Hammabop Tibbiyot Qo’llanmasi 2013

Traxomani davolash:
Tetratsiklin (637-bet) tabletkasini 2-3 hafta iching va ko‘zga kuniga 
3 mahal Tetratsiklin mazidan qo‘ying.
Hammabop Tibbiyot Qo’llanmasi 2013
413
Oldini olish:
Traxomani erta va to‘la davolash orqali biz uning boshqalarga 
tarqalishining oldini olishimiz mumkin. Traxomasi bor odam bilan yashov-
chi odamlar, ayniqsa, bolalar o‘z ko‘zlarini tez-tez tekshirtirib turishlari va 
kasallik belgilari paydo bo‘lgan zahotiyoq davolanishlari kerak. Yuzni har 
kuni yuvib turish ham traxomaning oldini olishga yordam beradi. Shuning-
dek, qo’llanmada keltirilgan Tozalik Qoidalariga rioya qilish juda muhimdir.
Tozalik - traxomaning oldini olishga yordam beradi.
YANGI TUG‘ILGAN CHAQALOQLAR KO‘ZLARINING YAL-
LIG‘LANISHI (CHAQALOQ KON’YUKTIVITI)
Agar birinchi 2 kun ichida chaqaloqning ko‘zlari 
qizarib, shishib chiqsa va ko‘p yiring bog‘lasa, bu bleno-
reya (ko‘zda rivojlanadigan so‘zak) degan kasallik boshla-
nishi deb hisoblanadi va gonoreya (so‘zak)dan (290-bet) 
dalolat beradi. Bola ko‘r bo‘lib qolmasligi uchun, kasallikni 
darhol davolash kerak. Agar ko‘z infeksiyasi bola tug‘il-
ganidan 1 -3 haftadan so‘ng boshlansa, u xlamidioz 
kasalligiga uchragan bo‘ladi. Bola bu kasalliklarning birini 
yoki ikkalasini ham onasidan tug‘ilayotganda yuqtirib 
olgan bo‘ladi. Hozir tug‘ruqxonalarda bola tug‘ilishi bilan 
blenoreyaga qarshi ehtiyot choralari ko‘riladi.
Gonoreyani davolash:
♦ Kanamitsindan 50 mg. dan 75mg. gacha ukol qiling (430-bet). 
Penitsillin ham ba’zan yordam beradi: Benzilpenitsillin-natriydan 200.000 
ED. dan kuniga 2 mahaldan 3 kun davomida qilish yetarlidir. Yoki T-isep-
tol siropidan kuniga 2 mahal 1/2 choy qoshiqdan bir hafta davomida ichir-
ing (641-bet). (Agar iloji bo‘lsa, Seftriakson 125 mg. miqdorida bir marta 
qilish eng yaxshi davodir.)
♦ Shuningdek tetratsiklinli ko‘z mazidan qo‘ying: birinchi kuni 
chaqaloqning ko‘ziga mazdan har soatda, keyinchalik 2 hafta davomida 
kuniga 3 mahaldan qo‘yib turasiz. (Avval 410-betda aytilgandek qilib, 
ko‘zni yiringdan tozalang.)

---

Hammabop Tibbiyot Qo’llanmasi 2013