6.1.5. Mitaxondrinin mənşəyi Hüceyrədəki mitaxondrilərin özlərinə xas DNT-ləri var və bölünərək yəni mitaxondrilər yaradırlar. Bu xüsusiyyət onların bir prokariot orqanizma olduğunu və təkamül müddətində eukariot hüceyrəyə daxil olaraq endosimbiotik həyatı yaşaması düşünülür. Ilk dəfə 1883-cü ildə botanik Sximper xloroplastların sianobakteriyalardan təkamül etdiyini bildirmiş və Meresxovski də 1905-ci ildə endosimbiotik nəzəriyyəsindən danışmışdır. Nəzəriyyəyə görə aerob bir bakteriya ibtidai bir eukariot hüceyrənin sitoplazmasına yerləşərək bu hüceyrəyə enerji verməyə başlayar və qarşılığında da daimi və qoruyucu bir mühitdə hazır qidalardan yararlanmış olduğunu önə sürülür. Bu aerob bakteriya zamanla mitaxondriyə çevrilmişdir. Endosimbitik nəzəriyyə yaxın zamanlarda molekulyar DNT analizləri ilə sübutlanmışdır. DNT analizləri mitaxondri DNT-i ilə Ricketssia provazeki bakteriyasının DNT-i arasında cox oxşarlıqların olduğunu ortaya çıxarmışdır. Ricketssia provazeki mitaxondrilər kimi sadəcə ekariot hüceyrələr daxilində yaşaya bilən bir bakteriyadır. Ricketssia provazeki və mitaxondrilərin həm yaşayış tərzləri həm də DNT-lərindəki oxşarlıqlar bunların ortaq bir mənşəyə malik olmaları göstərilmişdir.
