“hamkorbank” atb bank kartalarini foydalanishga berish va ularga xizmat koʻrsatish toʻgʻrisida ommaviy oferta

---

_________________ _________________ 
1 
“HAMKORBANK” ATB bank kartalarini foydalanishga berish va ularga xizmat 
koʻrsatish toʻgʻrisida ommaviy oferta
Mazkur shartnoma jismoniy shaxslarga ajratiladigan (emissiya) Bank kartalarini berish va 
ularga xizmat koʻrsatish shartlarini oʻz ichiga oladi (matnda – Shartnoma). Mijoz mazkur 
shartnomada nazarda tutilgan amallarni bajarish yoʻli bilan quyidagi shartlarni toʻliq hajmda 
qabul qilganligini anglatadi. 
Quyida bayon qilingan shartlar barcha jismoniy shaxslarga yoʻnaltirilgan boʻlib, 
Oʻzbekiston Respublikasining Fuqarolik kodeksining 358, 367, 369 va 370 moddalariga muvofiq 
“Hamkorbank” ATBning Shartnoma tuzish toʻgʻrisida rasmiy ommaviy taklifi hisoblanadi. 
Shartnomada nazarda tutilgan amallar (harakatlarni) Jismoniy shaxs tomonidan bajarish 
chogʻidan boshlab kuchga kirgan hisoblanadi va toʻliq hajmda taraflar majburiyatlarini 
bajarguniga qadar amalda boʻladi.
1. Asosiy tushunchalar
1.1. Avtorizatsiya - karta bilan operatsiyalarni bajarishda tovar va xizmatlarga toʻlovni 
amalga oshirish uchun bank karta foydalanuvchisi huquqining tasdiqlanishi. Avtorizatsiya 
ovozli (telefon aloqasidan foydalangan holda) va avtomatlashgan (elektron qurilmadan 
foydalangan holda) avtorizatsiyalarga boʻlinadi. 
1.2. Bank kartasi (BK) - bank tarafidan emissiya qilingan, personalizatsiyalangan, toʻlov 
vositasi sifatida ishlatiladigan va oʻz saqlovchisiga bank hisobvaragʻidagi mablagʻlari 
doirasida operatsiyalarni, jumladan, hisobvaraq orqali naqd pulsiz hisob-kitoblarni 
(toʻlovlarni) amalga oshirish, undan naqd pul mablagʻlarini olish imkonini beruvchi 
amaldagi “milliy valyuta” - soʻmdagi toʻlov kartasidir.
1.3. Bank ish kuni - Oʻzbekiston Respublikasidagi banklar bank operatsiyalarini oʻtkazish 
uchun ochiq boʻlgan kun. 
1.4. Kartaning bekor qilinishi - karta kuchini yoʻqotgan deb tan olinishi. 
1.5. Kobeydjing (Birlashtirilgan) bank kartasi – ikki va undan ortiq toʻlov tizimlariga 
birlashgan, Oʻzbekiston Respublikasi yoki boshqa davlatlar banklari (emitentlari) 
tomonidan emissiya qilingan va har xil toʻlov tizimlari infratuzilmalarida foydalanish 
uchun moʻljallangan bank kartasidir. foydalanuvchisi BK foydalanuvchisi bankdagi hisob 
raqami boʻyicha amalga oshirish mumkin boʻlgan operatsiyalarning turlari BK 
foydalanuvchisi foydalanuvchisi va emitent oʻrtasida tuzilgan shartnomaga asosan 
oʻrnatiladi. 
1.6. Emissiya - Bank kartalarini foydalanuvchiga vaqtinchalik foydalanishga berish orqali 
muomalaga chiqarish. 
1.7. Emitent bank - bu BK emissiyasini amalga oshiruvchi, oʻzi emissiya qilgan bank 
kartalariga nisbatan mulk huquqiga ega boʻlgan, oʻz nomidan ularning saqlovchilari va 
ekvayerlar oldida naqd pulsiz hisob-kitoblarga oid qonunchilik hujjatlari talablari asosida 
majburiyatlarni zimmasiga olgan, shuningdek BK saqlovchilarining toʻlov operatsiyalari 
boʻyicha avtorizatsiyalash, tranzaksiyalarni yigʻish va ularga ishlov berish funksiyalarini 
amalga oshiruvchi bank. 
1.8. Ekvayer - BK orqali amalga oshirilgan operatsiyalar boʻyicha tovarlar (ishlar 
bajaruvchi, xizmatlar koʻrsatuvchi) sotuvchilari bilan hisob-kitoblarni amalga oshiruvchi, 
shuningdek BK saqlovchisiga bevosita kassa yoki bankomat orqali naqd pul beruvchi 
bank. 
1.9. Bank kartasi foydalanuvchisi (yoki Mijoz) - arizasiga asosan karta hisobvaragʻi 
ochgan, BK boʻyicha toʻlov operatsiyalarini amalga oshirish hamda BK va karta 
hisobvaragʻini yopish huquqiga ega boʻlgan jismoniy shaxs. BK bank tarafidan BK 
foydalanuvchisi vaqtinchalik foydalanish uchun beriladi va bankning mulki hisoblanadi. 

---

_________________ _________________ 
2 
1.10.