Glossariy tayanch iboralar psi-10

Sport mashqlari (trenirovkalar)– sport faoliyati samaradorligini oshirish masalalarini, sportchini mashqlantirish, uni umumiy va maxsus jihatdan (jismoniy, axloqiy, irodaviy va nazariy) tayyorgarligini ta’minlash, musobaqalar jarayonida zarur bo‘ladigan texnik va taktik muammolarni echish ko‘nikmalarini egallashga o‘rgatish;

Talant- maxsus qobiliyatlarning yuqori darajada rivojlanganligi.

Tarbiya- bola xulq atvori va shaxsiga maqsadli va uyushgan holda ta’sir ko‘rsatish usulidir.

To‘xtaluvchan (Tiqiluvchan) Shaxs- bu toifadagilar me’yorida hamsuhbat, pismiq, aql o‘rgatuvchi, kamgap. Mojaroviy holatlarda faol, tashabbuskor. Boshlagan ishida yuqori ko‘rsatkichlarga erishishga intiladi, o‘ziga nisbatan talabchan. Ijtimoiy adolatga hayrihoh, shuning bilan birga arazchi, qasoskor. Ba’zida haddan ziyod o‘ziga bino qo‘ygan, to‘g‘riso‘z, rashkchi. YAqinlariga va ishdagi qo‘l ostidagilarga nisbatan o‘ta talabchan.

Xarakter- Ijtimoiy muhitda shaxsning xulq-atvor uslubini aniqlaydi. Odamning ruhiy hayoti shakli va mazmuni unda namoyon bo‘ladi. Xarakter tizimidan irodaviy va ma’naviy sifatlar ajratiladi.

Sikloid Shaxs- bu toifa kayfiyatning tez-tez davriy o‘zgarishi, buning oqibatida ularning atrofdagi odamlar bilan bo‘lgan muloqotining ham o‘zgarib turishi bilan hususiyatlidir. Kayfiyati chog‘ bo‘lganda u yaxshi hamsuhbat, kayfiyati yomon paytda tundroq bo‘ladi.

Chavgon o‘yini– SHarqda qadimiy o‘yinlardan bo‘lib, o‘z ko‘rinishi va qoidalari jihatidan ko‘pkari va to‘pli hokkey o‘yinlariga o‘xshab ketadi. Har ikki tomondan 5-6 tadan maxsus suvoriylar qatnashib, chavgon to‘pini raqib darvozasiga kiritishga harakat qilingan.

Shaxs- odamning jamiyatda tarkib topuvchi, asosiy psixologik tuzilishga ega bo‘lgan ko‘rinishi.

Shaxsning “Men Konsepsiyasi”- insonning o‘zi haqidagi butun tasavvurlari yig‘indisi.

Ekzallashgan Shaxs- bu toifadagilar o‘ta kirishimli, so‘zamol, bunday odamlar tez-tez bahslashadilar, lekin ish ochiq mojarolarga etib bormaydi. Mojaroli holatlarda ular bir paytning o‘zida ham faol, ham sustkash. SHu bilan birgalikda do‘stlari va yaqinlariga bog‘langan va g‘amxo‘r. Ularda achinish hissi yuqori, yaxshi didli, hissiyotlari yorqin va samimiy. Salbiy tomonlari - vahimachi, bir onlik kayfiyatlarga yon bosuvchi.