Фирузя мяммядли
Yüklə 3,91 Mb. Pdf görüntüsü
|
|
Firuzə Məmmədli
238 qız-gəlinin xəcalətini sümüyündə, iliyində duyursan. Duyur və hələ də nəyisə gözlədiyini görə-görə qovrulursan. Əsəri oxuyur və az qala yazıçını amansızlıqda günahlan- dırırsan. Günahlandırırsan ki, axı, Şeyda xalanın yeganə oğlunu niyə bu müsibətlə öldürür, günahlandırırsan ki, axı, o gözəllikdə qızların təhqir olunmasını necə rəva bilir, günahlandırırsan ki, ağbirçək Həcər nənəni niyə bu kökə salır, niyə hamiləliyini giz- ləyə-gizləyə körpəsini işıqlı dünyaya gətirmək arzusu ilə yanan Ceyranın başına bu boyda faciə gəlir? Lakin nə edəsən ki, bütün bunlar olmuşdu. Bütün bunların əsərdə real bədii boyalarla təs- viri Nüşabə xanımın istedadından, püxtələşmiş qələmindən və zəngin bədii təxəyyülündən xəbər verir. «Zəngulə» təkcə olmuşların fəryadını bu günə çatdırması, itirilmiş torpaqlarımızın qaytarılması uğrunda döyüş təbillərini səsləndirməsi ilə deyil, mənfur düşmənlərimizin heç vaxt çıxa- rılmayan tamah dişinə qarşı daim əldə silah hazır olmağa, içi- mizdə qoyun dərisinə girmiş canavar kimi adımızı, soyadımızı özəlləşdirib keyfi kök-damağı çağ yaşayan, müharibənin odu- alovu içərisində iki tərəfə işləyən anası erməni Qurgenlərə, oca- ğımızın başında gəlin olub, yarı erməni, yarı türk nəsil artıran və erməni qarışığı olduğunu heç vaxt unutmayan Gülbəndlərə qarşı ayıq-sayıqlığa çağırışı ilə də qiymətli bir əsərdir. Qarabağ mövzusunda yazılmış bədii əsərlər sırasında özü- nəməxsus yeri olan bu povestin əlamətdar cəhətlərindən biri də onunla bağlıdır ki, yazıçı hadisələrin təsvirində seyrçi deyil, iştirakçıdır. O, oxucunu hadisələrin əsiri edir. Əsirliklən qəribli- yə düşən, burada da talesizliyin əsiri olan gənc bir azərbaycanlı qızın iztirabları ilə yaşayan oxucu bədii əsər oxumur, bütöv bir müharibə keçir, bütöv bir müsibət yaşayır. Bu bizik, əziz oxucu. Bu bizim müsibətimizdir. Qarabağ – qara baxt deyil. Biz bunu sübut etməliyik! «Zəngulə», Bakı. 2004 |