Talaba imtihon nazorati qoidalarini buzgan hollarda, mazkur fandan imtihon balli bekor qilinishi haqida ogohlantiriladi.
Komissiya a’zosi imtihon boshlanishini e’lon qilgunga qadar imtihon varag‘ini ochish taqiqlanadi.
Talaba uyali yoki boshqa aloqa vositalari, gadjetlarni o‘chirib, komissiya a’zosi ko‘rsatmasiga binoan o‘zidan uzoqlikda saqlashi shart. Kitob, manuscript, daftar va boshqa ko‘maklashuvchi materiallardan foydalanish mumkin emas.
Talabalar bir-biri bilan gaplashishi, imtihon varaqlarini ko‘rsatishi, ko‘chirtirishi, boshqalarni chalg‘itishi man etiladi.
Oziq-ovqat va ichimliklarni auditoriyaga olib kirishi mumkin emas. Shifokor ko‘rsatmasiga binoan dori-darmon, kichik idishdagi suv bundan mustasno.
Auditoriyadan ruxsatsiz chiqish mumkin emas. Xususan, imtihonning birinchi va oxirgi 10 minutida auditoriyadan chiqish taqiqlanadi. Talaba imtihon varaqasini muddatidan oldin topshirib chiqib ketgan holatda qayta auditoriyaga qo‘yilmaydi.
Komissiya a’zosi imtihon tugashini e’lon qilganidan so‘ng talaba yozishni to‘xtatadi va imtihon varaqlari yig‘ilgunga qadar auditoriyani tark etmaydi.
ECTS kredit ta’lim tizimi asosida baholash tavsifi
Baho
Foiz
Shkala
А+
90-100
4.5
А
80-89
4
В+
75-79
3.5
В
70-74
3
C+
65-69
2.5
C
60-64
2
D
50-59
1
F
0-49
0
Izoh: talaba 0-49 oralig‘ida o‘zlashtirish ko‘rsatkichiga va bir fandan 5 dars (10 juftlik) qoldirsa, o‘qiyotgan semestrida mazkur fandan o‘zlashtirmagan (feyl) hisoblanadi. O‘zlashtirilmagan fanlarni qayta o‘zlashtirish uchun talaba o‘rnatilgan tartibda fan o‘qituvchisi tomonidan berilgan topshiriqlarni bajarishi zarur.
Akademik ishlar departamenti boshlig‘i: M. Najmiddinov
