Mühazirənin planı: Hüceyrə zədələnməsinin səbəbləri; Hüceyrə zədələnməsinin patogenetik mexanizmləri

III mövzu. HÜCEYRƏ ZƏDƏLƏNMƏSİ HAQQINDA ÜMUMİ MƏLUMAT. MİKROSİRKULYASİYA VƏ YERLİ QAN DÖVRANI POZULMALARI.
Mühazirənin planı:

• 
  Hüceyrə zədələnməsinin səbəbləri;
  
• 
  Hüceyrə zədələnməsinin patogenetik mexanizmləri;
  
• 
  Hüceyrə zədələnməsinin əlamətləri;
  
• 
  Zədələnməyə qarşı hüceyrənin mühafizə sistemləri;
  
• 
  Hüceyrə zədələnməsinin korreksiyasının ümumi prinsipləri.
  
• 
  Mikrosirkulyasiya pozulmaları;
  
• 
  Yerli qan dövranı pozulmaları (arterial hiperemiya, venoz hiperemiya, işemiya, infarkt, staz, tromboz, emboliya);
  

Hüceyrə zədələnməsi tipik patoloji proses olub, hüceyrədaxili ho­meo­stazın, hüceyrənin funksiya və quruluşunun pozulması ilə səciyyələnir. Hü­cey­rə zədələnməsi – alterasiya (latınca “alteratio” – dəyişkənlik)hücey­rənin quruluş və funksiyalarının, subsellülar strukturların, hüceyrələrarası qar­şılıqlıəlaqələrin pozulması ilə müşayiət olunur.

Hüceyrə zədələnməsi zamanı baş verən dəyişikliklər təkamül prosesində formalaşmış, genetik proqramlaşdırılmış, universal və stereotipdir. Beləliklə, hüceyrə zədələnməsi müxtəlif patogen təsirlərdən yaranan vəümu­mi qanunauyğunluqlarla inkişaf edən tipik patoloji prosesdir.