Komandirlarning ish amaliyoti mobaynida xaritadan maxalliy jismlarni va alohida inshootlarni (nishonlarni) joylashuvini ko‘rsatish yoki aniqlash zarurati tug‘iladi. Masalan, nishon ko‘rsatishda, joyni va dushmanni kuzatuvi natijasi to‘g‘risida boshliqlarga mahlumot berishda, otish uchun ma’lumotlar tayyorlashda va x.k.z. Bu vazifa mahlum bo‘lgan nuqtalarga (chiziqlarga) nisbatan nishon joylashuvini, maxalliy jismlarni yoki o‘z turar joyini ko‘rsatilashiga to‘g‘ri keladi; u shuningdek koordinatalar yordamida ham bajarilishi mumkin. Nuqtani biron – bir tepalikda yoki muvozanatda joylashuvini burchakli yoki chiziqli o‘lchovda aniqlanishi koordinatalar deb aytiladi. Xaritada joydagi nuqtalarni (nishonlarni) joylashuvini aniqlashda geografik va yassi to‘rg‘ri burchakli koordinatalardan foydalaniladi.
Geografik – koordinatalar – er yuzidagi nuqtani ekvatorga va boshlang‘ich meridianga nisbatan joylashuvini aniqlashda burchaklar o‘lchovini kengligi va uzoqligini tasvirlaydi.
Geografik kenglik – er yuzasidagi mahlum nuqtadan er markazi tomon tushirilgan tik chiziq bilan, ekvator tekisligi orasida hosil bo‘lgan burchak. Burchak kengligi er yuzidagi u yoki bu nuqtani ekvatordan qanchaga shimolda yoki janubda joylashuvini ko‘rsatadi. Agarda nuqta shimliy yarim sharda bo‘lsa – shimoliy, janubiy yarim sharda bo‘lsa janubiy deb aytiladi. Ko‘rinib turibdiki, V burchagi M nuqtaning kengligiga to‘g‘ri keladi. Ekvatorda joylashgan nuqtalarni kengligi 0darajaga, qutibda joylashganlarniki esa 90 darajaga teng.
