Hammabop Tibbiyot Qo’llanmasi 2013
Yüklə 1,17 Mb. Pdf görüntüsü
|
|
Davolash:
Dastlab ko‘zni qaynatilgan suvga ho‘llangan latta bilan yiringdan tozalang, so‘ng ko‘zga ishlatiladigan antibiotik mazidan qo‘ying (680-bet). Pastki qovoqni biroz o‘zingizga torting va ichiga mazdan (surtmadan) biroz qo‘ying, mana bunday qilib: mazni ko‘z ustiga qo‘yishdan foyda yo‘q. Oldini olish: Kon’yuktivit kasalligi juda yuqumli bo‘ladi. Infeksiya osongina bir odamdan ikkinchisiga o‘tadi. Kon’yuktiviti bor bola boshqa bolalar bilan o‘ynashi yoki uxlashiga yoki bitta sochiqdan foydalanishiga yo‘l qo‘ymang. Ko‘zni ushlagandan so‘ng qo‘lingizni yuving. OGOH BO’LING: Tyubikni ko’zga tekkizmang. TRAXOMA (SHILPIQ) Traxoma(shilpiq) surunkali infeksion kasallik bo‘lib, sekin-asta og‘irlashib boradi. U bir oydan bir necha yilgacha davom etishi mumkin. Agar vaqtida davolanmasa, ko‘rlikka olib kelishi mumkin. U ko‘zga qo‘l tekkizish yoki pashshalar orqali yuqadi va ko‘pincha aholi zich joylarda uchraydi. Hammabop Tibbiyot Qo’llanmasi 2013 412 Belgilari: • Traxoma oddiy konyuktivit kabi ko‘zning qizarishi, yoshlanishi bilan boshlanadi. • Bir oy yoki ko‘proqdan so‘ng yuqori qovoq osti- da follikul deb ataladigan mayda-mayda kul rang pufakchalar paydo bo‘ladi. Ularni ko‘rish uchun rasmda ko‘rsatilgandek qilib qovoqni orqaga ag‘daring. • Ko‘z oqi biroz qizargan bo‘ladi. • Bir necha oydan so‘ng, agar siz sinchiklab yoki kattalashtiruvchi oynak orqali ko‘zga qarasangiz, siz muguz parda yuqori burchagining kul rang tusga kirganini ko‘rishingiz mumkin, buning sababi, uning ichida yangi juda kichkina qon tomirlar(pannus) paydo bo‘lganligidir. • Follikul va pannus bo‘lsa, buning traxomaligiga deyarli shubha yo‘q. • Bir necha yildan so‘ng follikullar o‘zidan so‘ng oq chandiqlar qoldirib yo‘qola boshlaydi. Chandiqlar qovoqni qalinlashti- radi va ko‘zni ochib, yumishga xalaqit berishi mumkin. Chandiqlar kipriklarni ko‘z ichiga tortishi, natijada, muguz pardasining shilinishi va ko‘rlikka olib kelishi ham mumkin. Yüklə 1,17 Mb. Dostları ilə paylaş:
|