Hamkorbankning Shahrixon filyalining bo’limlari faoliyatini tahlili

6.Hamkorbankning Shahrixon filyalining moliyaviy holati, rentabelligi va likvidligi
6-jadval

Hamkorbank Shaxrixon tumani filialining moliyaviy ko`rsatkichlari

Yillar/ (ming, so`m)	2019y.	2020y.	2021y.	2022y. (31-mart)
Foizsiz kirim	-	-	-	254163164
Foizsiz chiqim	-	-	-	42273295
Sof foyda,%da	65735359	89705495	123480966	-
Foizli kirim	101135215	139654670	179664058	263528468
Foizli chiqim	35399856	38299767	45591577	102673821
Umumiy yalpi daromad	26699882	29093074	60134574	91707363
Aksiyadan foyda	2.75	3.63	5.39	-
Sredstvo boshqa banklar	52492901	44937496	76411649	-
Sredstvo mijozlar	11524019	1293752736	1593336282	-

Berilgan ma’lumotlar asosida bankning foizli kirimlari, foizli chiqimlari va foizsiz kirim va chiqimlarining o`zgarishini ham ko`rishimiz mumkin bo`ladi.

Foizli kirim 2019 yilda 101135215 ming so`mni tashkil qilgan bo`lsa, 2022 yilga kelib bu ko`rsatkich 263528468 ming so`mni tashkil qilgan. Bundan ko`rishimiz mumkinki o`shish sur’ati 2,6 marta o`sganligini ko`rsatib turibdi.
Foizli chiqim 2019 yili bu ko`rsatkich 35399856 ming so`mii tashkil etgan bo`lib keyingi yillarda bu ko`rsatkichning asta sekin ko`tarilishi natijasida 2022 yilga kelib 102673821 ming so`mni tashkil etdi.
Bank aktsiyadorlari umumiy yig`ilishi tomonidan 2022 yilgacha bo`lgan davr
uchun Bankning strategik rivojlanish Rejasi qabul qilinib, unga muvofiq, HamkorbanShaxrixon tumani filiali o`zining asosiy missiyasini belgiladi: o`z mijozlariga ularning biznesi talablariga javob beruvchi keng ko`lamdagi bank xizmatlarini professional taqdim etish orqali respublikada xususiy tadbirkorlikni mustahkamlashga ko`maklashish.
Missiyaning amalga oshirilishi va bank faoliyatining samaradorligini o`sishi biznes-jarayonlarni takomillashtirish, yangi sifatli texnologik bazani shakllantirish, har bir xodimning o`z faoliyati natijasiga bo`lgan mas’uliyatini oshirish hamda yangi boshqaruv va rag`batlantirish yechimlarini amalga tadbiq qilishni talab qiladi.
O`z missiyasini bajarish uchun Bank o`zining strategik maqsadi sifatida risklarning maqbul darajasini saqlagan holda biznesning qiymatini oshirish, shaffoflik, barqarorlik va ishonchlilikni ta’minlashni belgilab oldi. Yuqorida qayd etilgan maqsadlarga erishish uchun quyidagi vazifalar belgilangan:
Biznesni rivojlantirishning sifat ko`rsatkichlarini oshirish –bank faoliyatini quyidagi vazifalarni bajarish uchun qayta yo`naltirish:

1. 
   mijozlarga xizmat ko`rsatishda segmentga yo`naltirilgan yondashuv;
   
2. 
   ayni vaqtning o`zida bir necha turdagi xizmatlar ko`rsatishni kengaytirish;
   
3. 
   biznes-jarayonlarni takomillashtirish;
   
4. 
   risklarni boshqarish tizimi samaradorligini oshirish;
   
5. 
   korporativ madaniyatni takomillashtirish.
   
6. 
   Samaradorlikning asosiy moliyaviy ko`rsatkichlariga erishish – Samaradorlikning quyidagi asosiy moliyaviy ko`rsatkichlarini davomiy o`sishini ta’minlash va saqlab turish, o`z navbatida bankning kelgusidagi rivojlanish salohiyatini amalga oshirish imkonini beradi:
   
7. 
   kapitalning yetarlilik darajasi – kamida 14 foiz;
   
8. 
   Leveraj (o`z mablag`lari/jami aktivlar) – kamida 8 foiz;
   
9. 
   xususiy kapitalning rentabellik koeffitsienti – kamida 20 foiz;
   
10. 
    dividendlar darajasi –bir aktsiyaga kamida 20 foiz;
    
11. 
    aktivlar o`rtacha qiymatining rentabellik koeffitsienti – kamida 2 foiz;
    
12. 
    sof foizli marja – kamida 8 foiz.
    

Xalqaro moliya institutlari bilan hamkorlikni kengaytirish – xalqaro moliya institutlari bilan hamkorlik qilish ustuvor strategik yo`nalishlardan biri bo`lib, bankning institutsional rivojlanishi, mijozlarga yuqori sifatli, aksariyat hollarda eksklyuziv mahsulotlarning taklif qilinishi, biznes yuritishning yuqori standartlarini hamda bankning ishchanlik obro`sini shaffofligini saqlab turilishiga ta’sir ko`rsatadi.