4.3.2.Hüceyrə-hüceyrə əlaqəsi. Hüceyrələrin lateriyal səthlərində hüceyrələrin bir-birilərinə birləşməsini təmin edən nöqtələr mövcuddur. Hüceyrələrdə üst tərəfdən alt tərəfə doğru düzülmüş şəkildə hüceyrələr arası əlaqəni təmin edən üç fərqli birləşmə forması var: möhkəm əlaqə (zonula okludens), kəmər əlaqə (zonula eterens) və düymə desmosom (macula aterens). Bununla yanaşı hüceyrələrin dibində də hüceyrə-bazal laminal əlaqəsini yaradan dördüncü əlaqə nöqtəsi daha tapılıb ki, buna da yarım desmosom (hemidesmozom) adı verilir (şəkil 4.27). Bu əlaqələr xaricində hüceyrənin hüceyrə xarici matriksi ilə birləşməsini təmin edən fokal əlaqələr də mövcuddur. Fokal əlaqələr hüceyrənin yan tərəfində ola biləcəyi kimi hüceyrənin dib hissəsində də ola bilər. İstər hüceyrə arası əlaqədə istərsə də hüceyrə-bazal laminə əlaqəsində transmembran zülalları iştirak edir. Hər əlaqə üçün fərqli transmembran zülalları olması ilə yanaşı bu zülların hüceyrəxarici çıxıntıları (hüceyrəxarici birləşmə zülalları) hüceyrələri bir-birilərinə bağlayarkən hüceyrədaxili çıxıntıları da (hüceyrədaxili birləşmə zülalları) hüceyrə skelet hissələrinə tutunurlar (şəkil 4.28).
