DÜŞÜN:
Hər bir insanın təmiz, tərkibində zərərli maddələr olmayan hava ilə nəfəs
almaq hüququ var.
Tütünçəkmə insanın sağlamlığına təhlükə yaratmaqla yanaşı, ona ciddi
maddi zərər vurur. Təxminən 20 il ərzində tütünə xərclənən pula hətta
avtomobil almaq mümkündür!
Tütündən asılılıq xroniki xəstəlikdir, ondan imtina etmək üçün təkrar cəhdlər
göstərilməlidir.
Güclü vərdiş və hətta asılılığın növü olan tütünçəkmədən milyonlarla insan
imtina edə bilir.
Tütünçəkmə nəticəsində əmələ gələn bir çox xəstəliklərin yaranma riski
tütünçəkmədən imtina etdikdən sonra azalır.
Artıq sənin də tütünlə bağlı təhlükələr barədə məlumatın var!
Tütün çəkməyə başlama! Çəkirsənsə, imtina et!
BU BUKLETİ İTİRMƏ!
Bukleti tütünçəkən yoldaşlarına göstər! Onları vaxtında bu təhlükəli
vərdişdən çəkindir!
UNUTMA Kİ, VƏTƏNİ YALNIZ SAĞLAM VƏ GÜCLÜ
GƏNCLƏRİN XİDMƏT ETDİYİ ORDU QORUYA BİLƏR!
Buklet Azərbaycan Respublikası Prezidentinin 2011-ci il 7 iyul tarixli 1621 nömrəli Sərəncamı
ilə təsdiq edilmiş “Azərbaycan gəncliyi 2011-2015-ci illərdə” Dövlət Proqramı”nın həyata
keçirilməsi üzrə Azərbaycan Respublikası Səhiyyə Nazirliyinin Tədbirlər Planının 6.2.4-cü bəndinin
1-ci hissəsinə uyğun olaraq İctimai Səhiyyə və İslahatlar Mərkəzi tərəfindən hazırlanmış və
çap edilmişdir.
Sağlam əsgər – güclü ordu!
Güclü ordu, Vətəni qoru!
Tütünçəkmə nəticəsində:
ağ ciyər və digər orqanların xərçəngi inkişaf edir
ürək-damar xəstəlikləri yaranır
nəfəs yollarının xəstəlikləri artır
insanın üzərindən xoşagəlməz qoxu gəlir
dişlər və dırnaqlar saralır
saç tökülür
yaddaş zəifləyir
fiziki hərəkət zamanı tez-tez yorulma halları baş verir
əhval-ruhiyyə pozulur
cinsi fəaliyyət zəifləyir
boy artımı ləngiyir
Tütün çəkən kişilərdə cinsi zəifliyin yaranması ehtimalı
çəkməyənlərə nisbətən 2 dəfə çoxdur.
Cəmi bircə siqaret belə, sağlamlığa mənfi təsir göstərir. Qəlyan çəkdikdə isə
insan orqanizmi daha çox xərçəng yaradan maddə qəbul edir və qanda dəm
qazı 4 dəfə çox olur, bu da müxtəlif xəstəliklərin yaranmasına səbəb olur.
NƏZƏRƏ AL:
Mentollu, nanəli, digər yanlış olaraq “yüngül”, “zəif” adlandırılan
siqaretləri çəkən gənclər sərinləşdirici təsirə malik olan tüstünü ağ ciyərdə daha
çox saxlayır və bu, adi siqaretdən də artıq təhlükə yaradır.
“... siqaret çəkənə müsbət münasibət ola bilməz...”
İlham Əliyev,
Azərbaycan Respublikasının Prezidenti
Dünyada hər il 6 milyonadək insan tütünün zəhərli təsiri ilə
yaranan xəstəliklər nəticəsində dünyasını dəyişir. Bu təhlükəli
vərdiş, hətta tütünçəkənlərin də fikrincə, cəmiyyətin
mənafeyinə və vətənpərvərlik ideyasına zidd addım sayılır.
“Cəmi bircə siqaret” fikri tütünçəkməyə başlayan gənci
nəticədə tütündən asılı edir. Hərbi xidmətdə olan gənc tütün
çəkirsə, özünün və dostlarının həyatını təhlükəyə atır.
Tütündən uzaq dayan! Aktiv və passiv tütünçəkmə
sağlam həyat üçün TƏHLÜKƏLİdir!
Tütünçəkmə aktiv (insan özü çəkirsə) və passiv (digərlərinin çəkdiyi tütün
tüstüsü ilə nəfəs alırsa) olur. Nəticədə əzablı ölümə gətirib çıxaran, uzun sürən,
ağrı ilə dolu xəstəliklər yaranır.
TÜTÜN ALIR SƏNİ HƏDƏFƏ –
KEÇMƏ DÜŞMƏN TƏRƏFƏ!
Tütün tüstüsündə insan orqanizmi üçün təhlükəli
sayılan 4000-ə yaxın zərərli,
o cümlədən xərçəng xəstəliyini yaradan
kimyəvi maddə var.
Tütünçəkmə gənclərin həm fiziki, həm də psixoloji
sağlamlığına təhlükə yaradır. Belə gənclər diqqətsiz
və əsəbi olub, münasibətlərdə problemlər yaşayırlar.
