G‘aznachilikda pul oqimlari ustidan kompleks monitoring qilish shahlo Shodmonkulova Olimjon qizi

MUHOKAMA 
Pul oqimlarini boshqarish - ishlab chiqish va amalga oshirish tamoyillari, usullari tizimi 
boshqaruv qarorlari mablag‘larni shakllantirish, taqsimlash va ulardan foydalanish hamda 
ularning aylanmasini tashkil etish bilan bog‘liq bo‘lib, korxonaning moliyaviy balansini va uning 
barqaror o‘sishini ta’minlashga qaratiladi. Korxonaning pul oqimini boshqarishning asosiy 
maqsadlari korxonaning bozor qiymatini oshirish va korxonaning doimiy moliyaviy balansini 
ta’minlashdan iborat bo‘ladi.
Yana naqd pul oqimi haqida ham eslab o‘tish lozim.

---

SCIENCE AND INNOVATION
INTERNATIONAL SCIENTIFIC JOURNAL VOLUME 1 ISSUE 5 
UIF-2022: 8.2 | ISSN: 2181-3337 
460 
G‘aznachilikning umumiy vazifasi biznesning likvidligini boshqarish deb qaralsa, bundan 
kelib chiqib, barcha joriy va prognoz qilinayotgan naqd pul tushumlari davlatda korxona va 
tashkilotlar faoliyatini moliyalashtirish uchun yetarli miqdorda naqd pul mavjudligini ta’minlash, 
shuningdek, ortiqcha pul mablag‘larining to‘g‘ri investitsiya qilinishini ta’minlash uchun nazorat 
qilinishi lozim.Yana naqd pulni boshqarish masalasiga ham e’tibor qaratilishi kerak. 
XULOSA 
Naqd pulni boshqarish nima? Naqd pul boshqaruvi, shuningdek, g‘aznachilik boshqaruvi 
sifatida ham tanilgan. Iqtisodiy tomonlama faoliyat yuritayotgan korxona yoki tashkilotning
operatsion, investitisiya va moliyaviy faoliyatidan pul oqimlarini yig‘ish hamda boshqarishni o‘z 
ichiga oluvchi jarayon deyilsa to‘g‘ri bo‘ladi. Iqtisodiyotda bu tashkilotning moliyaviy 
barqarorligining asosiy jihati deya e’tirof etiladi.
Naqd pul eng likvid aktiv sanalishi sir emas. Davrning hozirgi bosqichida naqd pul uzoq 
vaqt qolmaydi. Ammo ma’lum miqdorda ular doimiy ravishda aylanma mablag‘lar tarkibida 
mavjud bo‘lishi kerak. Aks holda, korxona yoki tashkilot to‘lovga layoqatsiz deb topiladi. Pul 
oqimlarini monitoring qilishning asosiy maqsadi pul oqimlarining taqchilligi (yoki ortiqchaligi) 
sabablarini vaqtida bilib, aniqlash va korxona, tashkilotning joriy likvidligi hamda to‘lov 
qobiliyatini nazorat qilish uchun ularning kelib tushish manbalari hamda sarflash yo‘nalishlarini 
aniqlash desa ham bo‘ladi. Uning to‘lov qobiliyati va likvidligi ko‘p holatlarda buxgalteriya 
hisoblarida aks ettirilgan naqd to‘lovlar oqimi ko‘rinishidagi real pul aylanmasiga ham bog‘liq 
bo‘ladi.