2.2. Informatika fanini o’qitishda axborot-kommunikatsiya texnologiyalariga
nisbatan kompetentligini rivojlantirish
Bugungi kunda hukumatimiz tomonidan intellektual salohiyatga ega, ilm-
fanning zamonaviy yutuqlari asosida mustaqil fikr va mushohada yurita oladigan,
mustaqil ravishda zaruriy axborotlarni izlab topadigan va ulardan tahlil asosida
zaruriylarini ajratib oladigan, barcha bilan muloqatga kirisha oladigan, ta’lim
muassacasida olgan bilimlarini hayotiy ehtiyojlarida qo’llay oladigan yoshlarni
tarbiyalab kamol topishlarida katta e’tibor qaratgan. Buning uchun esa
o’quvchilarimizni boshlang’ich sinflardan boshlab bunga tayyorlab borish kerak.
Ya’ni, boshlang’ich fanlar bo’yicha chuqur bilim berish, chet tillarini puxta
o’rgatish va axborot texnologiyalari bo’yicha kerakli zarur malakalarni
shakllantirib borish lozim.
Ma’lumki, hozirgi kunda axborotlar olamida yashayapmiz. O’qishda ham,
ishda ham, kundalik faoliyatda ham kompyuter texnika vositalariga duch kelamiz
va bularsiz bugungi kunimizni tasavvur ham qila olmaymiz. Shunday ekan
o’quvchilarimizga informatika fanidan chuqur bilim berish, kompyuter va uning
boshqa texnik vositalaridan to’g’ri va oqilona foydalanishga o’rgatish kerak.
O’quvchilar esa zaruriy axborotga ega bo’lish, ularni izlab topish, undan
keraklisini ajratib olish va foydalanishni o’rganishi kerak. Shu bilan birgalikda
o’rganilgan bilim, ko’nikma va malakalaridan kundalik hayotlarida uchraydigan
muammolarni hal etishda foydalana olishlari uchun shakllantirilishi zarur. Shunga
ko’ra, bu vazifalarni ta’lim muassasida o’quvchilarni o’quv predmetlarini
o’rganish jarayonida zaruriy bilim, ko’nikma va malakalarga ega qilish bilan
42
birgalikda ularni hayotiy ehtiyojlarida qo’llay oladigan holda tayyorlash kerak.
Buning uchun kompetentlik yondoshuvga asoslangan holda o’qitish kerak.
Kompetentsiyaviy yondashuvga asoslangan ta’lim – o’quvchilarda
egallangan bilim, ko’nikma va malakalarini o’z shaxsiy, kasbiy va ijtimoiy
faoliyatlarida amaliy qo’llay olish kompetentsiyalarini shakllantirishga
yo’naltirilgan ta’limdir.
Tayanch kompetentsiyalar:
- Kommunikativ kompetentsiya;
- Axborot bilan ishlash kompetentsiyasi;
- Shaxs sifatida o’z-o’zini rivojlantirish kompetentsiyasi;
- Ijtimoiy faol fuqarolik kompetentsiyasi;
- Umummadaniy kompetentsiyalar;
- Matematik savodxonlik, fan va texnika yangiliklaridan xabardor bo’lish
hamda foydalanish kompetentsiyasi.
Informatika fanidan umumiy o’rta ta’lim maktablarida shakllantiriladigan
tayanch kompetentsiyalarni amaliyotga joriy etilishini 7-sinflarda “Internetda
ma’lumotlarni izlash” mavzusi misolida ko’rib chiqamiz [5].
Kommunikativ kompetentsiyasi.
- Internet bo’yicha o’rgangan bilimlarini og’zaki va yozma tarzda aniq va
tushunarli bayon qila olish, mavzudan kelib chiqib savollarni mantiqan to’g’ri
qo’ya olish va javob berish;
- sinfda o’zaro muloqotda muomala madaniyatiga amal qilish, jamoaviy
hamkorlikda ishlay olish;
-muloqotda suhbatdosh fikrini hurmat qilgan holda o’z pozitsiyasini himoya
qila bilish, uni ishontira bilish;
-turli ziddiyatli vaziyatlarda o’z ehtiroslarini boshqarish, boshqa
o’quvchilarga nisbatan hurmat, muammo va kelishmovchiliklarni hal etishda zarur
(konstruktiv) bo’lgan qarorlarni qabul qila olish.
Topshiriq: Internetda ma’lumotlarni izlashning qanday usullarini bilasiz va
sanab bering.
43
Kompetentsiyani tatbiq qilish usullari Kommunikativ kompetentsiyada
guruhlarga bo’lib o’quvchilarda internet bo’yicha tushunchalarini rivojlantirish va
undan to’g’ri foydalanishni o’rgatish mumkin. Guruh bo’lib ishlaganda
o’quvchilarda mustaqil muloqot va o’zaro fikr almashish vujudga keladi.
Axborot bilan ishlash kompetentsiyasi.
Internet bo’yicha ma’lumotlarni mavjud axborot manbalaridan (internet,
televizor, radio (audio-video yozuv), telefon, kompyuter, elektron pochta va
boshq.) topa olish va foydalana olish.
Topshiriq: Elektron pochta bo’yicha axborot toping.
Kompetentsiyani tatbiq qilish usullari. Axborot bilan ishlash
kompetentsiyasi bolalarni, mustaqil o’zi axborot to’plash, izlanish, kuzatish va
yangi darsga tayyorlanib kelashga o’rgatadi. Buning uchun yangi mavzu bo’yicha
oldindan o’quvchilarga tayanch iboralar yoki mavzu yuzasidan savolnomalar
beriladi. O’quvchilar ko’proq mustaqil muloqotda bo’lib, yangi darsga
tayyorlanadilar.
Shaxs sifatida o’z-o’zini rivojlantirish kompetentsiyasi:
- Internetga oid ma’lumotlar bilan shaxs sifatida o’zini aqliy rivojlantirish
va intellektual kamolotga intilish;
- o’z ustida mustaqil ravishda muntazam ishlay olish;
-o’zini nazorat qila bilish, halollik, to’g’rilik, zaruriy axborotga ega bo’lish,
ularni izlab topish, undan keraklisini ajratib olish kabi sifatlarga ega bo’lish;
-o’qib-o’rganganlari va hayot tajribasidan foydalangan holda kundalik
turmushda uchraydigan muammolarni hal eta olish.
Topshiriq: “Men sevgan kasb” mavzusi bo’yicha ma’lumotlarni izlang.
Kompetentsiyani tatbiq qilish usullari.
- Mening sevgan kasbimga qiziqishim ortdi;
- Mening sevgan kasbim bo’yicha Shaxs sifatida doimiy ravishda o’z-o’zini
rivojlantirish, o’qib-o’rganish, mustaqil ravishda izlanish, o’z hatti-harakatini
baholash, o’zini nazorat qila bilish, zaruriy axborotga ega bo’lish, ularni izlab
topish, undan keraklisini ajratib olish, o’qib-o’rganganlari va hayot tajribasidan
44
foydalangan holda kundalik turmushda uchraydigan muammolarni hal eta olish
sifatlarini shakllantirishga qaratilgan interfaol usullarni qo’llash.
Ijtimoiy faol fuqarolik kompetentsiyasi.
Internetni jamiyatda muhim ahamiyatga ega ekanligini tushunish va uni
bo’layotgan voqea, hodisa va jarayonlarga daxldorligini his etish.
Topshiriq: Internetdan bola huquqlari konventsiyasi bo’yicha ma’lumot
toping.
Kompetentsiyani tatbiq qilish usullari.
Ijtimoiy faol fuqarolik kompetentsiyasi asosan o’quvchilarda yozma ishlarni
echish, test savollarining echimini topish, og’zaki savollarga javob berish, o’z
xuquqlarini bilish, kundalik hayotida uchraydigan holatlarda muloqot qilish, o’z
fikrini bildirish, o’z bilimini bayon eta olishi faolligini oshirishga qaratilgan
didaktik o’yinlar texnologiyalari.
Umummadaniy kompetentsiyasi.
Internetning umuminsoniy va milliy qadriyatlarimizga ta’sirini bilish.
Topshiriq: Internetdan milliy bayramlarimiz bo’yicha ma’lumot toping.
Kompetentsiyani tatbiq qilish usullari.
Jamoada va kichik guruhlarda ishlab, informatik terminlarni to’g’ri talaffus
qilishni, AKT izohli lug’at bilan ishlashni, milliy qadryatlarimiz, milliy ertaklar va
hikoyatlardan foydalanishni o’rgatadi.
Matematik savodxonlik, fan va texnika yangiliklaridan xabardor bo’lish
hamda foydalanish kompetentsiyasi:
- Internetdaga axborotlarga asoslangan holda shaxsiy, oilaviy, rejalarini tuza
olish;
- kundalik faoliyatda kerak va zarur bo’lgan axborotlarni tez va arzon o’qiy
olish va ulardan foydalanish.
Topshiriq: Internetdan bugungi kun Ob-havosi to’g’risida ma’lumot oling.
Kompetentsiyani tatbiq qilish usullari.
O’quvchining hayot tarzida uni qurshab turgan voqea – hodisalarni
o’rganish, uzoqni ko’ra olish, mavjud axborotlarni hayotga tatbiq eta olish va
45
ulardan to’g’ri foydalanish, qisqa muddatda xayotiy masalalarni echimini topa
olishga o’rgatish. Jamiyatda o’z o’rnini topishda, ongli qaror qabul qilish,
matematik savodxonlik, yangi texnika yangiliklaridan xabardorligi, kompyuterda
ishlay olish, og’zaki va yozma javob berish tafakkurini rivojlantirishga qaratilgan
usul.
Ta’limni axborotlashtirish jarayoniga ham 20 yildan ortiq vaqt o’tdi. Ushbu
davr ichida ta’lim jarayoniga axborot-kommunikatsiya texnologiyalarini joriy
etish bo’yicha juda ko’plab ijobiy ishlar amalga oshirildi – ta’lim muassasalari
zamonaviy kompyuter sinflari bilan jihozlandi, barcha fanlardan elektron o’quv
resurslari yaratildi va fanlarni o’qitishda ulardan samarali foydalanib kelinmoqda.
Lekin, bugungi kunda ijtimoiy, iqtisodiy, siyosiy, madaniy va ekologik
sohalarda jiddiy o’zgarishlarga sababchi bo’lgan globallashuv jarayoni hamda
ilmiy-texnik, ayniqsa kommunikatsiya sohasidagi texnologik taraqqiyot jarayoni
mutaxassislarning tayyorgarligiga jiddiy talablar qo’ymoqda. Butun dunyo
hamjamiyati tan olmoqdaki, XXI asrning bunday chaqiruvlariga javob sifatida
bilim – eng bebaho resurs sifatida – iqtisodiy va ijtimoiy taraqqiyotning
haraktlantiruvchi kuchi sifatida namoyon bo’ladi. Shuning bilan birga, bilimlarni
yaratish, uzatish va ularga ega bo’lish tez suratlarda amalga oshayotgan bir davrda
ularni eslab qolish imkoniyati mavjud emas hamda bunga ehtiyoj ham yo’q.
Buning o’rniga ushbu bilimlarni yig’ish, tanlash, qayta ishlash, uzatish va
amaliyotda qo’llashning vosita va usullariga ega bo’lish muhimroqdir.
Bilimlarini kompetentsiyalarga transformatsiya qilish orqali insonlar nafaqat
iqtisodiy va texnologik taraqqiyotga o’z hissalarini qo’shadilar, balki shaxsiy
muvaffaqiyat va farovonlikka erishadilar. Bunday kompetentsiyalarni belgilash
orqali yoshlarimizni kelajak xayotga qay darajada tayyorlik darajasini baholash
mumkin.
Yoshlarimiz kelajakda muvaffaqiyatli xayot kechirishlari, jamiyatda o’z
o’rnini topishlari hamda ijtimoiy va iqtisodiy jarayonlarga integratsiyalashuvi
uchun qanday kompetentsiyalarga ega bo’lishlari kerak, degan savol butun dunyo
ta’lim hamjamiyati oldida turgan dolzarb mavzuga aylangan.
46
Shu sabab informatika fanidan Davlat ta’lim standartlarni yangilash, o’quv
dasturlarni takomillashtirish – informatika faniga oid kompetentlilikni
(AKT-kompetentlilikni) kiritishni taqozo etadi.
Kompetentsiya – ko’zlangan natijalarga erishish uchun bilim, ko’nikma va
malakalarni qo’llay olish qobiliyatini namoyish eta olishni bildiradi.
Ta’limiy kompetentsiyalar ikki guruhdan iborat: tayanch (umumiy) va
maxsus (fanga oid) kompetentsiyalar.
Tayanch kompetentsiyalar:
1. Kommunikativ kompetentsiya
− jamiyatda o’zaro muloqotga kirishish uchun ona tili va birorta xorijiy tilni
mukammal o’zlashtirish hamda muloqotda samarali foydalana olish;
− o’z fikrini og’zaki va yozma tarzda aniq va tushunarli bayon qila olish,
mavzudan kelib chiqib savollarni mantiqan to’g’ri qo’ya olish va javob berish;
− ijtimoiy moslashuvchanlik, o’zaro muloqotda muomala madaniyatiga amal
qilish, jamoaviy hamkorlikda ishlay olish;
− muloqotda suhbatdosh fikrini hurmat qilgan holda o’z pozitsiyasini himoya qila
bilish, uni ishontira bilish;
− turli ziddiyatli vaziyatlarda o’z ehtiroslarini boshqarish, muammo va
kelishmovchiliklarni hal etishda zarur (konstruktiv) bo’lgan qarorlarni qabul
qila olish;
2. Axborot bilan ishlash kompetentsiyasi
− mavjud axborot manbalaridan (internet, televizor, radio (audio-video yozuv),
telefon, kompyuter, elektron pochta va boshq.)
foydalana olish;
− media vositalardan zarur bo’lgan axborotlarni izlab topa olish, saralash, qayta
ishlash, uzatish, saqlash, xavfsizligini ta’minlash va foydalanishda media-
madaniyatga rioya qilish;
− ma’lumotlar bazasini yarata olish, asosiylarini tanlay olish va ularni tahlil qila
bilish;
47
− kundalik faoliyatda uchraydigan hujjatlar bilan ishlay olish (oddiy
tabriknomalar yoza olish, anketalarni to’ldirish, mehmonxona ro’yxatida o’zi
to’g’risidagi ma’lumotlarni qayd eta olishi va boshq.)
3. Shaxs sifatida o’z-o’zini rivojlantirish kompetentsiyasi
− shaxs sifatida doimiy ravishda o’z-o’zini rivojlantirish, jismoniy, ma’naviy,
ruhiy va intellektual kamolotga intilish;
− hayot davomida o’qib-o’rganish, bilim, tajribani mustaqil ravishda muntazam
oshirib borish;
− o’z hatti-harakatini adekvat baholash, o’zini nazorat qila bilish, halollik,
to’g’rilik kabi sifatlarga ega bo’lish;
− o’qib-o’rganganlari va hayot tajribasidan foydalangan holda kundalik
turmushda uchraydigan muammolarni hal eta olish.
4. Ijtimoiy faol fuqarolik kompetentsiyasi
− jamiyatda bo’layotgan voqea, hodisa va jarayonlarga daxldorlikni his etish va
faol ishtirok etish;
− o’zining fuqarolik burch va huquqlarini bilishi, unga rioya qilish (ya’ni xaridor,
saylovchi, mijoz, ishlab chiqaruvchi sifatida faoliyat yurita olish);
− mehnat va fuqarolik munosabatlarida muomala, iqtisodiy, huquqiy
madaniyatga ega bo’lish;
− kasbiy mavqeining o’sishiga intilish bilan jamiyat va oilasi manfaatlari uchun
xizmat qilish, yordamga muhtojlarga saxovatli bo’lish.
5. Umummadaniy kompetentsiyalar
− Vatanga sadoqatli, insonlarga mehr-oqibatli hamda umuminsoniy va milliy
qadriyatlarga e’tiqodli bo’lish;
− badiiy va san’at asarlarini tushunish, ta’sirlana olish;
− orasta kiyinish, yurish-turishda madaniy me’yorlarga va sog’lom turmush
tarziga amal qilish,
48
− umumbashariy ahamiyatga ega bo’lgan qadriyatlarni (urf odatlar, marosimlar,
milliy-madaniy an’analar va.h.k.) bilish, unga hurmat bilan munosabatda
bo’lish;
− o’zgalarga nisbatan mehr-muruvvat, saxiylik, o’zgalarning dunyoqarashi, diniy
e’tiqodi, milliy va etnik hususiyatlari, an’ana va marosimlarini hurmat qilish;
− xalqining tarixiy, ma’naviy va madaniy merosini avaylab asrash, jamiyatda
o’rnatilgan odob-axloq qoidalariga rioya qilish.
6.
Matematik savodxonlik, fan va texnika yangiliklaridan xabardor
bo’lish hamda foydalanish kompetentsiyasi
- aniq hisob-kitoblarga asoslangan holda shaxsiy, oilaviy, kasbiy va iktisodiy
rejalarini tuza olish;
- shaxsiy, ijtimoiy va iqtisodiy munosabatlarda xisob-kitob bilan ish yuritish;
- kundalik faoliyatda turli formula, model, chizma, grafik va diagrammalarni
o’qiy olish va foydalanish;
- inson mehnatini engillashtiradigan, mehnat unumdorligini oshiradigan va
qulay shart-sharoitga olib keladigan fan va texnika yangiliklaridan xabardor
bo’lish hamda foydalana olish.
AKT-kompetentlilik insonlar uchun muhim kompetentsiya hisoblanib, u –
kompyuter, telekommunikatsiya vositalari va Internet imkoniyatlaridan
foydalangan holda turli muammo va masalalarni hal etishda namoyon bo’ladi.
AKT-kompetentlilik – o’quvchilarning axborotli jamiyatda o’z o’rnini
munosib egallash va muvaffaqiyatli mehnat faoliyati bilan shug’ullanishlari uchun
axborotga ega bo’lish, uni izlash, qayta ishlash, baholash, yaratish va uzatishni
amalga oshirishda axborot-kommunikatsiya texnologiyalaridan samarali foydalana
olish qobiliyati va layoqati.
O’quvchilarda AKT-kompetentlilikni shakllantirish va rivojlantirish –
informatika faniga oid kompetentsiyalarni hamda foydalanuvchilik
kompetentsiyalarni, ya’ni hamkorlik qilish va muloqotni amalga oshirish,
bilimlarni mustaqil ravishda egallashni va ularni AKTdan foydalangan holda
amaliyotda qo’llashni shakllantirish va rivojlantirishni o’z ichiga oladi.
49
Maxsus kompetentsiyalar (fanga oid kompetentsiyalar):
1. Axborotlarni elektron vositalarda yig’ish kompetentsiyasi – Informatika
asos materiali (axborot olish, saralash) haqida va axborot turlari (uzlukli va
uzluksiz) bilish. Axborot manbalarini bilish, axborotlarni saralash, axborotni
tasvirlash, axborotni kodlash, axborotli model, axborotni qayta ishlash vositalari,
ta’limiy axborot resurslar, Internet, Internetdan ma’lumotlarni olish usullari.
Axborot bilan ishlashda odob-axloq normalari, multimedia texnologiyalari, hujjat
yaratish, elektron pochta orqali muloqat qila olish va viruslardan axborotni himoya
eta olish layoqatini hosil qilish.
(Masalan: Farobiy haqida ma’lumot izlanganda darslik va boshqa bosma
adabiyotlardagi ma’lumotlarni skanerlash yordamida kompyuter xotirasiga
o’tkazish, Ziyonet portali yoki boshqa axborot tarmog’idan olingan ma’lumotlarni
kompyuter xotirasida saqlash, ma’lumotlarni olingan axborot resursiga yoki
mazmuninig boyligiga yoki tayyorlangan dasturiy ta’minotga yoki qayta ishlash
uchun zarur bo’lgan dasturiy ta’minotga mos ravishda turli papkalarga saralab
o’tkazish.)
7-sinf. “Elektron pochta” mavzusi
Amaliy mashg’ulot: do’stlaringizning pochta manziliga “Mening Vatanim” nomli
xabarni jo’nating.
Buning uchun:
1. “Mening Vatanim” xabarini tayyorlash (turli axborot manbalaridan, Internet
resurslaridan biror usulda axborot yig’iladi, olingan axborot saralanadi, rasmlar,
fotosuratlar orqali tasvirlanadi)
2. Xosil qilingan axborot qayta ishlanib, hujjat yaratiladi
3. Do’stlarining elektron pochta manzillari aniqlanadi.
4. Tayyorlangan “Mening Vatanim” haqidagi ma’lumot aniqlangan elektron
pochta orqali yuboriladi.
Yuqorida berilgan 7-sinf “Elektron pochta” mavzusidagi amaliy ish orqali
o’quvchilarda elektron vositalar orqali axborotlarni yig’ish, axborotlarni elektron
50
vositalarda qayta ishlash, axborotlarni elektron vositalarda uzatish
kompetentsiyalari bilan bir qatorda tayanch kompetentsiyalar, xususan,
kommunikativ kompetentsiya, umummadaniy kompetentsiya, shaxs sifatida o’z-
o’zini rivojlantirish kompetentsiyalari shakllantiriladi. Shuningdek, o’quvchilarda
ona tili fanida shakllantirilishi lozim bo’lgan lingvistik, sotsiolingvistik, pragmatik
kompetentsiyalari hamda Tasviriy san’at asarlariga oid kompetentsiyalari
shakllantiriladi.
2. Axborotlarni elektron vositalar orqali qayta ishlash kompetentsiyasi- Matnli
axborotni tahrirlash (formatlash, grafik elementlarni yasash, jadvallar hosil qilish,
formulalar kiritish) grafik axborotni tahrirlash (grafik fayllarda matn kiritish va
uni formatlash, grafik shakllarni o’zgartirish, ranglar bilan ishlash, animatsiya
stsenariylarini yoza olish, fayllarni arxivlash (rar, zip arxivatorlarni ishlata olish)
va h.k. layoqatini hosil qilish.
(Masalan: Farobiy haqida olingan axborotlarni yoki qismlarini taqdimot
uchun grafik muharrirlar, matn muharrirlari va protsessorlari, jadval
protsessorlari, multimedia dasturlari va taqdimot dasturlari, animatsiya
tayyorlash, veb-tarmoqqa joylashtirish, axborot hajmini kichraytirish uchun qayta
ishlash dasturlarining turli imkoniyatlarini qo’llash.)
9-sinf. “Diagramma va grafiklarni hosil qilish va tahrirlash” mavzusi
Amaliy mashg’ulot:
1-mashq. Iqtisod fanidan olgan ma’lumotlaringiz asosida 5 hil mahsulot
sotishdagi umumiy qiymatga nisbatan daromadni aks ettiruvchi diagramma xosil
qiling. Tayyor diagrammaning ko’rkam va mazmunli bo’lishi uchun tahrirlang
va formatlang.
2-mashq. Respublikamizda etishtirilgan qishloq xo’jalik maxsulotlarini (paxta,
bug’doy) viloyatlar kesimidagi ulushini ko’rsatuvchi diagramma xosil qiling.
Ushbu amaliy mashg’ulot orqali o’quvchilarda axborotlarni elektron
vositalarda qayta ishlash kompetentsiyasi, shuningdek, kommunikativ
kompetentsiya, ijtimoiy faol fuqarolik, umummadaniy kompetentsiyalar
51
shakllantiriladi. Shu bilan bir qatorda matematik xisoblashlarni bajarish orqali
matematika fanida shakllantirilishi lozim bo’lgan matematik savodxonlik,
matematik bilimlarni amaliyotda qo’llash, iqtisodiy bilim asoslari fani bo’yicha
iqtisodiy bilimlarni amaliyotda qo’llash kompetentsiyasi kabi fanlararo
kompetentsiyalar shakllantirilib boriladi.
3. Axborotlarni elektron vositalar orqali uzatish kompetentsiyasi -
Texnologiyalar orqali axborotlarni uzata olish, axborot havsizligini ta’minlay
olish, Elektron pochta bilan ishlay olish, faksda axborot uzata olish, video
konfrentsiya orqali axborot uzata olish, huquqiy va ahloqiy me’yorlarni bilish,
mualliflik huquqlarini bilish, erkin foydalaniladigan dasturlar, tijorat dasturlari,
dasturlar litsenziyalarini farqlash va h.k. layoqatini hosil qilish.
(Masalan: Farobiy haqida olingan axborotlarni yoki qismlarini videoproektor
orqali ekranga, faks-modem yoki Internet tarmog’i orqali boshqa qabul qilish
vositasiga uzata olish, bunda elektron pochta, faks, video-koferentsiya o’tkazish
dasturlari imkoniyatlaridan foydalana olish hamda bu jarayonda huquqiy va
ahloqiy me’yorlarni bilish, dastur va ma’lumotlarga xos mualliflik huquqlarini
bilish.)
7-sinf. “Axborotlarni ximoyalash va antivirus dasturlar haqida” mavzusi
1-amaliy mashq. Jadvalga mantiqan mosini toping
Internet axborot “o’g’irlarinini”
engillashtirish maqsadida yaratildi
Kompyuterlar inson ish faoliyatini
yangi pog’onaga ko’tardi
Kompyuter viruslari ularni o’chirib
yuborishi yoki
yangi kutilmagan muammoga duch
kelib qoldi
Adliya, kriminalistika, milliy
xavfsizlik soha mutaxassislari
tarmoq orqali kirishni cheklovchi va
nazorat qiluvchi texnik va dasturiy
vositalardan foydalanish, internet orqali
faqat ishonchli manbalardan axborot
52
olish, axborotlarni uzati va qabul qilishda
kriptografiya usullaridan foydalanish,
nazoratchi va davolovchi dasturlardan
foydalanish
Axborot xavfsizligi va “elektron
jinoyatchi”lardan himoyalanishni
ta’minlovchi chora-tadbirlar
Foydalanib bo’lmaydigan darajada
o’zgartirib yuborishga qodir
Berilgan amaliy mashg’ulot orqali o’quvchilarda axborotlarni elektron
vositalarda uzatish kompetentsiyasi, bundan tashqari kommunikativ
kompetentsiya, axborotlarni yig’ish kompetentsiyasi, shuningdek xuquq faniga oid
bo’lgan huquqiy madaniyatga ega bo’lish kompetentsiyalari shakllantiriladi.
4. Informatik bilimlarni amaliyotda qo’llash kompetentsiyasi- Kompyuterni
elektr manbaiga to’g’ri ulash va o’chirish. Axborot va u bilan bajariladigan
jarayonlarni (axborot yig’ish, qayta ishlash, uzatishda axborot vositalaridan
foydalana olish, kompyuterni qurilmalarini ishlata olish, matn muharriri va grafik
muharririda xujjat tayyorlash. Boshqarish dasturini ishga tushurish, axborotlarni
kompyuterda tasvirlash, kodlashga oid masalalarni echishni bilish. Sanoq
sistemasida amalda bajara olish. Elektron jadvalda masalalarni bajara olish.
Taqdimot slaydlarni tayyorlash. Algoritm tuzish, dasturlash tilidan birida
masalaga dastur tuza olish bo’yicha olgan bilim va ko’nikmalarini kundalik
turmushda va texnikada qo’llash oid o’quvchida o’rganilgan bilim va
ko’nikmalarni kundalik amaliy hayotda qo’llay olish layoqatini hosil qilish.
(Masalan: Uyda, davlat yoki boshqa tashkilotlarda faoliyat yuritganda kompyuter
va axborot texnologiyalari vositalaridan to’g’ri foydalana bilish, uy qurish, uyni
qayta ta’mirlash, uyni jihozlash va shu kabi loyihalar tayorlashda grafik
muharrirlar va matn protsessorlari, sarf-xarajatni hisoblashda jadval
protsessorlari, loyihalarni investorlar oldida namoyish etish uchun taqdimot va
veb-texnologiya dasturlari imkoniyatlaridan foydalana olish. Bu jarayonlarda
axborotlarni turli xavflardan himoyalash uchun kodlashning turli usullaridan
53
foydalana olish, kompyuter imkoniyatlarini qo’llash uchun ikkilik va boshqa
sanoq sistemalari imkoniyatidan foydalana olish, ma’lumotlarni turli usullarda
kodlash va maxsus usullarda saqlash uchun dasturlashdan foydalana olish.)
8-sinf. Power Point dasturi yordamida taqdimot yaratish
Amaliy mashq. “Xotira va qadrlash kuni”ga bag’ishlangan taqdimot
yarating.
1. Kompyuterdan foydalanish
2. Taqdimot tayyorlash (matn, grafik axborot, elektron jadvallar, diagramma,
chizmalardan foydalanib)
Tayyorlangan taqdimotni sinfda namoyish qilib berish.
Yuqorida berilgan 8-sinf “Power Point dasturi yordamida taqdimot yaratish”
mavzusidagi amaliy ish orqali o’quvchilarda elektron vositalar orqali axborotlarni
yig’ish, axborotlarni elektron vositalarda qayta ishlash, axborotlarni elektron
vositalarda uzatish, informatik bilimlarni amaliyotda qo’llash kompetentsiyalari
bilan bir qatorda tayanch kompetentsiyalar, xususan, kommunikativ
kompetentsiya, umummadaniy kompetentsiya, shaxs sifatida o’z-o’zini
rivojlantirish kompetentsiyalari shakllantiriladi. Shuningdek, o’quvchilarda ona
tili fanida shakllantirilishi lozim bo’lgan lingvistik, sotsiolingvistik, pragmatik
kompetentsiyalari shakllantiriladi.
Bizning ta’lim tizimimizda kompetentlilik yondoshuvi asosida informatika
fanining mazmuni qayta ko’rib chiqilib, DTS va o’quv dasturlari yangitdan
yaratilgan ekan, uning kelajakda uzluksiz ta’lim jarayoniga muvaffaqiyatli joriy
etilishining asosiy omili – rejalashtirilgan tajriba-sinov jarayonining
muvaffaqiyatli tashkil etilishi va amalga oshirilishidir. Buning uchun
tajriba-sinovni amalga oshirayotgan o’qituvchi hamda viloyat va tuman fan
metodistlari kompetentlilik ta’lim yondoshuvi kontseptsiyasini (mohiyatini)
yaxshi bilishlari lozim.
9-sinf. Microsoft Office Exsel dasturida ma’lumotlarni saralash
Amaliy mashq. “Nazorat ish natijasini ball bo’yicha tartiblash”.
54
1) Quyidagi jadvalni Microsoft Office Exsel dasturida tayyorlang ,
“Bloklar bo’yicha to’plagan eng yuqori bali” ustuniga tegishli funktsiya
yordamida 3 ta ustundagi raqamlarning eng yuqorisini chiqaring, diagrammasini
lo’rsating:
№
FIO
1-blok
bali
2-blok
bali
3-blok
bali
Bloklar bo’yicha
to’plagan eng
yuqori bali
1 Chamanov
85
70
75
2 Gulmanov
70
60
80
3 Bo’ston
o’g’li
60
80
70
4 Maqsadov
65
90
80
5 Ko’klamova
55
65
75
Yuqorida berilgan 9-sinf “Microsoft Office Exsel dasturida ma’lumotlarni
saralash” mavzusidagi amaliy ish orqali o’quvchilarda elektron vositalar orqali
axborotlarni yig’ish, axborotlarni elektron vositalarda qayta ishlash va Microsoft
Office Exsel dasturida: shriftlarni va matnlarni formatlash parametrlarini qo’llash;
Ma’lumotlarni saralash; Ma’lumotlarni filtrlash. Berilgan qiymatlar asosida turli
hil grafikG’diagrammalar hosil qilish; GrafikG’diagrammalarga sarlavhalar
qo’yish; GrafikG’diagrammalarni formatlash (ranglarni qo’llash); Diagramma
turlarini o’zgartirish; Grafik/diagrammalar o’lchamlarini o’zgartirish axborotlarni
elektron vositalarda uzatish, informatik bilimlarni amaliyotda qo’llash
kompetentsiyalari bilan bir qatorda tayanch kompetentsiyalar, xususan,
kommunikativ kompetentsiya, umummadaniy kompetentsiya, shaxs sifatida o’z-
o’zini rivojlantirish kompetentsiyalari shakllantiriladi. Shuningdek, o’quvchilarda
ona tili fanida shakllantirilishi lozim bo’lgan lingvistik, sotsiolingvistik, pragmatik
kompetentsiyalar bilan birga iqtisodiy bilim asaoslari faniga oid kompetentsiyalar
shakllantiriladi.
55
Informatika fanida o’quvchilarda kompetentsiyalarni shakllantirish usullari
Informatika fanidan belgilab chiqilgan kompetentsiyalarni o’quvchilarda
shakllantira olish, uni aniqlash, qaysi pedagogik texnologiyalar asosida
o’quvchilarga etkazilishi va amalga oshirilishini ta’minlash uchun tajriba-sinov
jarayonida eksperimentator o’qituvchilar quyidagilarga e’tiborni qaratishi lozim:
1. Informatika fani bo’yicha egallagan bilim, ko’nikma va malakalarini
kundalik hayotida duch keladigan amaliy va nazariy masalalarni echishda
foydalanish va amaliyotda qo’llay olish qobiliyatini hisobga olishi zarur.
Masalan:
− 7-sinf Informatika darsida “Axborot va bilish” mavzusini yoritib berishda
bevosita o’quvchi o’quv jarayonida fanlardan olayotgan axborotni o’zgarishi
(fanlardagi har bir mavzudan keyin yangi tushunchalar miqdorining oshib borishi
va bilimlarni kundalik xayotida foydalanish)ni kuzatib borish natijasida “tabiiy
jarayon va hodisalarni kuzatish, tushuntirish, amaliy mashg’ulotlar o’tkazish va
nazariy bilimlarni mustahkamlash va axborotga oid bilimlarni amaliyotda
qo’llash” kompetentsiyalari shakllantiriladi.
2. Informatika fanining o’qitilishida taklif etilayotgan kompetentsiyalarni
o’quvchiga etkazishda zamonaviy pedagogik texnologiyalar yoki ularning
elementlarini tanlashda shu mavzularni o’quvchi oson va to’liq hamda kundalik
hayotiga bog’lagan holatda tushunib etishini inobatga olish zarur. Masalan:
− Yuqoridagi mavzuni o’tishda “Aqliy xujum”, “Muammo qo’yish”,
“Tushunchalar tahlili”, axborot kommunikatsiya texnologiyalaridan foydalanilgan
holda “axborot jarayoni va hodisalarni kuzatish, tushuntirish, va nazariy
bilimlarni mustahkamlash va axborotga oid bilimlarni amaliyotda qo’llash”
kompetentsiyalari shakllantiriladi.
3. Yuqorida keltirilgan kompetentsiyalarning shakllantirilganligini
aniqlashda
− savol-javob, axborotni izlash, qayta ishlash va uzatish, didaktik
materiallar asosida test topshiriqlari, jadvallar bilan ishlash, o’quvchilar faoliyatini
tahlil qilib o’z-o’zini baholash usullaridan foydalanish maqsadga muvofiqdir.
56
Informatika kursi o’quv mashg’ulotlarida foydalaniladigan topshiriqlar
mazmunini shakllantirishda quyidagilarga e’tiborga olish maqsadga muvofiq:
- mavzu bo’yicha asosiy tushunchalar mazmunini ochishga qaratilgan
topshiriqlar;
- tasvirlash, yozma nutq va yozish malakalarini shakllantirishga doir
topshiriqlar;
- hisoblashga doir topshiriqlar;
- algoritm va dastur tuzishga doir topshiriqlar;
- kompyuter dasturi qo’llaniladigan jarayonning tuzilishini o’rganishga doir
topshiriqlar;
- kompyuter dasturlarini turli jarayonlarga qo’llash malakalarini egallashga
doir topshiriqlar;
- kompyuterga xizmat ko’rsatish malakalarini egallashga doir topshiriqlar va
boshqalar.
Umumiy o’rta ta’lim maktablarida Informatika o’quv predmetini o’qitishda
turli xil nazorat materiallaridan foydalaniladi. Informatika fanidan nazorat
materiallarini yaratish bo’yicha namunalarni “Axborot va uning miqdorini
o’lchash” mavzusi misolida keltiramiz:
1-mashq.Savatchada birdan sakkizgacha tartib raqamlari yozilgan 8 ta
kubcha bor. Shu savatdan bitta kubcha olinganligi haqidagi xabar o’zida qancha
axborot saqlaydi?
Yechish: Ma’lumki, agar xabar mavjud aniqmaslikni ikki marta kamaytirsa,
u holda bu xabar o’zida 1 bit axborot saqlaydi. Demak, savatchadan bitta kubcha
olinganligi haqidagi xabar o’z tarkibida 3 bit axborot saqlaydi. Javob: 3 bit.
2-mashq.Maktabda joylashgan kompyuter tarmoq orqali 1 Mbayt axborotni
32 minutda qabul qilib olgan. Ushbu axborotning olinish tezligini aniqlang?
Yechish: Ma’lum bir vaqt birligi orasida jo’natilgan axborot miqdori
ma’lumotlarni uzatish tezligini ifodalaydi. 1 Mbayt = 1024x1024 bayt, bu qiymat
32 ga bo’linsa, 32768 bayt/min ga teng qiymat hosil bo’ladi, bu esa biz izlayotgan
57
axborot tezligidir. Javob: 32768 bayt/min.
3-mashq.Maktabdagi a’lochi o’quvchilarning har biri 1 dan N gacha
bo’lgan o’z tartib raqamiga ega. Shu sonlardan istagan bittasini aniqlash uchun
ko’pi bilan 6 bit axborot zarur. N ning qiymatini toping.
Yechish: Bu mashq 1-mashqqa teskari mazmunda berilgan, 2 ning 6-darajasi
biz izlayotgan son, ya’ni 64 ga teng. Javob: N = 64
4-mashq. Maktabdagi kompyuterdan 2 bayt/s tezlikda xabar jo’natilmokda.
Agar shu kompyuterning shartli alifbosi 64 ta belgidan tashkil topsa, o’n minutda
qancha belgili axborot yuborilgan?
Yechish: Ko’rinib turibdiki, mazkur kompyuterning shu shartli alifboda
berilgan har bir belgisi o’z ichida 6 bit hajmdagi axborot saqlaydi. Masala sharti
bo’yicha, 10 minutda 10x2x8x60 = 9600 bit axborot jo’natilgan. Demak, 10
minutda 9600/6 = 1600 ta belgi jo’natilgan. Javob: 1600 ta.
5-mashq. Akmal o’z do’stiga 360 belgidan iborat xat jo’natdi, bunda 32
belgili maxsus alifbodan foydalandi. Akmalning jo’natgan matnidagi axborot
hajmini aniqang?
Yechish: Ko’rinib turibdiki Akmal foydalangan alifboning har bir belgisi o’z
ichida 5 bit hajmdagi ma’lumot saqlaydi. (360x5)/8 = 225. Javob: 225 bayt.
Nazorat materiallarini ishlab chiqishda turli xildagi tarqatma meteriallardan
foydalanish ham yuqori samara beradi. Bunday tarqatma materiallardan namuna
sifatida quyidagilardan foydalanish mumkin:
Axborotlarni himoyalash va antivirus dasturlaridan foydalanish mavzusi
bo’yicha quyidagi jadval qatorlarida berilgan jumlalarning mosini toping:
1 Internet
axborot
“o’g’irlarini”
a engillashtirish maqsadida yaratildi
2 Kompyuterlar inson ish
faoliyatini
b yangi pog’onaga ko’tardi
3 Kompyuter
viruslari
ularni
o’chirib yuborishi yoki
v yangi kutilmagan muammoga duch kelib
qoldi
58
4 Adliya,
kriminalistika,
milliy xavfsizlik soha
mutaxassislari
g tarmoq orqali kirishni cheklovchi va
nazorat qiluvchi texnik va dasturiy
vositalardan foydalanish, internet orqali
faqat ishonchli manbalardan axborot
olish, axborotlarni uzati va qabul qilishda
kriptografiya usullaridan foydalanish,
nazoratchi va davolovchi dasturlardan
foydalanish
5 Axborot xavfsizligi va
“elektron jinoyatchi”lardan
himoyalanishni
ta’minlovchi chora-tadbirlar
d Foydalanib
bo’lmaydigan darajada
o’zgartirib yuborishga qodir
Javob: 1-b; 2-a; 3-d; 4-v; 5-g.
EXCEL dasturida ishlash mavzusi bo’yicha nazorat topshiriqlaridan
namuna. O’quvchilarga to’ldirish uchun quyidagi jadval tarqatiladi. Agar ular
yozilgan fikrga qo’shilsalar, birinchi ustunda “+“ aks holda uchinchi ustunda “-“
belgisini qo’yish kerakligi aytiladi:
Ha Fikrlar
Yo’q
Asosiy berilganlar boshqa yacheykalarning qiymatlari
bo’yicha aniqlanmaydi
EXCEL quydagi buyruq bilan ishga tushiriladi: Pusk-
Nastroyka-EXCEL
EXCEL hujjati ishchi kitob deb ataladi
Ustunlar lotin harflar bilan belgilanadi
Ustunlar soni 26 ta
Yacheyka
nomi
yacheyka
joylashgan ustun va satr
nomerlaridan iborat
Nom
maydonida
satr
nomeri ko’rsatiladi
Formula satrida faol yacheykadagi ma’lumotlar aks ettiriladi
Diapozon – bu yacheykalar guruhi
Yacheykada matin, formula, son bo’lishi mumkin
Formula «S» belgisi bilan boshlanadi
To’ldirish markeri yacheykadagi malumotlarni nusxalaydi
59
Bu topshiriqni to’g’ri to’ldirish namunasi quyidagi jadvalda keltirilgan:
Ha Fikrlar
Yo’q
+
Asosiy berilganlar boshqa yacheykalarning qiymatlari
bo’yicha aniqlanmaydi
EXCEL quydagi buyruq bilan ishga tushiriladi: Pusk-
Nastroyka-EXCEL
-
+
EXCEL hujjati ishchi kitob deb ataladi
+
Ustunlar lotin harflar bilan belgilanadi
Ustunlar soni 26 ta
-
+ Yacheyka
nomi
yacheyka
joylashgan ustun va satr
nomerlaridan iborat
Nom
maydonida
satr
nomeri ko’rsatiladi
-
+
Formula satrida faol yacheykadagi ma’lumotlar aks ettiriladi
+
Diapozon – bu yacheykalar guruhi
+
Yacheykada matin, formula, son bo’lishi mumkin
Formula «S» belgisi bilan boshlanadi
-
+
To’ldirish markeri yacheykadagi malumotlarni nusxalaydi
Kompyuterning paydo bo’lishi va avlodlari mavzusi bo’yicha nazorat
topshiriqlaridan namuna. Quyidagi jadvalni ma’lumotlar bilan to’ldiring:
Dostları ilə paylaş: |