I bob. Adabiyotlar tahlili

Ikkinchidan – qiyin o’yin sharoitida texnik usullarni yuqori darajadagi ishonchliligi.
Uchinchidan–birinchi va ikkinchi faktorlarni takomillashtirilganligi hujum va himoyadagi taktik harakat malakalarini egallash.
SHunday qilib taktik, texnik jismoniy va psixologik tayyorgarliklar bir-biriga bog’liqdir.
YUkori darajadagi taktik tayyorgarlik o’yin vaqtida voleybolchini texnik potensialini va yakka harakatlarni maksimal darajada ishlatishga imkon yaratadi. O’yinchini taktik tayyorgarligi uni texnik tayyorgarligiga bog’liqdir. Har qanday taktik harakatlar (yakka, guruh, jamoa) texnik usullarni qo’llanishiga bog’liq. Nazariya nuqtai nazaridan o’yin vaqtida o’yinchini texnik, taktik fikrlari doirasi qancha keng bo’lsa, raqib ustidan g’alaba qozonishga imkon beradi.
Maqsad va vazifalari: Taktik tayyorgarlikning bosqichlari.
Taktik tayyorgarlik – bu pedagogik jarayon bo’lib, taktik usullarni qiyin o’yin sharoitida taktik harakatlar yordamida voleybolchi raqib jamoasi ustidan g’alaba qozonishga imkon yaratadi. Voleybol taktikasini yaxshi bilish, nazariy tomondan, yaxshi o’zlashtirilgan bulsa xam, amaliyotda bu juda kam foyda keltiradi. Taktik harakatlarni o’rganish o’yin vaktida yuqori natija ko’rsatish uchun yetarli emas. O’rgatish jarayonida texnikani va taktikani bir-biriga bog’lab o’rgatish kerak.
Taktik tayyorgarlikning asosiy maqsadi – o’yin vaqtida texnik usullarni maqsadga muvofiq ravishda qo’llay olishni o’rgatishdir.
Taktik tayyorgarlikni vazifalari:

1. 
   O’yin taktikasiga o’rgatish uchun sharoit yaratish.
   
2. 
   Texnik usullarga o’rgatish jarayonida, taktik malaka va ko’nikmalarini shakllantirish.
   
3. 
   Qiyin o’yin sharoitida texnik usullarni yuqori darajada ishonchliligini ta’minlash.
   
4. 
   YAkka, guruh, jamoani hujumda va himoyada harakat malakalarini egallash.
   
5. 
   Voleybolchini fikrlashini takomillashtirish.
   
6. 
   SHaroitga qarab taktik va texnik usullarni samarali qo’llash.
   
7. 
   Tez fikrlash va harakat turini o’zgartirish, hujumdan himoyaga va himoyadan hujum harakatga o’tish.
   
8. 
   Raqib jamoasini texnik va taktik o’yin imkoniyatlarini o’rganish.
   

Eng kuchli jamoalar taktik harakatlarini o’rganish