo`lgan, nomigagina teng huquqli hisoblangan
24
respublikalarning milliy tillariga bo`lgan eskicha – o`gay munosabatlarni mustahkamlab keldi, xolos. Hujjatlarning “bepoyon yurt”ning barcha nuqtalarida faqat rus tilida yuritilishi, qariyb 130 yil davomida hukm surgan mustamlakachilik munosabatlari va tazyiqlar natijasida o`zbeklar yurtida asrlar davomida shakllangan ish yuritish va hujjatchilik sohasida uzilish yuz berishiga olib keldi. Ish yuritish borasidagi an’analar davom etmay qoldi. Eng achinarlisi, o`zbek tili o`z nomi bilan ataladigan respublikada bir chekkaga surib qo`yildi. Rus tilini bilish baynalmilallik belgisi qilib qo`yilgani holda o`zbek tilini bilish, unda gapirishni talab etish esa millatchilik deb hisoblanadigan darajaga yetdi. Natijada nafaqat og`zaki nutqimizda, hatto adabiy tilimizda ham spravka, akt, protokol, instruksiya, dogovor, avtobiografiya, otchot, raport, xarakteristika, rekomendatsiya, retsenziya kabi ish yuritish va hujjatchilikka oid ko`plab atamalarning qo`llanishi odatiy holga aylandi. Xayriyatki, 1989-yil 21-oktabrda istiqlol sari tashlangan dadil qadam sifatida O`zbekiston Respublikasining 30 moddadan iborat “Davlat tili haqida”gi tarixiy qonuni qabul qilindi. O`zbekiston Respublikasining 1991-yil 31-avgustda mustaqil davlat deb e’lon qilinishi qaddimizni bukib kelgan barcha tahqir va tazyiqlardan ozod etdi. “Davlat tili haqida”gi qonun qabul qilingan kun – 21-oktabr o`zbek tili bayrami kuni deb e’lon qilindi va har yili boshqa bayramlar qatori yuqori ko`tarinkilik bilan nishonlanib kelinmoqda. Mazkur tarixiy qonun qabul qilingan paytda O`zbekiston Respublikasi hali sobiq sho`rolar davlati tarkibida bo`lib, birgina qonun qabul qilish bilan o`zbek tilining mamlakat ichida va undan tashqaridagi obro`-e’tibori, xalqaro mavqeyini tezdan tiklash qiyin edi. Shuningdek, mazkur qonunda o`zbek tili bilan bir qatorda rus tiliga ham millatlararo muomala tili sifatida bir talay imtiyozlar ham berilgan ediki, bu hol ham o`zbek tilining davlat tili sifatida keng miqyosda qo`llanishiga biroz bo`lsa-da, soya tashlar edi. Shuning uchun ham istiqlolga erishilgach, qonun qayta ishlanib, davr talabidan ortda qolayotgan moddalar yangilari bilan almashtirildi, mustaqil davlat hayotiga mos keluvchi yangi tahrirda 1995-yil 21-dekabrda qabul qilindi. Avvalgi qonun 30 moddadan iborat bo`lgan bo`lsa, yangi tahrirdan so`ng u 24 moddaga keltirildi. Qonunning 1-moddasidayoq “O`zbekiston Respublikasining davlat tili o`zbek tilidir” deyilgan (1, 8-b.). Mazkur moddaning o`ziyoq respublikamizda ish yuritish – hujjatlar bilan bog`liq barcha ishlarning davlat tilida olib borilishi lozimligini talab etadi. Bu esa O`zbekiston Respublikasi Konstitutsiyasining 4-moddasi bilan hamohang bo`lib, unda shunday deyilgan: “O`zbekiston Respublikasining davlat tili o`zbek tilidir. O`zbekiston Respublikasi o`z hududida istiqomat qiluvchi barcha millat va elatlarning tillari, urf-odatlari hurmat qilinishini ta’minlaydi, ularning rivojlanishi uchun sharoit yaratadi” (5, 8-b.). O`zbekiston Respublikasi Vazirlar Mahkamasining 1996-yil 10-sentabrdagi 311-sonli qarori bilan “Davlat tili haqida”gi O`zbekiston Respublikasi Qonunining amalga oshirilishini ta’minlash Davlat dasturi o`zgartirish va qo`shimchalar kiritilgan yangi tahrirda tasdiqlandi. Davlat dasturiga asoslanib O`zbekiston Respublikasi Oliy va o`rta maxsus ta’lim vazirligi 1996-yil 14-noyabrda O`zbekiston Respublikasining “Davlat tili haqida” (yangi tahrirda)gi Qonunini bajarish tadbirlari to`g`risida 267- sonli buyruq chiqardi. Unda o`quv yurtlarida xodimlar va talabalar uchun “Davlat tilida ish yuritish, hujjatchilik va atamashunoslik” kurslarini 1997-yildan e’tiboran doimiy ravishda tashkil etish qat’iy qilib qo`yildi. Shu yildan boshlab Davlat dasturi
25
hamda vazirlikning tegishli buyruqlari asosida oliy o`quv yurtlari talabalariga mazkur kursdan amaliy mashg`ulotlar o`tib kelinmoqda. O`zbekiston Respublikasi Vazirlar Mahkamasining qarori, Davlat dasturi, Oliy va o`rta maxsus ta’lim vazirligining buyrug`i asosida o`quv jarayoniga tatbiq etib kelinayotgan mazkur kurs “Davlat tili haqida”gi qonunning quyidagi moddalariga tayanadi: 7-modda. Davlat tili rasmiy amal qiladigan doiralarda o`zbek adabiy tilining amaldagi ilmiy qoidalari va normalariga rioya etiladi. Davlat o`zbek tilining boyitilishi va takomillashtirilishini ta’minlaydi, shu jumladan unga hamma e’tirof qilgan ilmiy-texnikaviy va ijtimoiy-siyosiy atamalarni joriy etish hisobiga ta’minlaydi. Yangi ilmiy asoslangan atamalar jamoatchilik muhokamasidan keyin va Oliy Majlis tegishli qo`mitasining roziligi bilan o`zbek tiliga joriy etiladi. 9-modda. Davlat hokimiyati va boshqaruv organlarida ish davlat tilida yuritiladi va zaruriyatga qarab boshqa tillarga tarjima qilinishi ta’minlanadi. 10-modda. Korxonalar, muassasalar, tashkilotlar va jamoat birlashmalarida ish yuritish, hisob-kitob, statistika va moliya hujjatlari davlat tilida yuritiladi, ishlovchilarning ko`pchiligi o`zbek tilini bilmaydigan jamoalarda davlat tili bilan bir qatorda boshqa tillarda ham amalga oshirilishi mumkin (1, 16-22-b.). Ma’lumki, eng kichik, quyi, boshlang`ich tashkilotlardan tortib, davlatning oliy organlarigacha hujjatlarga tayanib, ish yuritadi. Yaqin vaqtlargacha hujjatlar asosan rus tilida rasmiylashtirilar edi. O`zbek tilida esa ayrim hujjatlargina yuritilar, ular ham rus tilidagi hujjatlar andozasiga asoslangan bo`lib, milliylikdan yiroq edi. Endilikda respublikamizdagi barcha korxonalar, tashkilotlar, muassasalarda yuritiladigan hujjatlar o`zbek
tili qonun-qoidalariga mos ravishda rasmiylashtirilmoqda. Oliy o`quv yurtlarini bitirib chiqayotgan yosh mutaxassislar o`zlari ishga boradigan mehnat jamoalarida ish qog`ozlari, hujjatlarning mantiqiy to`g`ri yozilishi yoki to`g`ri to`ldirilishi, ishoraviy, imloviy, uslubiy xatolarsiz, davr talabiga javob beradigan tarzda rasmiylashtirilishiga yaqindan ko`maklashishlari lozim. Buning uchun esa bitiruvchi talabalarimiz nafaqat hujjatlar bo`yicha, balki yangi alifbo va imlo qoidalari bo`yicha ham yetarlicha tushunchaga ega bo`lishlari talab etiladi. TOPSHIRIQLAR 1. O`zbekiston Respublikasining “Davlat tili haqida”, “Lotin yozuviga asoslangan o`zbek alifbosini joriy etish to`g`risida”gi qonunlarini o`qing. 2. “Davlat tili haqida”gi qonunning moddalari va ularning hayotga tatbiq etilishi bo`yicha fikrlaringizni yozma bayon eting. 3. O`zingiz yashayotgan hudud, tahsil olayotgan o`quv yurtingizda ish yuritish qay holatda ekanligi to`g`risidagi fikrlaringizni yozma bayon eting.
ADABIYOTLAR 1. Абдумажидов £. “Ўзбекистон Республикасининг давлaт тили ҳақида”ги қонунига шарҳлар. – Тошкент: Адолат, 1999. 2. Аминов М., Мадвалиев А., Маҳкамов Н., Маҳмудов Н. Иш юритиш. Амалий қўлланма. – Тошкент: ЎзМЭ, 2000. 3. Исҳоқов М. Унутилган подшоликдан хатлар. – Тошкент: ФАН, 1992.
26
4. Васиқалар тўплами. XVI асрнинг иккинчи ярми Самарқанд областидаги юридик документлар. – Тошкент: ФАН, 1982. 5. Ўзбекистон Республикасининг Конституцияси. – Тошкент: Ўзбекистон, 1999. 6. Содиқов, Уйғур ёзуви тарихи. – Тошкент: Маънавият, 1997. Yüklə 1,01 Mb. Dostları ilə paylaş:
|