G‘apporov M. Ingliz tili grammatikasi

go [gou] 1. v (went; gone) 1) bormoq
send [send] 1. v (sent) 1) jo‘natmoq.
FE’L TURLARI
1. Ma’nosiga va gapdagi vazifasiga ko‘ra fe’llar quyidagi turlarga
bo‘ linadi: asosiy fe’llar, yordamchi fe’llar, bog‘lovchi fe’llar va modal 
fe’llar.
2. Asosiy fe’llar (Notional Verbs) mustaqil ma’noga ega bo‘lib, gapda
yakka o‘zi sodda kesim bo‘lib keladi:
He speaks French.
U fransuzcha gapiradi.
They returned yesterday.
Ular kecha qaytib kelishdi.
3. Yordamchi fe’llar (Auxilliary Verbs) mustaqil ma’noga ega bo‘l-
masdan, fe’lning murakkab shakllarini yasashda yordam beradi. Ular-
ga quyidagi fe’llar kiradi: to be, to have, to do, shall (should), will 
(would):
She is working in the garden.
U bog‘da ishlayapti.
I have read the book.
Men kitobni o‘qib chiqdim.
I do not know it.
Men buni bilmayman.
He will speak to his friend.
U do‘sti bilan gaplashadi.
4. Bog‘lovchi fe’llar (Link Verbs) ot-kesim yasashda bog‘lovchi bo‘lib
keladi. Eng ko‘p ishlatiladigan bog‘lovchi fe’l to be fe’lidir:
He is an engineer.
U — muhandis.
The box was heavy.
Quti og‘ir edi.
5. Modal fe’llar (Modal Verbs) fe’lning asosiy shakli (infi nitive) bi-
lan birga keladi va asosiy fe’l ifodalagan ish-harakatning sodir bo‘lish im-
koniyatini, ehtimolligini, zaruratini, xohishni bildiradi. Ularga can, may, 
must, ought to, need kiradi. Modal fe’llar fe’lning asosiy shakli bilan gap-
da qo‘shma fe’l-kesim bo‘lib keladi:
www.ziyouz.com kutubxonasi

---

---

6
He can read German.

U nemischa o‘qiy oladi.
I must do it at once.
Men buni zudlik bilan qilishim
kerak.
You may come soon.
Siz tezda kelishingiz mumkin.
You ought to help him.
Siz unga yordam berishingiz kerak.
You needn’t go there.
Siz u yerga bormasangiz ham bo‘-
ladi.