Hacı Nərimanoğlu

münaqişəsinin mövcudluğu bizə diktə edir ki, bu sahəyə daha da böyük diqqət göstərək. 

Çünki bu bölgənin tarixi ermənilər tərəfindən daim saxtalaşdırılır, daim təhrif olunur." 

 Dünya 

siyasətinə  təsir etmək imkanları olan bir sıra beyin mərkəzlərinin, siyasi, 

ictimai xadimlərin də etiraf etdikləri kimi, informasiya savaşında ermənipərəst mövqelərin 

zəiflədiyi, erməni  tərəfdarlarının sayının və nüfuzunun ilbəil azaldığı, "hücum 

diplomatiyası"nın effektiv nəticələri göz önündədir. Tolerantlığı, sivil birgəyaşayış 

normalarını  daxili və xarici siyasətin əsas istiqamətinə çevirən dövlətimiz həm də bədnam 

erməni lobbisinin məkr və iftira üzərində qurulmuş qərəzli informasiya-təbliğat siyasətini 

ifşa edir, ermənilərin öz tarixləri ilə bağlı uydurduqları miflərini, Ermənistan-Azərbaycan, 

Dağlıq Qarabağ münaqişəsi ilə bağlı gerçəklikləri təhrif etmək, dünyanı çaşdırmaq 

cəhdlərini puça çıxır. Hazırda dünyada geniş müşahidə edilən "ikili standartlar"a, 

ədalətsizliklərə rəğmən, Ermənistanın Azərbaycana qarşı hərbi təcavüzü ən müxtəlif rəsmi 

səviyyələrdə etiraf edilir.  

 Artıq bu istiqamətdə əldə olunan, real nəticələri aydın görünən uğurlarda ölkəmizin 

QHT sektorunun pay çəkisi də  artmışdır.  

 Razılıq hissi ilə deməliyəm ki, Azərbaycan Respublikasının Prezidenti yanında 

Qeyri-Hökumət Təşkilatlarına Dövlət Dəstəyi Şurasının maliyyəsi ilə  nəşr edilib oxuculara 

təqdim olunan bu kitab da ölkə başçımızın qarşımıza qoyduğu məqsədin reallaşmasına 

xidmət edir. 

  

“Zəngəzur” Cəmiyyətləri Birliyinin sədri, yazıçı-publisist Hacı  Nərimanoğlunun  

oxuculara təqdim olunan bu kiçik həcmli kitabının  əsas üstünlüyü ordadır ki, həm 

Qafqazda, həm də Anadoluda Osmanlı dövləti zamanında ermənilərin türklərə qarşı 

əvvəlcədən planlaşdırıb həyata keçirdiyi soyqırımı siyasətinə, törətdikləri qanlı  qırğınlara 

şahidlik edənlər məhz ermənilərə arxa, dayaq olan, hərbi-siyasi, maddi-mənəvi yardım 

edən dövlətlərin  təmsilçiləridirlər-rus, ingilis, fransız, amerikan və ermənilərin özləridir.  

“Danışan”ların heç biri türk, müsəlman deyil, elə bu gün xristian təəssübkeşliyini özlərinə 

həyat, siyasət devizinə çevirmiş, dünyanı ikili standartlarla yönəldən, beynəlxalq siyasətə 

əsaslı təsir imkanları olan fövqəlgüc dövlətlərin, xalqların təmsilçiləridir.  

 Kitabda 

toplanmış faktlar, müxtəlif mənbələrdən gətirilən dəlil-sübutlar, sitatlar 

böyük güclərin öz siyasi məqsədləri naminə erməni millətçiliyini hansı bədnam yollarla və 

hansı  məqsəd, vasitələrlə  təşviq etdiyini açıq göstərir. Erməni terrorçu dəstələrinin 

yaranmasına verilən hərtərəfli dəstək, onların  kin, nifrətdən yoğrulmuş qeyri-insani 

hərəkətləri ilə nə qədər iyrənc olduğunu bütün  çılpaqlığı ilə bir daha göz önündə canlanır. 

Kitabı  vərəqlədikcə, hadisələrin canlı  şahidi olmuş xristian diplomat, hərbçi, yazarların 

şahidliyi ilə ermənilərin törətdikləri insanlıq adına ləkə olan vəhşətlərlə  nə  qədər 

alçaldığının, miskinləşdiyinin əyani şahidi oluruq. 

 

Təqdim edilən kitabda əsas məqsəd bir tərəfdən tarixdə mövcud olmamış “erməni 

soyqırımı” yalanlarının faktlarla ifşa edilməsidirsə, digər tərəfi türklərə qarşı  həyata 

---

5 

 

keçirilən soyqırımın nə qədər təkzibedilməz sübutlarının olduğunu ortaya qoymaqdır. Ona 

görə də təkcə elə bu kitabda toplanmış dəlillər bəşəriyyətə qarşı ən böyük cinayət sayılan 

soyqırımının XIX əsrin sonlarından başlayaraq XX əsrin sonlarınadək məhz türklərə qarşı 

aparıldığını sübut edir.  

 Burada 

mən 2014-cü ilin ən yaddaqalan, Türkiyə və Azərbaycanda geniş əks-səda, 

xoş ovqat yaradan hadisələrdən birini yada salmaq istərdim. Aprelin 24-ü saxta erməni 

soyqırımı günü Praqada dövlət və hökumət başçılarının iştirakı ilə  "Şərq tərəfdaşlığı" 

proqramının 5 illiyinə  həsr olunan sammitdə Ermənistan prezidenti Serj Sarkisyan Zirvə 

görüşünün plenar iclasında öz çıxışını bütünlükdə qondarma "erməni soyqırımı"na həsr 

edir, Türkiyənin Sammitdə təmsil olunmamasından sui-istifadə edən Ermənistan prezidenti 

mövzudan tamamilə kənara çıxaraq qondarma "soyqırımı" məsələsini qabardıb  Türkiyəni 

əsas tənqid hədəfinə çevirir. Serj Sarkisyan bir tərəfdən Türkiyəni qondarma "soyqırımı" 

ilə bağlı konstruktiv mövqe tutmamaqda, digər tərəfdən isə Ermənistanla sərhədlərini 

açmamaqda  əsassız olaraq ittiham edib və bu ölkənin Avropa İttifaqına üzvlüyünün 

yolverilməz olduğunu deyir. Ermənistan prezidenti çıxışında hər cəhdlə inandırmağa çalışır 

ki, Avropa ictimaiyyəti qondarma "soyqırımı" ilə bağlı daha təsirli mövqe tutmalıdır. 

Azərbaycan Respublikasının Prezidenti İlham  Əliyev Sammitdə söz alıb deyir: