Hacı Nərimanoğlu

geniş miqyaslı qanlı aksiyalar həyata keçirdilər. Ermənilərin Bakıdan başlanan 

vəhşilikləri Azərbaycanı və indiki Ermənistan ərazisindəki Azərbaycan kəndlərini əhatə 

etdi... Beləliklə, XX əsrdə müxtəlif dövrlərdə 2 milyona yaxın soydaşımız öz tarixi 

vətənlərindən köçürülmüş, etnik təmizləmə siyasətinin qurbanına  çevrilərək öldürülmüş 

və didərgin salınmışdır.” 

 

Məhz Ulu Öndərimiz 31 mart gününü “Azərbaycanlıların Soyqırımı Günü” elan 

etdikdən sonra 70 il imperiya buxovları ilə yaşamağa məhkum olmuş Azərbaycan öz 

tarixini obyektiv şəkildə araşdırmaq imkanı qazandı. Dövlət müstəqilliyimizin bərpasından 

sonra çox sayda kitablar yazılıb, elmi-tədqiqat işləri aparılıb, ancaq yenə də xalqımıza qarşı 

---

7 

 

ermənilərin törətdikləri vəhşiliyin yeni-yeni izləri, sübutları üstü açılmamış sənədlərdə hələ 

də qalmaqdadır. Bir çox Avropa ölkələrində və Rusiya arxivlərində Osmanlı İmperiyasının 

son illərində, Birinci dünya savaşının davam etdiyi illərdə erməni millətçi silahlı 

dəstələrinin Anadolu ilə birlikdə Xoy, Urmiya, Bakı, Quba, İrəvan, Naxçıvan, Qarabağ və 

Zəngəzurda günahsız müsəlman türklərə qarşı törətdikləri amansızlıqları  əks etdirən 

sənədlər öz araşdırmaçılarını gözləyir.  

  

“Zəngəzur” Cəmiyyətləri Birliyinin Azərbaycan Respublikasının Prezidenti 

yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə 2012-

ci ildə həyata keçirdiyi “Zəngəzurda doğuldular, Anadoluda əbədiyyətə qovuşdular”, 2014-

cü ildə “Zəngəzur və Qarabağda ermənilərin törətdikləri qətliamlar Osmanlı-Türkiyə 

mənbələrində” layihələri çərçivəsində nəşr edilən eyni adda kitablarda belə yanaşma özünü 

göstərmiş, ilk dəfə olaraq Türkiyə  mənbələrində çox sayda yeni sənədlər tapılıb 

ictimaiyyətə təqdim edilmiş, maraqla qarşılanmışdı. Yaxşı haldır ki, bu nəşrin artıq   rus, 

ingilis, fransız, çex dillərinə tərcümə edilib yayılmasına da başlanmışdır.  

 

QHT-nin bu nəşrinin 2015-ci ilin əvvəlində  işıq üzünə  çıxaraq yayılması xüsusilə  

təqdirəlayiq və  əhəmiyyətli hadisədir, ona görə ki, türk düşmənçiliyini özlərinə  həyat 

tərzinə çevirmiş erməni diasporu saxta “erməni soyqırımı”nın 100 illiyini əldə bayraq 

edərək bir sıra Avropa və dünya güclərinin, lobbilərinin aktiv siyasi, informasiya, maliyyə 

yardımı ilə  beynəlxalq aləmdə Türkiyəyə qarşı hücum xarakterli total təbliğat 

kampaniyasına başlamışdır. Dünya erməniləri, onların diaspor və lobbiləri bu ili özləri 

üçün son fürsət, həlledici imkan hesab edirlər. Ona görə  də belə tarixi faktlara, arxiv 

sənədlərinə  əsaslanan elmi-tədqiqat xarakterli kitabların yazılıb yayılması çox gərəklidir, 

təqdirəlayiqdir. Heç şübhə yoxdur ki, 23 ildir torpaqlarının 20 faizdən çoxu erməni 

yağılarının tapdağında qalan Azərbaycan buna laqeyd qala bilməz, çünki Türkiyəyə dəyən 

zərbə həm də Azərbaycana dəyir.  

 Azərbaycan  Respublikasının Prezidenti yanında Qeyri-Hökumət Təşkilatlarına 

Dövlət Dəstəyi  Şurası bu cür layihələrin maliyyələşdirilməsini  əhəmiyyətli hesab edir və 

reallaşmasına dəstək verməkdə davam edəcəkdir.  

 

                              Azay  QULİYEV, 

 Milli  Məclisin üzvü, Azərbaycan Respublikasının Prezidenti yanında Qeyri-  Hökumət 

Təşkilatlarına Dövlət Dəstəyi Şurasının sədri, siyasi elmlər üzrə fəlsəfə doktoru 

 

 

 

 

 

 

 

 

 

 

 

 

 

 

 

 

 

 

 

 

---

8